Ela ichikala tamundaphundza, roho yangu indarira chisiri-siri kpwa sababu ya ngulu zenu, nindarira kpwa utsungu na kumwagikpwa ni matsozi, mana mangʼondzi ga Mwenyezi Mlungu gakahalwa mateka.
Aambire hivi, ‘Richa nimwagikpwe ni matsozi usiku na mutsi, bila ya kusira, mana mwanamwali, yani atu angu akalumizwa vibaya, akapigbwa pigo risiropigbwa mutu.
Naaza kala chitswa changu chingekala dza chisima cha madzi na matso gangu gakakala chemichemi ya matsozi, ningesinda na kuchesa kurira kpwa sababu ya atu angu achioolagbwa!
Ndiyo mana ninarira, namwagikpwa ni matsozi mana wa kuniphoza marenda a kure nami, takuna wa kunitiya moyo. Anangu akarichwa a weche, mana adui akaniturya.”
Wakati atu kala anaphundza mambo higo, Jesu watsupha ndarira. Mana kala a phephi na kufika Jerusalemu, nao atu kala anaona ufalume wa Mlungu undaonekana wakati hinyo-hinyo.
