Kumbukumbu 18:14 - Digo Bible

¹⁴ Kpwa mana mataifa higa ambago myagazola kula kpwenye tsi zao ganalunga ushauri wa apigi a mburuga na asomi a nyenyezi, ela Mwenyezi Mlungu, Mlungu wenu kakuruhusuni mwimwi kuhenda hivyo.

Kumbukumbu 18:14 ပူးပေါင်းရင်းမြစ်များ

Mwandzo 20:6

Ndipho Mlungu achimuambira Abimeleki mo ndosoni, “Ee, namanya kala wahenda neno hiri na moyo mmwenga, ndiyo mana nákuzuwiya usihende dambi na siyakuricha ukalala naye.

2 Afalume 21:6

Wamlavya mwanawe dza sadaka ya kuochwa. Wapiga mburuga, chisha achihenda utsai na uganga. Wahenda mambo manji mai mbere za Mwenyezi Mlungu na achimtsukiza.

Isaya 2:6

Ukaricha atuo atu a nyumba ya Jakobo kpwa kukala analunga mila za atu a mlairo wa dzuwa; anapiga mburuga dza Afilisti na kugbwirana na atu asioamini kukala kuna Mlungu.

Jeremia 27:9

Kpwa hivyo musiasikize manabii enu, avuguli enu a ndoso, apigi enu a mburuga, agombao na mikoma na atsai enu ambao anakuambirani kukala, tamundamuhumikira ye mfalume wa Babeli.

Danieli 2:27

Danieli wamjibu ye mfalume achimuamba, “Taphana mutu wa ikima, mpigi wa mburuga, mganga wala mwenye ujuzi wa nyenyezi awezaye kukuambira uwe mfalume ndoso iyo na manaye.

Mika 5:12

Nindausa nguvu zosi za utsai kula mwako mikononi na kundakala tsona na atu a kupiga mburuga.

Mahendo 14:16

Wakati wa nyuma Mlungu waricha chila taifa ranjina rilunge mamboge,

Kumbukumbu 18:10

Kusikale mutu yeyesi kahi yenu ndiyeocha mwanawe mlume au mchetu dza sadaka, wala anayepiga mburuga, wala mutu wa kusoma nyenyezi wala mutu wa kutafusiri ndoso wala mtsai,