Kutsama 15:20 - Digo Bible

²⁰ Phahi Miriamu, nabii wa chichetu, ndugungbwa wa Aruni wagbwira tamburini mwakpwe mkpwononi, na achetu anjina osi achihala tamburini zao achimlunga kuno anazipiga na kuvwina.

Kutsama 15:20 ပူးပေါင်းရင်းမြစ်များ

Mwandzo 31:27

Kpwa utu wani wanichenga na uchichimbira chisiri? Mbona kuyanilaga nkakusindikizani na raha, mawira na ngoma?

2 Samueli 1:20

Msigasemurire mambo higa hiko Gathi, msigatangaze hiko njira za Ashikeloni, sedze achetu a Chifilisti akahererwa, ana achetu a atu asiotiywa tsatsani akaona raha sana.

2 Samueli 6:14

Daudi kala akavwala chisibao cha katani naye wavwina mbere za Mwenyezi Mlungu kpwa nguvuze zosi.

2 Samueli 6:16

Sanduku ra Mwenyezi Mlungu ririphokala rinainjizwa Mudzi wa Daudi, Mikali mwana mchetu wa Sauli, watsungurira na dirishani, achimuona mfalume Daudi anatina-tina na kufwiha mbere za Mwenyezi Mlungu, naye achimʼbera mwakpwe moyoni.

2 Samueli 6:5

Daudi na Aiziraeli osi avwina mbere za Mwenyezi Mlungu kpwa nguvu zao zosi, kpwa kuimba mawira na kupiga zeze, ngephephe, tamburini, kayamba na matoazi.

2 Afalume 22:14

Kpwa hivyo mlavyadzi-sadaka Hilikiya, Ahikamu, Akibori, Shafani na Asaya, osi aphiya kpwendauza mashauri kpwa nabii wa chichetu yeihwa Hulida ariyekala mkpwaza Shalumu mwana wa Tikiva, mwana wa Harihasi, muimirizi wa mavwazi ga mfalume. Wakati hinyo, Hulida kala anaishi lalo ra phiri ra Jerusalemu, nao achibisha naye.

1 Nyakati 15:16

Daudi piya achilagiza akulu a Alawi atsambule ndugu zao akale aimbadzi ambao andapiga ngoma kpwa sauti kulu, ngephephe, vinanda na matoazi, ili alavye zumo ra furaha.

1 Nyakati 6:3

Na ana a Amuramu kala ni Aruni, Musa na Miriamu. Ana a Aruni kala ni Nadabu, Abihu, Eliazari na Ithamari.

Nehemia 6:14

Návoya nchiamba, “Ee Mlungu wangu, tambukira nrigohenderwa ni Tobia na Sanibalati, piya utambukire Noadia nabii wa chichetu na manabii anjina ariolonda kunitiya wuoga.”

Zaburi 149:3

Naalike dzinare kuno anafwiha, naamupigire tamburini na zeze.

Zaburi 150:4

Mtogoleni kpwa tamburini na kufwiha, mtogoleni kpwa firimbi na chivoti.

Zaburi 30:11

Uwe ukaniusira sonono na ukanihenda nifwihe kpwa kuhererwa, ukanivula nguwo za magunia ukanivwika raha,

Zaburi 68:11

Mwenyezi Mlungu walavya amuri naro jeshi kulu ra achetu achitangaza habari.

Zaburi 68:25

Mbere kuna aimbadzi nyuma kuna apigadzi ngoma kahi-kahi yao asichana anapiga tamburini.

Zaburi 68:26

“Mtogoleni Mlungu katika borori, mtogoleni Mwenyezi Mlungu mwi chivyazi cha Iziraeli!”

Zaburi 81:2

Andzani wira, pigani tamburini, pigani zeze na ngephephe ya sauti nono.

Kutsama 2:4

Ndugu wa chichetu wa yuya mwana waima kanda kulola ndiromphaha nduguye.

