Kumbukumbu 28:20 - Digo Bible

²⁰ “Ndiphoricha Mwenyezi Mlungu kpwa sababu ya mahendo genu mai, iye andakuhumirani lana, mashaka na andapinga chila muhendaro hadi mufwe upesi.

Kumbukumbu 28:20 ပူးပေါင်းရင်းမြစ်များ

Ayubu 24:18

Munaamba, ‘Anaangamika dza povu rinavyophirikpwa ni madzi, nyo mtalo wao wa yo tsi ukalaniwa, hata taphana aphiyaye kpwendahenda kazi kpwenye minda yao ya mizabibu.

Zaburi 7:11

Mlungu ni muamuli wa haki; iye nkutsukirirwa atu ayi chila siku.

Isaya 28:19

Rorosi ndirokpwedza rindakuphahani, chila siku, ikale mutsi, ikale usiku rindakuphahani.” Muchielewa ujumbe uhu mundatishirwa.

Isaya 30:17

Atu elufu mwenga andazolwa ni mutu mmwenga na kundi zima rindazolwa ni atu atsano bahi. Achache enu ndiotiya andakala dza mlingoti wa bendera dzulu ya chidzango.

Isaya 51:20

Anao akafwa purungire, akagbwa kahi ya chila pembe ya barabara, dza kulungu chiyegbwirwa ni nyavu. Mwenyezi Mlungu, Mlunguo akaatiya adabu kali kpwa tsukizize.

Isaya 66:15

Mana Mwenyezi Mlungu andakpwedza na moho, na magarige ga kuvwehwa ni farasi dza chikulukulu. Kpwa tsukizize, andatiya adabu atu na kuademurira na moho uakao.

Jeremia 1:16

Nindatangaza uamuli wangu dzulu ya atu angu kpwa sababu ya uyi wao wa kuniricha na kulavira sadaka za kuochwa milungu yanjina na kuabudu vizuka ambavyo avitengeza na mikono yao.

Jeremia 19:4

Mana nyo atu akaniricha na kunajisi phatu hipha kpwa kufukizira uvumba milungu yanjina ambayo nyo enye, akare aho wala afalume a Juda taimanya. Piya akaphaodzaza phatu hipha na mlatso wa atu asio na makosa.

Alawi 26:38

Andafwa kahi za mataifa nao andazikpwa tsi ya maadui gao.

Malaki 2:2

Mwenyezi Mlungu, Mlungu wa majeshi anaamba, Niphundzani! Kpwa mana napho tamundaniphundza na kudzifundza kuniishimu, phahi ndakulanini phamwenga na hizo baraka zenu mrizo nazo. Kpwandza hata nkazilani kare kpwa sababu tamniishimu moyo kutsuka.

Johana 3:36

Yeyesi akuluphiraye Mwana ana uzima wa kare na kare. Ela asiyemuogopha kandakala na uzima mana Mlungu anaenderera kumreyera.”

Kumbukumbu 28:8

“Baraka za Mwenyezi Mlungu zindakala mwenye vitsaga vya mtsere na kpwenye shuuli zenu zosi. Mwenyezi Mlungu andakubarikini kpwenye tsi ambayo anakuphani.

Kumbukumbu 4:26

Mlunguni na dunia nakukale mashaidi chinyume chenu siku hino ya rero kukala muchihenda uyi hinyo mundaangamizwa tsetsetse kpwenye tsi ambayo myaimiliki hiko ngʼambo ya muho Joridani. Tsi iyo tamundaisagala muda mure, mundaangamizwa tsetsetse.

1 Athesalonike 2:16

kpwa kuhukahaza kutangaza ujumbe wa Jesu kpwa atu asio kala Ayahudi, mana anaogopha anjina andaokolwa. Chihivyo anadzienjerezera dambi chila siku. Kpwa hivyo vivi sambi uamuli mkali wa Mlungu ukaagbwerera.

Joshuwa 23:16

Mwimwi muchivundza chilagane cha Mwenyezi Mlungu, Mlungu wenu ambacho wakulagizani, mchihumikira na kuisujudiya milungu yanjina, phahi Mwenyezi Mlungu andakutsukirirwani, namwi mundaangamika mara mwenga kpwenye tsi nono ambayo wakuphani.”

Aamuli 2:15

Aiziraeli ariphotuluka kpwendapigana, uwezo wa Mwenyezi Mlungu kala u chinyume chao naye achiahenda ashindwe, kama arivyokala akaapira. Nao achisononeka sana.

1 Samueli 14:20

Naye Sauli na atu osi ariokala phamwenga naye achikusanyika, achiphiya vihani. Na ariphofika hiko vihani lola, Afilisti kala anakatana maphanga, kpwakala fujo kpweli-kpweli.