Johana 12:38 - Digo Bible

³⁸ Mambo higa gahendeka ili maneno ga nabii Isaya gatimiye, goamba: “Bwana, ni ani ariyeamini ujumbe wehu huriogomba? Ni ani yeonyeswa nguvu za Mwenyezi Mlungu?”

Johana 12:38 ပူးပေါင်းရင်းမြစ်များ

2 Nyakati 32:20

Kpwa ajili ya higo, mfalume Hezekiya na nabii Isaya mwana wa Amozi, avoya na achimririra Mlungu ariye mlunguni.

Zaburi 44:3

Mana taayahala tsi kpwa kupigana kuhumira panga zao, wala taayaturya maadui gao kpwa mikono yao, ela kpwa uwezoo na nguvuzo na kualola na mbazi kpwa vira kala akakuhamira.

Isaya 51:5

Haki yangu i phephi, wokofu wangu u njirani, nami nindatawala makabila ga atu, visuwa vinanigodzera, navyo vindakuluphira nguvu zangu.

Isaya 51:9

Lamuka, uwe Mwenyezi Mlungu uhuterye. Humira uwezoo uhuokole, uuhumire dza urivyouhumira pho kare. Dze, siwe uriyekata ro dzoka ra Naili riihwaro Rahabu?

Isaya 53:1

Ni ani ariyeamini ujumbe hurioureha? Ni ani ariyeonyeswa nguvu za Mwenyezi Mlungu?

Mathayo 15:7

Mbavi mu anafiki mwi! Nabii Isaya wagomba kpweli kukuhusuni ariphotabiri ujumbe hinyu kula kpwa Mlungu.

Mathayo 16:17

Naye Jesu achimuamba, “Waajaliwa Simoni mwana wa Jona, mana higo ugombago si mwanadamu achiyekumanyisa, ela ni Baba ariye mlunguni.

Mathayo 27:35

Na bada ya kumkota misumari msalabani, achipiga kura kuganya nguwoze ili amanye ni ani ndiyeziphaha.

Johana 12:37

Hata dzagbwe Jesu wahenda vilinje vinji mbere za Ayahudi, ela taayamkuluphira.

Johana 12:39

Phahi hara atu taawezere kuamini, dza viratu nabii Isaya arivyogomba phatu phanjina ariphoamba:

Johana 15:25

Hivyo arivyohenda atimiza, Maandiko gaambago, ‘Anizira bure.’

Johana 17:12

Nriphokala nao, náarinda kpwa uwezoo. Náarisato, na ariyeangamika ni hiye mmwenga bahi, ambaye kala ni wakuangamika, ili Maandiko gatimiye.

Johana 19:24

phahi achiambirana nyo enye, “Nahusiikpwanyule hino kandzu, ela hupigeni kura humanye kandzu indakala ya ani.” Hara asikari ariphohenda hivyo, Maandiko gatimizwa gaambago: “Aganya nguwo zangu, na kupigira kura kandzu yangu.”

Arumi 10:16

Ela sio Aiziraeli osi ariokubali hizo habari nono kuhusu Jesu. Mana nabii Isaya waamba, “Mwenyezi Mlungu, ni ani ariyeamini ujumbe wehu?”

Arumi 10:20

Tsona nabii Isaya anagomba chilume maneno ga Mlungu gaambago, “Atu ambao taayaniendza, ndio arioniona. Nádzimanyisa kpwa atu ambao kala taaniuzira.”

1 Akorintho 1:24

Ela atu ambao Mlungu waatsambula, akale ni Ayahudi ama sio Ayahudi, kpwao aho Jesu ni nguvu na ikima ya Mlungu.

Agalatia 1:16

Wakatiwe ariopanga uriphofika, Mlungu wanionyesa mwanawe, ili nitangazire atu asio kala Ayahudi habari nono kuhusu mwanawe Jesu. Na wakati hinyo siyaendza ushauri kula kpwa mutu.