Kutsama 20:17 - Digo Bible

¹⁷ “Usimizire mahe nyumba ya myao. Usimizire mahe mkpwaza myao, wala mtumishiwe mlume au mtumishiwe mchetu, au ngʼombeye, au pundawe, au chitu chochosi aricho nacho jiranio.”

Kutsama 20:17 ပူးပေါင်းရင်းမြစ်များ

Mwandzo 14:23

kukala sindahala chitucho chochosi, hata wuuzi wala kowa ya chirahu, usedze ukaamba, ‘Mimi ndimi yemtajirisha Buramu.’

Mwandzo 3:6

Yuya mchetu ariphoona kukala nyo muhi una matunda manono ga kurya, na unatamanika kpwa kumupha mutu ikima. Phahi, wahunda matundage achirya, chisha achimupha mlumewe yekala a phamwenga, naye achirya.

Mwandzo 34:23

Huchikubali hivyo, mifugo yao na mali zao zanjina zosi zindakala ni zehu. Phahi, nahukubalini ili asagale phamwenga naswi.”

Ayubu 31:1

“Mimi náika chilagane na matso gangu, nisilole msichana na kumuaza.

Ayubu 31:9

Ichikala moyo wangu wahamirwa ni mchetu, na ichikala naoteya mryangoni pha jirani,

Zaburi 10:3

Atu ayi anadzilika kpwa mambo mai anagopanga kugahenda aroho analani na kumrema Mwenyezi Mlungu.

Zaburi 119:36

Elekeza moyo wangu ukale na chiru ya kulunga malagizogo, na si kpwa sababu ya kuphaha fwaida!

Misemo 4:23

Rinda moyoo kuriko chitu chanjina chochosi kpwa kukala himo ndimo chandzo cha uzima.

Misemo 6:29

Ndivyo mutu alalaye mkpwaza myawe akalavyo, yeyesi amgutaye mkpwaza myawe andatiywa adabu.

Muhubiri 4:8

Náona mutu mmwenga muweche, kana mwana wala ndugu. Ela karichire kuhenda kazi wala kayatosheka na mali ariyokala nayo. Naye achidziuza: “Natuluza jasho na kudzilafya starehe kpwa sababu ya ani?” Gaga nago tagana mana na ni utu wa kusononesa.

Isaya 33:15

Ela hinyo asagalao kpwa kuhenda haki na kugomba kpweli, hinyo aremao kuhala pesa kpwa nguvu na asiokubali hongo, hinyo asiodzihusisha na njama za kuolaga na asioshiriki kuhenda mai,

Isaya 57:17

Kpwa sababu ya tamaa zao mbii, nátsukirwa nchiapiga, na kpwa sababu ya tsukizi nchiricha kualola, ela achienderera kuhenda mioyo yao irivyolonda.

Jeremia 22:17

Ela matsogo na moyoo unaphalahira mapato gasigo ga halali, kpwa kuolaga asio makosa, kuonera atu na kuahendera ujeuri.”

Jeremia 5:8

Akala dza farasi achioriswa vinono enye mkpwatyo, chila mmwenga achiaza kulala na mchetu wa myawe.

Ezekieli 33:31

Phahi andakulokera kama kawaida edze asagale mberezo dza atu angu na kuphundza ugombago ela taandagalunga. Mana mendzwa yao ni ya mromo bahi, ela mioyo yao inahamirwa ni kuphaha mapato gasigo ga haki.

Mika 2:2

Nkuaza minda na akaihala, akaaza nyumba na akazihala. Nkumuonera mutu na atu a nyumbaye, na nkufuta mutu urisiwe.

Habakuki 2:9

Shauriye! Iye adzengaye nyumba kpwa utajiri ariouphaha kpwa njira mbii. Kuno anaona kukala utajiri hinyo undamrinda, na kumtivya iye na atue asiphahwe ni mai.

Mathayo 20:15

Dze, nikale sina haki ya kuhenda nilondavyo na pesa zangu? Dze, uzuri wangu unauonera chidzitso?’ ”

Mathayo 5:28

Ela mino ndimi nakuambirani kukala mutu achiona mchetu na achimuaza, phahi hiye ni kukala a kazini na yuya mchetu mwakpwe moyoni.

