Kumbukumbu 16:19 - Digo Bible

¹⁹ Amulani na haki, msikale na upendeleo, wala msikubali kuphokera hongo, kpwa kukala hongo rinahenda atu enye ikima akale vipofu na kugaluza kpweli ya enye haki kukala handzo.

Kumbukumbu 16:19 ပူးပေါင်းရင်းမြစ်များ

Zaburi 15:5

Ni yuya ambaye achiaphasa pesa, kalonda fwaida, na kahala hongo ili aonere asio na makosa. Mutu ahendaye higa kandakakamiswa ni utu ta kare na kare.

Kutsama 18:21

Ela tsambula atu ambao ana uwezo wa kulongoza ayawao kahi ya aha atu, atu amuogophao Mlungu, atu aaminifu asiolonda kuhongbwa, atu dza hinyo aike akale vilongozi a makundi ga atu elufu-elufu, ga atu gana-gana, ga atu mirongo mitsano-mitsano na ga atu kumi-kumi.

Kutsama 23:2

Usihende mambo mai kpwa sababu atu anji anagahenda, tsona napho unalavya ushaidi kesini, usipinge kpweli kpwa kukala atu anji anahenda vivyo.

Kutsama 23:3

Na unaphoamula kesi ya mchiya usimpendelee.

Misemo 15:27

Mutu amendzaye kuhongbwa andarehera jamaaze sonono, ela aziraye kuhongbwa andaishi.

Misemo 17:23

Mutu mui nkuphokera hongo kpwa siri ili azuwiye haki isihendeke.

Misemo 18:5

Siyo vinono kumkanda ngao mutu mui, na kumlafya ukpweli mutu wa haki.

Misemo 24:23

Hino ni misemo yanjina ya atu a ikima. Sio sawa kupendeleya atu unapholavya uamuli.

Misemo 24:28

Usilavye ushaidi wa handzo dzulu ya jiranio, wala mromoo usichenge.

Misemo 31:5

Sedze akalewa na akayala shariya na kulafya atu agayao haki zao.

Muhubiri 7:7

Kpwa kpweli kuonerwa nkumuhenda mwenye ikima mzuzu, na kuhongbwa nkubananga moyo.

Isaya 1:17

Dzifundzeni kuhenda garigo sawa, hakikishani haki inahendwa, teryani atu aonerwao kanirani anachiya, na mkanire magungu.”

Isaya 1:23

Vilongozio ni aasi na ni asena a aivi osi anamendza kuhongbwa na kuhewa zawadi. Aho taakanira anachiya na taaphundza malau ga magungu.

Isaya 33:15

Ela hinyo asagalao kpwa kuhenda haki na kugomba kpweli, hinyo aremao kuhala pesa kpwa nguvu na asiokubali hongo, hinyo asiodzihusisha na njama za kuolaga na asioshiriki kuhenda mai,

Jeremia 5:28

aha akanona kpwa kurya vinono. Atu aha taaogofyerwa ni kuhenda mai; taahenda anachiya akaphaha haki yao na taahehera haki za achiya.

Ezekieli 18:8

Mutu iye kaaphasa ili aphahe fwaida, ela nkuepusha mkpwonowe usihende mai, nkuhukumu kpwa haki kahi ya mutu na myawe

Ezekieli 22:12

Mo mwako, atu anahongbwa akaolage atu. Anaaphasa ili aphahe fwaida, anaphaha mapato gasigo ga haki kpwa kuonera Aiziraeli ayawao na kuniyala mimi, Mwenyezi Mlungu anaamba.

Alawi 19:15

“Unaphoamula, amula kpwa haki. Usimpendelee mchiya wala kumuogopha tajiri, ela amulani ayawenu kpwa haki.

Mika 7:3

Aho anaujuzi wa kuhenda mai. Akulu analonda zawadi, muamuli anavoya hongo atu ario na uwezo nkuahenda aamuli aahende vira alondavyo nao osi nkupanga njama phamwenga.

Habakuki 1:4

Kpwa sababu iyo shariya taina nguvu tsona na haki tailungbwa. Ayi akaaturya ario na haki, kpwa hivyo haki taihendeka.

Mahendo 10:34

Phahi, Petero waandza kugomba nao achiamba, “Kpwa kpweli sambi nikaelewa kala Mlungu kana ubaguzi,

Mahendo 16:37

Ela Paulo achiamba, “Taiwezekana tse! Swino hu anatsi a Utawala wa Chirumi. Hwachapwa viboko mbere za atu, chisha huchitiywa jela bila ya kuphirikpwa kotini. Na vino analonda hurichirwe chisiri! Iyo taiwezekana! Naaedze ahulavye nyo enye.”

Mahendo 23:3

Alafu Paulo achimuamba, “Mlungu andakupiga we mwenye. Uwe mnafiki udzihendaye mutu mzuri. Unanihukumu na Shariya za Musa, ela mbavi unalonda atu avundze Shariya, kpwa kualagiza anipige.”

Kumbukumbu 10:17

Mana Mwenyezi Mlungu, Mlungu wenu, ndiye Mlungu mkpwulu kushinda milungu yosi na Mkpwulu wa akulu. Iye ni Mlungu mkpwulu na mwenye nguvu na ni wa kuogophewa sana. Kapendeleya mutu wala kuhongbwa.

Kumbukumbu 16:18

“Tsambulani Aamuli na akulu kula mbari zenu zosi. Hinya mundaaika kpwenye midzi yenu ambayo Mwenyezi Mlungu, Mlungu wenu, andakuphani nao andaamula atu na haki.

Kumbukumbu 24:17

“Msialafye ajeni na anachiya haki yao. Wala msihale yamba ra gungu kukala mzamana.

Kumbukumbu 27:19

“ ‘Naalaniwe mutu yeyesi ndiyelafya mjeni, mwanachiya au gungu hakiye.’ Na atu osi andajibu aambe, ‘Amina!’

Kumbukumbu 27:25

“ ‘Naalaniwe mutu yeyesi ndiyephokera hongo ili aolage mutu asiyekala na kosa.’ Na atu osi andaamba, ‘Amina!’

1 Samueli 12:3

Nami himi, phahi mugombani mbere za Mwenyezi Mlungu na mbere za masihiwe. Nahala ngʼombe ya ani? Au nahala punda wa ani? Au ni ani nriyemuonera? Au naphokera hongo kula kpwa ani ili nisilamule kpwa haki? Napho nahala chochosi ndakuuyizirani enye.”

1 Samueli 8:1

Samueli ariphokala mtumia, waahenda anae a chilume akale aamuli a Iziraeli.

1 Samueli 8:3

Ela hinyo anae taayalunga dza ise yao arivyohenda, ela aricha kulunga njira ya ise yao ili aphahe fwaida kpwa njira ya handzo na kuricha kuhenda haki.