Kutsama 34:15 - Digo Bible

¹⁵ Kalani matso musiike chilagane na enyezi a tsi iyo sedze anaphoabudu milungu yao, achikpwalikani mkarye vyakurya vyao chivyolaviwa sadaka.

Kutsama 34:15 ပူးပေါင်းရင်းမြစ်များ

1 Nyakati 5:25

Ela amuasi Mlungu wa akare ao. Aho aabudu milungu ya atu a tsi iyo ambayo Mlungu kala akaangamiza mbere zao.

Ezira 6:9

Mundaapha nyo alavyadzi-sadaka a Jerusalemu chila chitu achilondacho kpwa ajili ya kumlavira Mlungu wa mlunguni sadaka za kuochwa, yani ndzau, maturume na ana ngʼondzi. Piya apheni mtsere, chiluma, uchi wa zabibu na mafuha chila siku bila ya kukosa,

Ezira 9:12

Kpwa hivyo msilavye asichana enu alólwe ni ahana aho na musiriche ahana enu alóle ana achetu ao. Musiike mapatano nao wala kulonda usena nao, ili mkale na nguvu, na murye manono ga yo tsi na kuricha yo tsi ikale urisi wa vivyazi vyenu hata kare na kare.’ ”

Zaburi 106:28

Halafu achidziunga kuabudu Baali kula Peori, achirya sadaka zolavirwa milungu ya kufwa.

Zaburi 73:27

Hiye adzitengaye nawe kpwa kpweli andaangamia anayekutsamalala, undamuangamiza.

Kutsama 22:19

Mutu yeyesi ndiyelala nyama, ni aolagbwe.

Kutsama 22:20

Mutu yeyesi ndiyemlavira sadaka mlungu wanjina isiphokala Mwenyezi Mlungu ni aolagbwe.

Kutsama 23:32

Musiike chilagane nao wala na milungu yao.

Kutsama 32:8

Akaricha malagizo gangu ambago naalagiza na akadzitengezera chizuka chiricho na umbo ra mwana ndzau. Achichiabudu na kuchilavira sadaka na kuamba, ‘Enehu, hino ni milungu yehu, mwimwi Aiziraeli iriyokutuluzani kula Misiri.’ ”

Kutsama 34:10

Ndipho Mwenyezi Mlungu achiamba, “Ninaika chilagane phamwenga na atu a Iziraeli. Na mbere zao osi nindahenda vilinje ambavyo tavidzangbwehendwa kpwenye taifa rorosi duniani. Atu urio nao andaona vilinje ambavyo nindakuhendera nao andaogopha uwezo wangu mkpwulu.

Kutsama 34:12

Kalani matso musiike chilagane na atu ambao tsi yao mundaphiya mkaisagale, kpwa sababu anaweza kukuhegani mlunge njira mbii.

Jeremia 3:9

Kpwa kukala uzembe kpwakpwe kala ni dzambo ra kawaida, waihenda tsi ikale najisi kpwa kuvoya vizuka vya mawe na mihi.

Hosea 4:12

Atu angu anapiga mburuga kula kpwa vizuka vya mihi nao nkumanyiswa maneno ni fwimbo. Roho ya umalaya ikaangamiza nao akamricha Mlungu wao.

Hosea 9:1

Mwi Aiziraeli musihererwe, musitine-tine kpwa raha dza atu a mataifa ganjina asiomanya Mlungu. Mwimwi simwi aaminifu kpwa Mlungu wenu, munamendza maripho ga umalaya kahi za mwatu mwa kuwagira.

Alawi 17:7

Kpwa hivyo Aiziraeli andakoma kabisa kulavira sadaka vizuka vyenye umbo ra ndenje, dzambo ambaro rikaahenda akose kukala aaminifu kpwangu. Hiri ni lagizo ra kare na kare kpwao na vivyazi vyao vyosi.

Isabu 15:39

Midzele hino mundakala nayo ili ndiphoilola mtambukire na kulunga malagizo gosi ga Mwenyezi Mlungu, sedze mkakosa kuhenda uaminifu kpwa kulunga tamaa za mioyo yenu na matso genu.