Luka 12:15

Chisha achiamba, “Dzimanyirireni! Dziepusheni na chila aina ya tamaa. Mana maisha ga mutu tagakala kamili kpwa unji wa mali arizo nazo.”

Luka 16:14

Mafarisayo ariphosikira hivyo, amzemerera Jesu, kpwa sababu ni atu a kumendza pesa.

Mahendo 20:33

Siyaaza pesa za mutu, zahabu, wala nguwo za mutu yeyesi.

Mahendo 5:4

Hinyo munda uriphokala kudzangbweuguza kala ni wako, na uriphouguza, hizo pesa piya kala ni zako. Sambi, yakaladze hata uchiona uhende dzambo dza hiri? Phahi, kunchengere mimi binadamu myao, ela ukamchenga Mlungu.”

Arumi 13:9

Kuna malagizo manji, kpwa mfwano, usizinge, usiolage, usiiye, usimizire mahe chitu cha myao na malagizo ganjina. Ela gosi higa ga ndani ya hiro lagizo mwenga riambaro, “Mmendze myao dza vyo udzimendzavyo mwenye.”

Arumi 7:7

Vino huambedze? Huambe kala Shariya ni mbii? Si kpweli hata chidide! Hakika kala si Shariya, mimi singemanya dambi ni utu wani. Kala Shariya taziyaamba, “Usimizire mahe chitu cha myao,” mino singemanya kala kuaza cha myangu ni dambi.

1 Akorintho 6:10

aivi, achoyo, alevi, asengenyadzi, na aiyirao atu kuhumira nguvu: hinyo osi taandarisi ufalume wa Mlungu bii.

Aefeso 5:3

Msihadzwe na mambo ga kuzinga, udiya wala kuaza mali za atu, mana mambo higo tagafwaha kuhendwa ni atakatifu a Mlungu.

Aefeso 5:5

Ni lazima mmanye kukala takuna mzindzi, mdiya na aazaye mali za atu (badala ya kumuabudu Mlungu) ndiyekala na urisi wowosi kpwenye ufalume wa Jesu na wa Mlungu.

Kumbukumbu 5:21

“ ‘Usimizire mahe mkpwaza myao. Usimizire mahe nyumba ya myao, au mundawe, au mtumishiwe mlume au mtumishiwe mchetu, au ngʼombeye, au pundawe, au chitu chochosi aricho nacho.’

Kumbukumbu 7:25

Ochani milungu yao ya vizuka. Msiaze feza wala zahabu zovwikpwa milungu yao, wala msizihale mkazihenda zenu. Kuhenda hivyo ni muhego kpwenu na ni dzambo rinaromtsukiza Mwenyezi Mlungu, Mlungu wenu.

Afilipi 3:19

Analongozwa ni tamaa mbii za miri yao, na kudzikarya na mambo ga waibu ahendago. Kazi yao ni kuaza mambo ga himu duniani bahi. Mwisho wao ni mohoni.

Akolosai 3:5

Phahi richani mahendo mai ga asili ya chibinadamu. Nago ni udiya, uzembe, na tamaa ya achetu ama alume anji. Piya msiaze mali za atu mana mundaabudu mali badala ya Mlungu.

Aeburania 13:5

Msikale na ndzimo ya kumendza pesa, ela toshekani na hivyo murivyo navyo. Mana Mlungu waamba, “Sindakuricha wala sindakutsupha.”

Joshuwa 7:21

Nriphoona vwazi nono kula Shinari rokala kahi ya zewe, kama kilo mbiri za feza na mraba wa zahabu uriokala zaidi ya nusu kilo, náviaza na nchivihala, navyo návifwitsa dibwani ndani ya hema rangu na feza nchiyiika tsini ya vitu vyosi.”

1 Samueli 12:3

Nami himi, phahi mugombani mbere za Mwenyezi Mlungu na mbere za masihiwe. Nahala ngʼombe ya ani? Au nahala punda wa ani? Au ni ani nriyemuonera? Au naphokera hongo kula kpwa ani ili nisilamule kpwa haki? Napho nahala chochosi ndakuuyizirani enye.”

1 Samueli 15:19

Kpwa utu wani kuyaitii sauti ya Mwenyezi Mlungu, ela waziurukira zewe na kuhenda garigo mai matsoni pha Mwenyezi Mlungu?”