Kumbukumbu 33:28 - Digo Bible

²⁸ Kpwa hiyo, atu a Iziraeli achisagala salama, chivyazi cha Jakobo machiyao, kpwenye tsi yoodzala mtsere na uchi wa zabibu, tsi ambayo inaphaha manena kula mlunguni.

Kumbukumbu 33:28 ပူးပေါင်းရင်းမြစ်များ

Mwandzo 27:28

Mlungu akuphe mvula nyinji na minda ya rutuba ili uphahe mavuno manji na uchi munji.

Mwandzo 27:37

Isaka achimuambira Esau, “Lola, nkamuhenda dzumbeo na nkamupha nduguze osi akale atumishie, na nkamupha mavuno na uchi. Sambi siweza kukuhendera rorosi mwanangu.”

Mwandzo 27:39

Ndipho ise achimuamba, “Makalogo gandakala kure na minda yenye rutuba, kusikogbwa manena kula mlunguni.

1 Afalume 5:5

Phahi, nkakusudiya kumdzengera Mwenyezi Mlungu, Mlungu wangu, nyumba ya kumuabudira. Na hino ni sawa kabisa kama Mwenyezi Mlungu arivyomuahidi baba achiamba, ‘Mwanao ambaye ndamsagika dzulu ya chihicho cha ufalume, andanidzengera nyumba.’

Zaburi 68:26

“Mtogoleni Mlungu katika borori, mtogoleni Mwenyezi Mlungu mwi chivyazi cha Iziraeli!”

Kutsama 33:16

Ichikala kundaphiya naswi, atu andamanyadze kukala mimi phamwenga na atuo hunakuhamira? Ni chitu chani ambacho chindatafwautisha atuo kula kpwa kundi ra atu ririro duniani?”

Misemo 19:12

Tsukizi za mfalume ni dza ngurumo ya simba, ela mendzwaye ni dza manena garigo nyasini.

Misemo 3:20

Kpwa marifwage vilindi vya madzi vyatsembuka, na maingu ganatweneza manena.

Isaya 48:1

Phundzani higa mwi atu a nyumba ya Jakobo, mwimwi muihwao na dzina ra Iziraeli, na mwimwi murio a chivyazi cha Juda. Mwimwi muapao kpwa dzina ra Mwenyezi Mlungu na kumhadza Mlungu wa Iziraeli, ela si kpwa kulunga kpweli wala haki.

Jeremia 23:6

Wakati wa kutawalwakpwe, tsi ya Juda indativywa na Iziraeli indakala salama. Mfalume iye andaihwa, ‘Mwenyezi Mlungu ndiye haki yehu.’

Jeremia 33:16

Siku zizo tsi ya Juda indativywa na Jerusalemu indakala salama, nayo indaihwa, “Mwenyezi Mlungu ndiye haki yehu.” ’ ”

Jeremia 49:31

Unuka, ukapige taifa risiro na fujo, riro riishiro salama, mimi Mwenyezi Mlungu nkaamba. Mudzi usio na maryango wala magbwama ni taifa rinaroishi macheye.

Ezekieli 34:25

“ ‘Nindaika chilagane cha kuahakikishira usalama. Ndausa nyama a tsakani kula kpwenye yo tsi ili chaa changu chisagale salama ko weruni na kulala ko tsakani.

Zakariya 14:11

Atu andasagala mumo Jerusalemu, na mudzi hinyo undakala salama wala taundaangamizwa tsona.

Zakariya 8:12

‘Mana atu andaphanda kpwa amani, mizabibu indavyala matundage, tsi indalavya mavuno na mlunguni kundalavya manena. Nindaapha atu aha ariosala vitu hivi vyosi vikale vyao.

Isabu 23:9

Kula kpwenye virere vya myamba ninaona atu, ninaaona kula vidzangoni. Ninaona atu asagalao machiyao, anaodziona kukala atafwauti na mataifa ganjina.

Kumbukumbu 11:11

Ela tsi munayophiya kpwendamiliki ni tsi ya myango na madete, inayophaha mvula ya kutosha kula mlunguni;

Kumbukumbu 12:10

Wakati mndiphovuka muho Joridani na kusagala kpwenye tsi ambayo Mwenyezi Mlungu, Mlungu wenu, andakuphani muimiliki, na ndiphokurindani na maadui genu gosi ganagokuzungulukani na akuhendeni muoye na msagale salama,

Kumbukumbu 32:2

Mafundzo gangu gandateha-teha dza mvula, maneno gangu gandatwena dza manena. Gandakala dza manyunyu kpwenye mimea mitsanga, dza mvula chache-chache kpwenye nyasi.

Kumbukumbu 32:8

Mlungu Ariye Dzulu Kuriko Vyosi phoganyira mataifa urisi wao, phoganya anadamu osi, chila taifa wariikira miphakaye, kulengana na isabu ya ana a Iziraeli,

Kumbukumbu 33:12

Kuhusu mbari ya Benjamini achiamba, “Hino ni mbari ambayo Mwenyezi Mlungu anaimendza, nayo inakala salama phephi naye. Iye anairinda dii yosi, nayo nkusagala kahi za mafuzige ga mkpwotse.”

Kumbukumbu 33:13

Kuhusu mbari ya Yusufu achiamba, “Mwenyezi Mlungu ajaliye tsiiye, kpwa baraka nono kabisa kula dzulu mlunguni na manena, na kpwa madzi galago tsini.

Maono 21:27

Ela takuna chochosi chiricho najisi ndichoinjira himo mudzini, wala mutu yeyesi ahendaye mambo ga waibu ama ga handzo. Atu ndioinjira mudzi hinyo ni aratu ambao madzina gao gaandikpwa kpwenye chitabu cha uzima cha ye Mwana ngʼondzi.