Isabu 25:1

Wakati Aiziraeli ariphokala Shitimu, alume ahenda udiya na achetu a Moabu.

Isabu 25:2

Achetu aha aalika Aiziraeli kpwenye sharee za kulavira milungu yao sadaka, nao Aiziraeli arya na achiabudu milungu ya Amoabu.

Mahendo 15:20

Ela ni lazima huaandikire baruwa kuaambira, asirye vyakurya vyotiywa uyi kpwa kulaviwa sadaka kpwa milungu ya vizuka, asihende uzinifu, asirye nyama achiyesongolwa wala asirye mlatso.

1 Akorintho 10:27

Mutu ambaye siye mfuasi myao achikualika kpwakpwe kaya na uchikubali kuphiya, karye ndichoandazirwa. Usiuze maswali kukala ni halali ama si halali kurya.

1 Akorintho 8:10

Mana mutu ambaye kadzangbwemanya kala chizuka si chitu, achikuona uwe mwenye marifwa unarya chakurya mzukani, andaona kukala ni sawa arye chakurya chiricholaviwa sadaka kpwa vizuka.

1 Akorintho 8:4

Phahi, kuhusu vyakurya vyolaviwa sadaka kpwa vizuka, hunamanya kala chizuka si chochosi himu duniani na Mlungu ni mmwenga tu.

1 Akorintho 8:7

Ela si atu osi amanyao ukpweli huno. Anjina kala akabara kuvoya vizuka kama milungu yao. Hata achirya chakurya cholaviwa sadaka kpwa chizuka, anaona kala chakurya hicho chikalavirwa milungu. Kpwa vira taadzangbwemanya kala chizuka si chitu, phahi nkudziona anahenda dambi.

Kumbukumbu 31:16

Mwenyezi Mlungu achimuambira Musa, “Sambi u phephi na kufwa dza akareo na bada ya chifocho, atu andaandza kuniricha na kulunga milungu yanjina ya tsi iyo ambamo andaphiya kpwendasagala. Andaniricha na kuvundza chilagane nricholagana nao.

Kumbukumbu 31:18

Kpwa kpweli nindaafwitsa uso wangu kpwa sababu ya mambo mai gosi kpwa kugalukira milungu yanjina.

Kumbukumbu 32:37

Halafu Mwenyezi Mlungu andauza, i kuphi milunguyo, mwamba muriouchimbirira mkale salama?

Kumbukumbu 32:38

I kuphi yo milungu yenu yorya marunya ga sadaka zenu na kunwa uchi wa zabibu wa sadaka zenu za chinwadzi? Phahi na iime, ikuteryeni; iricheni iyo ikale urindzi wenu!

Kumbukumbu 7:2

Mwenyezi Mlungu, Mlungu wenu, ndiphotiya atu hinyo mwenu mikononi na muaturye, ni muaolage tsetsetse. Musiike chilagane chochosi nao wala msiaonere mbazi.

Kumbukumbu 7:3

Msilólane nao, wala kualóza ana enu achetu au alume.

Joshuwa 23:12

Mana muchiricha kumkuluphira na mchitsanganyikana na atu a mataifa ganjina garigosala na kulózana nao,

Maono 2:20

Ela muna utu ambao unanisononesa, kpwa sababu ya hiye mchetu Jezebeli, ambaye anadziiha nabii. Mnamricha anachenga atu angu na kuafundza udiya, na kurya vyakurya vyolavirwa sadaka vizuka.

Aamuli 2:17

Ela Aiziraeli taayaaphundza hinyo aamuli aho mana akala dza malaya kpwa kukosa uaminifu, aho alunga milungu yanjina na kuiabudu. Aricha upesi nyayo zolungbwa ni akare aho ariotii shariya za Mwenyezi Mlungu, ela nyo taahendere hivyo.

Aamuli 3:6

Aiziraeli alóla ana achetu a mataifa higo na kulavya ana aho a chichetu alólwe ni barobaro a mataifa higo na kuabudu milungu ya atu aho.