Johana 19:39 - Digo Bible

³⁹ phamwenga na Nikodemu, ambaye wakati wanjina kala akamlunga Jesu usiku. Nikodemu wareha mtsanganyiko wa udi na ubani wa uziho wa kama kilo mirongo mihahu.

Johana 19:39 ပူးပေါင်းရင်းမြစ်များ

Mwandzo 50:2

Halafu walagiza atumishie ariokala ni aganga apake dawa nyo mwiri wa ise ili usiole, nao achihenda vivyo.

2 Nyakati 16:14

Achizikpwa kpwenye mbira yokala akadzitsongera, ko Mudzi wa Daudi. Achimlaza dzulu ya chitanda chokala chikaodzazwa chila aina ya vilungo virivyotayarishwa ni atu amanyao kutengeza manukato. Chisha achikuta moho mkpwulu sana kpwa ishimaye.

Zaburi 45:8

Mavwazigo gananuka marashi ga manemane, udi na mdalasini. Kpwenye madzumba gopambwa na pembe za ndzovu mawira ganaimbwa kuhumira ngephephe na ganakuhenda ukale na raha.

Misemo 7:17

Chitanda changu nkachitiya marashi ga manemane, udi na mdalasini.

Wira wa Selemani 1:13

Naye wende wangu ni dza chikoba cha manemane kahi-kahi ya nyaho zangu.

Wira wa Selemani 4:14

narido na zafarani, mchai na mdalasini, na mihi yosi ilavyayo ubani, manemane na udi, na vilungo vyosi vinukavyo vinono.

Wira wa Selemani 4:6

Kabila takudzangbwecha na jiza kuuka, ndafika mwangoo uchioodzala manemane na kpwenye chidzango cha ubani.

Mathayo 12:20

Mwandzi uchiochetuka, kandauvundza. Na taa itakayo kufwa, kandaizimya, naye andaenderera vivyo hadi ndiphohenda haki itawale;

Mathayo 19:30

Ela anji ambao ni a kpwandza andakala a mwisho, na anji a mwisho andakala a kpwandza.”

Mathayo 2:11

Na bada ya kuinjira mura nyumbani amuona mwana na nine Maryamu, nao achimsujudiya na achimuabudu. Badaye avugula mikoba yao achilavya zawadi za ye mwana za zahabu, uvumba na manemane.

Mariko 16:1

Dziloni bada ya Siku ya Kuoya kusira, Maryamu kula Magidala, Salome, na Maryamu nine wa Jakobo agula marashi ili akapake mwiri wa Jesu.

Johana 12:3

Phahi Maryamu wahala tupa ya nusu lita ya manukato ga samani kulu, gotengezwa kula kpwa muhi uihwao narido. Wampaka Jesu manukato maguluni na achimphangusa na nyereze. Nyumba yosi yagota kunuka manukato higo.

Johana 12:7

Jesu achiamba, “Mriche ahende alondavyo. Mana wagaika ili a tayarishe mwiri wangu kpwa siku ya mazishi gangu.