Jeremia 51:9 - Digo Bible

⁹ Hungemphoza Babeli, ela kaweza kuphola. Nahumricheni, chila mutu naauye kpwao, mana hukumuye ikafika mlunguni, na ikaunulwa hata ko mainguni.

Jeremia 51:9 ပူးပေါင်းရင်းမြစ်များ

2 Nyakati 28:9

Ela Odedi nabii wa Mwenyezi Mlungu kala asagala hiko. Iye watuluka ili akutane na hiro jeshi ririrokpwedza Samariya, achiriambira, “Hebu lolani! Mwenyezi Mlungu, Mlungu wa akare enu kala akatsukizwa ni atu a Juda ndio mana achiatiya mwenu mikononi, ela mwino mkaaolaga kpwa ukatili hadi Mlungu akasononeka.

Ezira 9:6

Návoya nchiamba, “Ee Mlungu wangu, nina haya kuunula uso wangu mberezo, mana uyi wehu ni munji hadi ukahutsupa vitswa na makosa gehu gakazidi hadi gakafika hiko dzulu mlunguni.

Isaya 13:14

Dza chiphala chiindzwacho au dza mangʼondzi gatsamukavyo wakati tagana mrisa, chila mutu andauya kpwa atue, na chila mutu andachimbirira tsi ya kpwao.

Isaya 47:15

Hivyo ndivyo ndivyokala atu uriohenda nao kazi, hara muriohenda nao bishara hangu wanacheo, osi andakuchimbira, taphandakala na mutu wa kukutivya.”

Jeremia 46:16

Anajeshi enu adzikpwala achigbwa, nao achiambirana, ‘Nahuunukeni huuye kpwa atu ehu kpwenye tsi huriyovyalwa, huchimbire upanga wa nyo ahulumizao.’

Jeremia 46:21

Anajeshi a kukodishwa ario nao, ni dza ndama chizonona. Aho piya akagaluka na kuchimbira phamwenga, taakaweza kuvumirira, mana siku yao ya kuangamizwa ikafika, wakati wao wa kutiywa adabu.

Jeremia 50:16

Muuse ko Babeli iye aphandaye, na iye agbwiraye rumu ra kuvunira wakati wa kuvuna. Kpwa sababu ya upanga wa iye aoneraye chila mutu ni auye kpwao, chila mutu azorere kpwao.

Jeremia 8:20

Atu anasononeka anaamba, “Wakati wa mavuno ukasira, nayo kazikazi ikasira naswi tahudzangbwetivywa.”

Hosea 7:13

Ni shaka rao, mana akanichimbira. Andaangamizwa, mana aniasi. Ningeakombola, ela anagomba handzo kunihusu.

Maono 18:4

Chisha nchisikira sauti yanjina kula mlunguni, yoamba, “Atu angu, tulukani hiko kpwakpwe sedze mkagbwirana naye kuhenda dambize. Mana mchituluka tamundatiywa adabu naye.

Maono 18:5

Mana dambize zakala tsumbi hata zikafika mlunguni, naye Mlungu a tayari kumtiya adabu kpwa mahendoge mai.