Kutsama 16:31 - Digo Bible

³¹ Chira chakurya Aiziraeli achiiha “Manna,” ambacho kala ni chereru dza mbeyu ya muhama mwereru na mtswanowe kala ni dza vipande vya mkpwahe uriotiywa asali.

Kutsama 16:31 ပူးပေါင်းရင်းမြစ်များ

Kutsama 16:14

Manena higo gariphouka pho photsi phasala utu wembamba urioonekana dza vipande vya barafu.

Kutsama 16:15

Aiziraeli ariphouona auzana, “Ura ni utu wani?” Sababu kala taamanya nini. Musa achiaambira, “Hichi ni chakurya ambacho Mwenyezi Mlungu akakuphani murye.

Kutsama 16:30

Kpwa hivyo Aiziraeli aoya siku ya sabaa.

Kutsama 16:32

Musa achigomba na Aiziraeli achiamba, “Mwenyezi Mlungu akalagiza kukala huike pishi mwenga ya mana huyiikire vivyazi vyedzavyo, ili edze aone chakurya hurichohewa ni Mlungu hiko jangbwani hipho ariphohutuluza kula Misiri.”

Wira wa Selemani 2:3

Dza mtofaa kahi ya mihi ya tsakani, ndivyo arivyo wende wangu kahi za avulana ayae. Naonato kusagala phakpwe pephoni na kurya matundage ga mtswano.

Kumbukumbu 8:16

Tsona achikurisani manna hiko jangbwani, chakurya ambacho akare enu kala taachimanya. Wahenda higo gosi kusudi akuhendeni mnyenyekee na akujezeni ili mwishirowe aphahe kukujaliyani mambo manono.

Kumbukumbu 8:3

Wakuhendani mnyenyekee achikurichani musikire ndzala halafu achikuphani manna mchirya, chakurya ambacho mwimwi tamchimanya, wala akare enu. Wahenda hivyo ili aphahe kukufundzani kukala mwanadamu kaishi kpwa chakurya bahi, ela kpwa chila neno rilaro kanwani mwa Mwenyezi Mlungu.