Joeli 2:23 - Digo Bible

²³ Hererwani mwi atu a Sayuni, pigani njerejere na muhamirwe ni Mwenyezi Mlungu, Mlungu wenu. Iye akakuonyesani mbazize kpwa kukureherani mvula ya vuri kpwa chipimo cha haki na ya mwaka dza irivyokala hangu mwandzo.

Joeli 2:23 ပူးပေါင်းရင်းမြစ်များ

1 Afalume 8:36

phahi usikire hiko mlunguni, ukaswamehe dambi za atumishio, atuo Aiziraeli. Afundze atuo njira nono ambayo unalonda ailunge na urehe mvula kpwenye tsi uriyoapha atuo ikale urisi wao.

Ayubu 33:23

Chisha ichikala kuna malaika ko uphandewe, mmwenga kahi ya maelufu, wa kumuambira mwanadamu afwahago kuhenda,

Ayubu 37:13

Mlungu nkuhenda higa duniani, ili kutiya atu adabu, au kuonyesa mendzwaye.

Zaburi 104:34

Naahamirwe ni maazo gangu, mana Mwenyezi Mlungu ndiye anihamiraye.

Zaburi 147:8

Iye nkufwinika mlunguni na maingu, tsi akaipha mvula, nkuhenda nyasi zimere dzulu ya vidzango.

Zaburi 149:2

Aiziraeli naahererwe kpwa sababu ya Muumba wao, atu a Sayuni naahamirwe ni mfalume wao!

Zaburi 28:7

Mwenyezi Mlungu ndiye nguvu yangu na ngao yangu, moyo wangu unamkuluphira iye, iye nkuniterya, na moyo wangu unashangiliya nami nindamuimbira wira wa shukurani.

Zaburi 32:11

Hererwani na mshangiliye kpwa sababu ya Mwenyezi Mlungu mwimwi murio na haki, pigani njerejere mwimwi murio na mioyo swafi!

Zaburi 84:6

Anaphotsupa Dete ra Baka risiro madzi, nkurihenda rikale na pula za madzi na mvula za mapema nkurihenda rikakala na vidimbwi vya madzi.

Misemo 16:15

Uso wa mfalume uchingʼala ni dalili ya uzima, na mendzwaye nkuburudisha dza mvula ya mwaka.

Isaya 30:21

Napho mkagaluka uphande wa kulume au wa kumotso, mundasikira sauti inaamba, “Njira ni hino, igbwireni!”

Isaya 30:23

Mwenyezi Mlungu andahenda mvula inye kpwa ajili ya mbeyu zenu mchizophanda. Minda yenu indavyala mtsere munji na mifugo yenu indaphaha nyasi nyinji za kurisa.

Isaya 41:16

Undavipheha, phuto riviphepheruse, na chikulukulu chindavitsamula-tsamula. Nawe undahamirwa ni Mwenyezi Mlungu, na kumtogola Mtakatifu wa Iziraeli.

Isaya 61:10

Nindahamirwa sana kahi za Mwenyezi Mlungu, roho yangu indashangiliya kahi ya Mlungu wangu, mana akanibwiningiza vwazi ra wokofu, akanivwika vwazi ra haki, dza viratu bwana harusi adzipambavyo na chiremba chinono dza cha mlavyadzi-sadaka, dza bibi harusi adzipambavyo na vitu vya samani.

Jeremia 3:3

Ndiyo mana mawasa ga mvula gazuwiywa, na mvula za vuri tazidzangbwenya ela una matso mafu dza ga malaya kuona waibu tse.

Jeremia 5:24

Mwao mioyoni taamba, “Nahumuogopheni Mwenyezi Mlungu, Mlungu wehu, ahuphaye mvula kpwa wakatiwe, mvula za vuri na za mwaka na siku za kuvuna.”

Sonono za Jeremia 4:2

Nyo ana a Sayuni ariokala na nguma, ariokala a samani sawa na zahabu swafi, vivi anaaharira dza nyungu za ulongo zisizo na samani kazi ya mfinyangi.

