Johana 16:21 - Digo Bible

²¹ Hata mchetu achifisa wakati wa kudzivugula nkuhenda utsungu, mana wakatiwe wa kugaya ukafika. Ela achidzivugula salama nkuyala hura utsungu, kpwa raha ya kuphaha mwana.

Johana 16:21 ပူးပေါင်းရင်းမြစ်များ

Mwandzo 3:16

Chisha Mwenyezi Mlungu achigomba na ye mchetu achimuamba, “Uwe undagaya sana wakati wa kudzivugula. Kpwa utsungu undavyala, tamaayo indakala kpwa mlumeo, naye andakutawala.”

Ayubu 11:16

Undayala mashakago, gandakala dza madzi garigotsupa.

Zaburi 113:9

Nkumuhenda tasa akakala na mudzi, nkumuhenda akale na raha kpwa kumupha ana. Mwenyezi Mlungu naatogolwe!

Isaya 13:8

Andagbwirwa ni wuoga, andalumwa dza mchetu ariye na utsungu wa kudzivugula. Andatongʼorerana matso na kuangalala, na kumbi zindakundzika kpwa chiwewe.

Isaya 21:3

Kpwa kukala nyo mwiri wangu unaluma sana, nina utsungu dza wa mchetu alondaye kudzivugula, ninasikira utsungu kpwa go nsikirago, sina ra kuhenda kpwa go nionago.

Isaya 66:7

Kabila ya kugbwirwa ni utsungu, wadzivugula kabila utsungu taudzangbwekolea, wadzivugula mwana mlume.

Mika 4:10

Galagala na uule kpwa utsungu uwe mwana mchetu wa Sayuni dza mchetu ariye na utsungu wa kudzivugula. Mana vivi undatuluka kondze ya mudzi ukasagale kpwereru, undaphiya Babeli hiko undativywa, na kuko Mwenyezi Mlungu andakukombola kula mikononi mwa maaduigo.

Mika 4:9

Sambi kpwa utu wani unarira na raka ra dzulu? Kpwani kuna mfalume? Dze, mshaurio akafwa, ndipho ukale na utsungu dza mchetu ariye na utsungu wa kudzivugula?

Agalatia 4:27

Mana Maandiko ganaamba, “Hererwa uwe mchetu tasa, usiyevyala! Hererwa sana na upige njerejere uwe usiye na utsungu wa kuvyala. Kpwa sababu mchetu ariyerichwa macheye andaphaha ana anji kuriko hiye ariye na mlumewe.”

1 Athesalonike 5:3

Atu achikala anaamba, “Chila chitu chi sawa na salama,” hipho ndipho ndiphogbwererwa ni mashaka. Nago gandahendeka gafula dza viratu mayo akalavyo na utsungu ichikala mwana a phephi na kuvyalwa. Kpwa hivyo taindawezekana mutu kuchimbira mashaka higa.