Kumbukumbu 33:29 - Digo Bible

²⁹ Baha mwimwi Aiziraeli. Ni ani ariye dza mwimwi, atu muriotivywa ni Mwenyezi Mlungu, ambaye ndiye ngao na msada wenu, na mufyu unaoarehera ushindi! Maadui genu gandakpwedza gbwa maguluni mbere zenu, namwi mundagavyoga-vyoga.”

Kumbukumbu 33:29 ပူးပေါင်းရင်းမြစ်များ

Mwandzo 15:1

Bada ya mambo higo Mwenyezi Mlungu wagomba na Buramu ruwiyani achimuamba, “Buramu usiogophe. Mimi ni ngaoyo na zawadiyo indakala kulu sana.”

2 Samueli 22:3

Mlungu ni mwamba wangu, iye ndiye chimbiriro rangu ngao yangu, na nguvu ya wokofu wangu. Iye ndiye ngome yangu, na chimbiriro rangu, muokoli wangu, anitivyaye na atu a fujo.

2 Samueli 22:45

Ariphosikira habari zangu tu, nyo ajeni anitii, achedza na achidzitsereza mbere zangu.

2 Samueli 7:23

Ni taifa riphi phano duniani ririro dza atuo Iziraeli? Riro ni taifa ambaro uwe warikombola ili rikale rako kpwa ajili ya dzinaro. Warihendera mambo makulu ga kuogofya kpwa kuturya atu a taifa na milungu yao mbere za atuo, urioakombola kula Misiri na milunguye.

2 Nyakati 31:8

Hipho Hezekiya na maofisaage ariphokpwedzaona zo ndulu, amshukuru Mwenyezi Mlungu na atue Aiziraeli.

Zaburi 1:1

Baha mutu asiyelunga mashauri ga atu ayi, asiyegbwira njira za enye dambi, wala kasagala kpwenye vikalo vya atu a matani.

Zaburi 144:15

Ana raha hinyo ndiojaliwa na mambo dza higa! Ana raha hinyo ambao Mlungu wao ni Mwenyezi Mlungu!

Zaburi 18:44

Ariphosikira habari zangu tu, nyo ajeni anitii, achedza na achidzitsereza mbere zangu.

Zaburi 18:45

Ajeni avundzika moyo, achituluka kula mwao ngomeni kuno anakakama.

Zaburi 32:1

Baha aho ambao Mlungu waaswamehe makosa gao ambao dambi zao zauswa.

Zaburi 32:2

Baha mutu ambaye Mwenyezi Mlungu kamuisabira kukala ana dambi, ambaye kana handzo mwakpwe moyoni.

Zaburi 33:12

Baha taifa ambaro Mlunguwe ni Mwenyezi Mlungu, atu ambao Mlungu akaatsambula ili akale urisiwe.

Zaburi 33:20

Mioyo yehu inamkuluphira Mwenyezi Mlungu, iye ndiye msada wehu na ngao yehu.

Zaburi 45:3

Tsomeka upangao chibiruni, uwe sujaa, mana una nguma na utukufu.

Zaburi 66:3

Muambireni Mlungu, “Mahendogo ni ga ajabu sana! Uwezoo ni mkpwulu chiasi cha kuhenda maaduigo gadzikundze kpwa wuoga.

Zaburi 68:34

Mtogoleni Mlungu kukala ana nguvu hiye atawalaye Iziraeli na uwezowe u mlunguni.

Zaburi 7:12

Ichikala mutu katubu, Mlungu andanola upangawe, andaphinda uhawe tayari kuuhumira.

Zaburi 81:15

Hinyo asiommendza Mwenyezi Mlungu angemchitira mavwindi kpwa wuoga, na adabu yao ingeenderera hata kare na kare.

Zaburi 84:11

Mana Mwenyezi Mlungu ni dzuwa na ni ngao, nkuhupendeleya na kuhujaliya ishima. Mwenyezi Mlungu kaalafya chochosi chiricho chinono hinyo ahendao garigo sawa.

Isaya 12:2

Kpwa kpweli Mlungu ndiye muokoli wangu, ndamkuluphira wala sindaogopha. Mwenyezi Mlungu ndiye nguvu zangu na wira wangu, iye akakala wokofu wangu.”

