Kumbukumbu 28:24 - Digo Bible

²⁴ Mwenyezi Mlungu andahenda vumbi na mitsanga ikale mvula yenu, vumbi rindamwagbwa dzulu yenu kula mlunguni hadi mufwe.

Kumbukumbu 28:24 ပူးပေါင်းရင်းမြစ်များ

Mwandzo 19:24

Ndipho Mwenyezi Mlungu achihenda Sodoma na Gomora kunye mvula ya moho wa chibiriti kula mlunguni.

Isaya 5:24

Kpwa hivyo dza viratu moho uochavyo mibuwa mifu na nyasi zouma ziphyavyo na moho, mizi yao indaola na maruwa gao gandaphepheruswa dza vumbi. Mana akarema shariya ya Mwenyezi Mlungu, Mlungu wa majeshi na kubera neno ra Mtakatifu wa Iziraeli.

Amosi 4:11

“Naangamiza midzi yenu yanjina, dza nrivyoangamiza midzi ya Sodoma na Gomora. Nyo ariotiya kala ni dza chinga cha moho chichotuluzwa mohoni, ela tamuyaniuyira vivyo,” Mwenyezi Mlungu anaamba.

Hagai 1:10

Kpwa hivyo, kpwa sababu yenu mwimwi manena ambago ni baraka za mlunguni tagapho na tsi nayo ikazuwiywa isivyale chitu.

Kumbukumbu 11:17

Muchihenda hivyo Mwenyezi Mlungu andakutsukirirwani naye andafunga mlunguni ili kusikale na mvula, tsi iriche kulavya mavunoge, na mwi enye mufwe upesi kpwenye tsi nono ambayo Mwenyezi Mlungu anakuphani.

Kumbukumbu 28:12

Mwenyezi Mlungu andakuvugurirani hazinaye nono kula mlunguni na kureha mvula kpwenye tsi kpwa wakatiwe na kubariki kazi zenu. Mundaapasa mataifa manji, ela mwimwi tamundaaphaswa.

Kumbukumbu 28:23

Ko mlunguni kundafungbwa kusirehe mvula na tsi yenu indakala ngumu dza chuma.