Ezekieli 34:26

Nindajaliya atu angu na nyumba zao zizungulukazo chidzango changu chitakatifu. Nindaahenda aphahe mvula kpwa wakatiwe, nayo indakala mvula ya baraka.

Hosea 6:3

Nahummanyeni Mwenyezi Mlungu, nahuhendeni chadi cha kummanya iye; naye kpwa kpweli andahusengerera bila kukosa dza vira ligundzu redzavyo bila kukosa. Iye andahuedzera dza mvula ya mwaka, andahuedzera dza mvula ya vuri, itiyayo chinemi tsi.”

Alawi 26:4

nindakureherani mvula kpwa wakatiwe, tsi ivyale mavuno, na mihi ivyale matunda.

Amosi 4:7

“Chisha nchizuwiya mvula isinye kpwenu wakati kala bado miezi mihahu mguwe. Náhenda mvula inye mudzi mmwenga, na kuhenda mvula isinye mudzi wanjina. Munda mmwenga uphahe mvula na nyo munda ambao tauyaphaha mvula unyale.

Zakariya 10:1

Mvoyeni Mwenyezi Mlungu akupheni mvula wakati wa mwaka, mana iye ndiye arehaye maingu ga mvula. Iye nkuapha atu mawasa ga mvula, na kumupha chila mmwenga mimea ya mundani.

Zakariya 10:7

Chisha atu a Efuraimu andakala dza masujaa, na mioyo yao indahamirwa dza atu achionwa uchi mchache wa zabibu. Ana aho andagaona na ahamirwe, nao andahererwa mwao mioyoni kpwa sababu ya Mwenyezi Mlungu.

Zakariya 9:13

Mana Juda nkaiphinda dza uha wangu; na Efuraimu nkaipharika dza muvwi. Nindaasunganya atuo, uwe Sayuni, na kuahenda dza upanga wa viha wa sujaa apigane na atuo, uwe Uyunani.

Zakariya 9:9

Hererwani sana, mwi atu a Sayuni! Kotani kululu, mwi atu a Jerusalemu! Lolani, mfalume wenu aredza, iye ni wa haki, chisha ni mshindi, iye ni mpole, naye akapanda dzulu ya punda, akapanda dzulu ya mwana punda.

Mahendo 14:17

ela kadzangbwericha kuonyesa atu kala a kuko, mana nkuhenda manono. Nkukureherani mvula kula mlunguni na mavuno wakati wa sawa. Piya nkukuphani vyakurya vya kutosha na raha mwenu mioyoni.”

Kumbukumbu 11:14

iye andaipha tsi yenu mvula kpwa wakatiwe, mvula za mwaka na mvula za vuri namwi mundavuna nganu yenu, uchi wa zabibu zenu na mafuha genu.

Kumbukumbu 28:12

Mwenyezi Mlungu andakuvugurirani hazinaye nono kula mlunguni na kureha mvula kpwenye tsi kpwa wakatiwe na kubariki kazi zenu. Mundaapasa mataifa manji, ela mwimwi tamundaaphaswa.

Kumbukumbu 32:2

Mafundzo gangu gandateha-teha dza mvula, maneno gangu gandatwena dza manena. Gandakala dza manyunyu kpwenye mimea mitsanga, dza mvula chache-chache kpwenye nyasi.

Afilipi 3:1

Phahi enehu, zaidi ya hivyo nakuambirani, hererwani kpwa sababu ya Bwana Jesu. Mino siona vibaya kukuandikirani mambo gago kpwa gago. Mana gandakulongozani mkaleto.

Afilipi 3:3

Mana swiswi ndio atu a Mlungu kpwa kpweli. Hunamuabudu kpwa msada wa Rohowe, tsona hunadzikarya kuhusu mambo hurigohenderwa ni Jesu Muokoli. Tahuadamira mambo gahendwago ni mwanadamu, wala tsatsa ya mwiri.

Afilipi 4:4

Phahi chila wakati hererwani kpwa sababu mu a Bwana Jesu! Tsona nakuambirani, hererwani!