Isaya 27:1

Siku iyo Mwenyezi Mlungu andahumira upangawe uryao, mkpwulu na wa nguvu, kumtiya adabu nyoka aihwaye Leviathani, nyoka iye aambalaye upesi. Naye andariolaga rira dzoka rikalaro baharini.

Isaya 33:16

ndio ambao andasagala dzulu, phatu pharipho salama, na chimbiriro rao rindakala ngome iriyo mwambani. Andakala na chakurya na madzi ga kutosha wakati wosi.

Isaya 45:17

Ela Iziraeli andativywa ni Mwenyezi Mlungu kpwa wokofu wa kare na kare, kundatiywa waibu wala kuberwa hata kare na kare.”

Isaya 58:14

Muchihenda vivyo mundaphaha furaha kahi za Mwenyezi Mlungu, nami ndakuunulani phatu pharipho dzulu kahi za tsi, nindakuhendani murye urisi wa mkare wenu Jakobo,” Mwenyezi Mlungu anaamba.

Jeremia 12:12

Dzulu ya myango ko jangbwani aolagadzi andakpwedza mana upanga wa Mwenyezi Mlungu undaangamiza atu kula mwandzo hadi mwisho wa tsi. Taphana ndiyekala salama.

Jeremia 47:6

Munarira ‘upanga wa Mwenyezi Mlungu vino undaoya rini? Uya mwako chowani, ukahurire na kunyamala!’

Hosea 13:9

Uwe Iziraeli ndakuangamiza, mana u chinyume changu, mimi niwezaye kukuterya.

Amosi 8:7

Ye Mwenyezi Mlungu waapa kpwa nguma ya Jakobo achiamba, “Kpwa kpweli sindayala mahendo gao gosi.

Habakuki 3:19

Mwenyezi Mlungu ndiye nguvu yangu, iye nkuhenda magulu gangu gakale dza ga kulungu, tsona nkunihenda ninyendeke myangoni.

Isabu 24:5

‘Mahemago ni manono sana, uwe Jakobo, makalogo ni manono, uwe Iziraeli!

Isabu 33:52

azoleni enyezi osi a tsi hiyo. Mubanange-banange vizuka vyao vyosi vya kutsongbwa na vya chuma cha kuyayushwa chisha mʼbomole mwatu mwao mosi mwa dzulu mwa ibada.

Kumbukumbu 32:13

Waahenda amiliki seemu za dzulu za tsi, nao achirya mavuno ga minda. Achimupha asali kula kpwenye mwamba afyondze na mafuha ga zaituni kula kpwenye dziwe dzifu.

Kumbukumbu 4:32

“Vivi uzani kuhusu garigohendeka hipho kare kabila tamdzangbwevyalwa, hangu siku hira Mlungu ariphoumba mutu duniani. Uzani duniani kosi, kula pembe hadi pembe napho dzambo ra ajabu dza hiro rawahi kuhendeka au kusikirika!

Kumbukumbu 4:34

Phana mlungu yeyesi wanjina yejeza kpwendadziharira taifa kula taifa ranjina, kpwa kuhumira majaribu, ishara, maajabu, viha, uwezo mkpwulu wa kuterya na vitisho vikulu dza vira Mwenyezi Mlungu, Mlungu wenu arivyohenda? Hata. Ela mwashuhudiya na matso genu vira arivyohenda hiko Misiri.

1 Timothi 4:10

Hunahenda chadi na kugaya sana kpwa sababu hwaika tumaini rehu kpwa Mlungu aishiye, ambaye ni Muokoli wa atu osi na haswa kpwa hara amukuluphirao.

Maono 1:16

Tsona kala ana nyenyezi sabaa mkpwono wa kulume. Mwakpwe mromoni kala mchituluka upanga wa kurya sana, chisha wa maso kosi-kosi. Usowe kala unangʼala dza viratu dzuwa kali.

Maono 19:21

Hiye mutu yekala asegere dzulu ya farasi, wahumira upangawe utulukao kula kanwani kuolagira majeshi garigosala. Na nyo nderi achirya zo nyama hata achisinywa.

Aamuli 7:20

Gara makundi mahahu ga anajeshi a Gidioni gapiga magunda gao na achivundza nyungu. Chisha mikono yao ya kumotso kala ikagbwirira vimwindi vyokala vinaaka. Chila mmwenga achikota kululu achiamba, “Upanga kpwa ajili ya Mwenyezi Mlungu na kpwa ajili ya Gidioni!”