Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Kutsama 14:21 - Digo Bible

21 Ndipho Musa wagolosa mkpwonowe dzulu ya bahari, na usiku wosi Mwenyezi Mlungu wareha phuto kali kula mlairo wa dzuwa. Phuto hiro rahendesa madzi ga bahari gaganyike hiku na hiku, na pho kahi-kahi phachikala tsi kavu.

အခန်းကိုကြည့်ပါ။ ကော်ပီ




Kutsama 14:21
30 ပူးပေါင်းရင်းမြစ်များ  

Halafu Mlungu wamtambukira Nuhu na nyama osi okala nao himo melini; achireha phuto duniani na gara madzi gachiandza kuphunguka.


Elija wavula nguwoye ya dzulu, achiikundza na achiipigira go madzi. Madzi gachiganyika hiku na hiku, nao achivuka hadi ngʼambo, kutsupira phatu phakavu.


Uwe waiganya bahari mbere zao, nao achitsupa kpwenye tsi kavu mo baharini, ela uchitsupha ariokala anaazoresa kpwenye chivwa, dza dziwe ritsuphiwavyo kpwenye china cha madzi.


Kpwa uwezowe wahuriza bahari, na kpwa kuelewakpwe wamkata Rahabu vipande-vipande.


Yo njira iphiyayo ko kuganywako mwanga ni iphi? Au phuto ra mlairo wa dzuwa rinaandziraphi dzulu ya tsi?


Kpwa iye ariyeganya Bahari ya Shamu kano mbiri, mana mendzwaye isiyosika inadumu hata kare na kare.


moho na mvula ya mawe, barafu na maingu phuto ritimizaro shariyaye!


Wagaluza bahari ichikala tsi kavu, atu achivuka na magulu gao. Hipho hwahererwa kpwa sababuye.


Kpwa utawalao mkpwulu waganya bahari, wabunda vitswa vya madzinyama makulu ga baharini.


Waahula njira baharini na achiahenda atsupe, wahenda madzi gaime dza kuta.


Unula yo ndatayo na ugolose mkpwonoo dzulu ya yo bahari, iganye go madzi. Nao Aiziraeli andaweza kuvuka bahari kpwenye tsi kavu.


ichikala kahi-kahi ya jeshi ra Misiri na ra Iziraeli. Usiku wosi rira ingu rareha jiza kpwa Amisiri na mwanga kpwa Aiziraeli, kpwa hivyo Amisiri taayaweza kuafikira phephi.


Wakuta pulayo, nago madzi gachidzipanga dzulu gachiima wima dza kuta. Vivwa vya madzi ga bahari vichiganda.


Mwenyezi Mlungu wamuamba Musa, “Muambire Aruni ahale ndataye aolohe madzi ga Misiri, yani madzi ga myuho, vidzuho, maziya na mitsara yao yosi ili gagaluke milatso. Tsi ndzima indakala na milatso, hata madzi garigo ndani ya miyo ya mbao na ya mawe.”


Mwenyezi Mlungu akagolosa mkpwonowe dzulu ya bahari na kuhenda falume zisumbe. Akalavya amuri kukala midzi ya Kanani yozungulusirwa ngome, ivundzwe-vundzwe.


Mwenyezi Mlungu anaamba hivi, iye ahendaye njira baharini, na phatu pha kutsupira kahi-kahi ya madzi genye nguvu,


Mimi ndimi niviamurishaye vivwa vya madzi na kuviamba, ‘Umani! Nindayiumisa myuho yenu.’


Nákpwedza nikutivyeni ela sionere mutu, nchiiha ela taphana mutu yenijibu. Kpwani mkpwono wangu ni mfupi sana hata usiweze kukukombolani? Au sina uwezo wa kukutivyani? Nnaphodemula, nikuumisa bahari, nikuhenda myuho ikakala jangbwa, ngʼonda aho nkufwa akanuka lovu kpwa kukosa madzi.


We siwe uriyeumisa bahari, na madzi ga vivwavye? Uriyehenda vivwa vya bahari vichikala njira ili aho ariokombolwa avuke!


Mana mimi, ndimi Mwenyezi Mlungu, Mlungu wenu, nichafuaye bahari na kuhenda maimbige gavume, Mwenyezi Mlungu, Mlungu wa majeshi ndiro dzina rangu.


Ariyealongoza kpwa nguvuze na ngumaye kutsupira Musa? Ariyeganya madzi mbere zao, ili dzinare ritogolwe hata kare na kare?


Iye waalongoza kutsupira vivwa vya madzi, nao taayakpwala dza farasi atsupiravyo weruni.


Vino we Mwenyezi Mlungu, phara uriphopanda farasio na magarigo ga ushindi ga kuvwehwa ni farasi, kala ukatsukirirwa myuho na vidzuho, au bahari?


Iye ndiye ariyetsamiza Ayahudi kula Misiri na achihendera vilinje na maajabu ariphokala Misiri na hiko Bahari ya Shamu, na ariphokala weruni miaka mirongo mine.


Mana hwasikira vira Mwenyezi Mlungu arivyoumisa madzi ga Bahari ya Shamu mbere zenu, mriphokala mkatuluka Misiri, na vira murivyoahenda hara afalume airi a Aamori ariokala ngʼambo ya muho Joridani, Sihoni na Ogi ambao mwaangamiza tsetsetse.


Wakati Aiziraeli osi kala anavuka kutsupira tsi kavu, alavyadzi-sadaka ariotsukula sanduku ra chilagane ra Mwenyezi Mlungu aima chuu tsi kavu kahi-kahi ya muho Joridani, hadi taifa rosi richisira kuvuka.


Mana Mwenyezi Mlungu, Mlungu wehu waumisa madzi ga muho Joridani kuno hunalola hata huchivuka kama Mwenyezi Mlungu wehu arivyohenda hiko Bahari ya Shamu, ambayo waiumisa madzi hadi akare ehu achisira kuvuka.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