Mariko 2:24 - Digo Bible

²⁴ Mafarisayo ariphoona vira, amuuza Jesu, “Mbona anafundzio anahenda kazi Siku ya Kuoya? Lola! Anahenda dzambo ambaro si shariya kpwehu swiswi Ayahudi kuhendwa Siku ya Kuoya.”

Mariko 2:24 ပူးပေါင်းရင်းမြစ်များ

Kutsama 20:10

ela siku ya sabaa ni Siku ya kuoya kpwa ajili ya Mwenyezi Mlungu, Mlunguo. Siku iyo usihende kazi yoyosi, uwe phamwenga na mwanao mlume au mwanao mchetu, mtumishio mlume au mtumishio mchetu, ngʼombeyo, pundao au nyamao yeyesi, piya mjeni asagalaye phako kaya.

Kutsama 31:15

Kuna siku sita ambazo munaweza kuhenda kazi zenu, ela siku ya sabaa ni Siku ya Kuoya, siku iriyotengbwa kpwa sababu ya Mwenyezi Mlungu. Mutu yeyesi ndiyehenda kazi ya aina yoyosi siku iyo, ni aolagbwe.

Isaya 56:2

Baha mutu ahendaye gaga na kugagbwira sana, agbwiraye Siku za Kuoya bila ya kuzivundza na kudzizuwiya asihende mai gogosi.”

Isaya 56:4

Mana Mwenyezi Mlungu anaamba vivi, “Atu a kutulwa agbwirao Siku zangu za Kuoya, na kutsambula ganifwahirago, na kuchigbwira chilagane changu ngingingi,

Isaya 56:6

Chisha ajeni adziungao na Mwenyezi Mlungu ili amuhumikire, aho amendzao dzina ra Mwenyezi Mlungu na kukala atumishie, aho agbwirao Siku ya Kuoya bila ya kuivundza na kugbwira chilagane changu ngingingi,

Isaya 58:13

Ela msivundze Siku ya Kuoya. Msilunge muonago ni sawa siku yangu takatifu. Ihende Siku ya Kuoya ikale ya furaha na takatifu kpwa Mwenyezi Mlungu, muyiishimu na kuitogola.

Mathayo 12:2

Ela Mafarisayo ariphoona gara gahendekago amuamba Jesu, “Lola! Anafundzio anahenda dzambo ambaro si shariya kpwehu swiswi Ayahudi kuhendwa Siku ya Kuoya.”

Mariko 2:16

Alimu a Shariya okala ni a kundi ra Mafarisayo amuona Jesu anarya na atu hinya. Phahi achiauza anafundzie, “Mbona yuno anarya phamwenga na atoza kodi na achina-dambi?”

Mariko 2:25

Jesu achiaambira, “Kale tamdzangbwesoma arivyohenda Mfalume Daudi na ayae ariphosikira ndzala?

Mariko 2:7

“Kpwa utu wani yuno anagomba vino? Anakufuru. Takuna mutu awezaye kuswamehe dambi siphokala Mlungu macheye.”

Aeburania 12:3

Hebu phundzani vyo Jesu arivyopingbwa ni achina-dambi, ela ye achivumirira gosi. Phahi msivundzike mioyo na mkakata tamaa.