Muhubiri 3:4

wakati wa kurira na wakati wa kutseka, wakati wa kusononeka na wakati wa kufwiha,

Jeremia 31:4

Nindakudzenga tsona uwe Iziraeli, nawe undakalato, uwe mwanamwali Iziraeli! Undahala tamburini uphiye ukavwine na atu ario na raha.

Mika 6:4

Nákutuluzani Misiri nchikukombolani kula tsi ambayo kala mu atumwa. Námuhuma Musa phamwenga na Aruni na Miriamu, edze akulongozeni.

Isabu 12:1

Miriamu na Aruni agomba mai kuhusu Musa kpwa sababu kala akalóla mchetu wa Chikushi.

Isabu 12:2

Nao agomba achiamba, “Kpwani ye Mwenyezi Mlungu anagomba kutsupira Musa macheye? Avi nkugomba kutsupira swiswi naswi piya?” Naye Mwenyezi Mlungu achigasikira.

Isabu 20:1

Kahi ya mwezi wa kpwandza, Aiziraeli osi afika jangbwa ra Sini na achichita kambi yao phephi na mudzi uihwao Kadeshi. Miriamu wafwa na achizikpwa kuko.

Isabu 26:59

Mkpwaza Amuramu kala anaihwa Jokebedi. Iye kala ni wa chivyazi cha Lawi naye wavyalwa Misiri. Jokebedi achimuvyarira Amuramu ana ahahu: Aruni, Musa na mwanao wao mchetu aihwaye Miriamu.

Luka 2:36

Mumo Nyumba ya Kuvoya Mlungu kala muna nabii wa chichetu mzehe sana, dzinare kala ndiye Ana, mwana wa Fanueli, kabila ra Asheri. Bada ya kulólwa waishi na mlume miaka sabaa,

Mahendo 21:9

Filipu kala ana asichanae a ne ambao kala taadzangbwelólwa, nao kala achitangaza ujumbe kula kpwa Mlungu.

1 Akorintho 11:5

Naye mchetu avoyaye ama kulavya unabii wakati atu akakutana kpwa mavoyo bila ya kudzifwinika chitswa, anaibisha chitswache, yani mlumewe. Mana hinyo ni waibu sawa na mchetu kunyolwa chiphala.

1 Akorintho 14:34

achetu ni anyamale mkutanapho. Mana taaruhusiwa kugomba, ela ni adziike tsini ya mamlaka kama Shariya za Musa ziambavyo.

Aamuli 11:34

Jefutha ariphokala anauya kpwakpwe kaya hiko Mizipa, mutu wa kpwandza kumlaki wakala mwanawe wa chichetu, yekala anapiga tamburini kuno anafwiha kpwa kuhamirwa. Ye msichana wakala ni mwana wa macheye. Jefutha kayakala na mwana wanjina wa chilume wala wa chichetu.

Aamuli 21:21

Mchiona asichana kula Shilo anatuluka edze afwihe wakati wa sharee, tulukani ko mizabibuni chila mmwenga ahale wakpwe na muuye nao tsi ya Benjamini.

Aamuli 4:4

Wakati hinyo Debora, nabii wa chichetu, yekala mkpwaza Lapidothi wakala muamuli wa Aiziraeli.

1 Samueli 10:5

Bada ya hipho phiya Gibeya ya Mlungu, kuko kuriko na ngome ya Afilisti. Hipho ndiphokala u phephi na kuufikira mudzi, undakutana na kundi ra manabii anatserera kula phatu pha dzulu pha kulavira sadaka kuno anatabiri. Mbere zao kundakala na apigadzi ngephephe, tamburini, vivoti na zeze,

1 Samueli 18:6

Atu ariphokala anauya kaya bada Daudi kumuolaga yuya Mfilisti, achetu kula chila mudzi wa Iziraeli akpwedzamchinjira mfalume Sauli. Apiga njerejere kuno anaimba mawira ga furaha na tamburini na zeze.