Jeremia 51:21 - Digo Bible

²¹ Kuhumira uwe, nkuvundza-vundza farasi na mpandadzi-farasi, na kpwa uwe, nkuvundza-vundza magari ga kuvwehwa ni farasi na nyo agaphirikao.

Jeremia 51:21 ပူးပေါင်းရင်းမြစ်များ

Zaburi 46:9

Nkukomesa viha duniani kosi, nkuvundza maha na mafumo, na kuocha ngao.

Zaburi 76:6

Ee Mlungu wa Jakobo, uriphoademurira, farasi na hiye anayepanda farasi osi adangana.

Kutsama 15:1

Phahi Musa na Aiziraeli amuimbira Mlungu wira hinyu: “Nindamuimbira Mwenyezi Mlungu mana vyo chivyoshinda iye vina nguma. Akahosa farasi na apandadzi-farasi aho baharini.

Kutsama 15:21

Na Miriamu achiaimbira wira uambao, “Muimbireni Mwenyezi Mlungu, sababu akashinda kpwa nguma, Amisiri na farasi aho akaahosa baharini.”

Kutsama 15:4

Magari ga kuvwehwa ni farasi ga Farao na anajeshie akaahosa baharini. Akulu a jeshi a kumanyikana vihani akafwa madzi Bahari ya Shamu.

Isaya 43:17

yeangamiza magari ga kuvwehwa ni farasi, farasi na majeshi genye uwezo, gachigbwa na tagawezere kuunuka tsona, gachiangamika na kuzimwa dza utambi:

Jeremia 50:37

Upanga naukale chinyume cha farasie na chinyume cha magarige ga kuvwehwa ni farasi, na nyo anajeshi a chijeni ario nao, ili akale dza achetu. Upanga ukale chinyume cha hazinaze zosi, ili zihalwe zewe!

Ezekieli 39:20

Mundarya hata mmvune pho phangu mezani, farasi na aphiriki ao, masujaa na anajeshi a chila aina,’ Mwenyezi Mlungu anaamba.

Mika 5:10

Mwenyezi Mlungu anaamba, “Siku iyo nindaolaga farasi enu na kubananga magari genu ga kuvwehwa ni farasi.

Nahumu 2:13

Mwenyezi Mlungu, Mlungu wa majeshi anaamba, “Lola, mimi nchinyumecho. Magarigo ga kuvwehwa ni farasi ndagatiya moho. Barobaroo uchioakuluphira kpwa viha andaolagbwa na upanga. Kundahala tsona atu kpwa lazima au vitu kula phapha duniani. Na takundasikirika tsona sauti za ahumwao.”

Hagai 2:22

Nindapindula afalume na falume zao. Tsona nindabananga nguvu za mataifa. Nindapindula magari ga kuvwehwa ni farasi na aphiriki ao. Farasi andafwa na aphiriki ao andaolagana enye kpwa enye.’”

Zakariya 10:5

Osi phamwenga andakala dza anajeshi sujaa vihani, aho andavyoga-vyoga maadui gao kpwenye tope za barabara za mudzi. Andapiga viha kpwa kukala Mwenyezi Mlungu a phamwenga nao, nao andaagbwiza waibu anajeshi akuhumira farasi.

Zakariya 12:4

Mwenyezi Mlungu anaamba, “Siku iyo ndaatiya wuoga farasi osi na aphiriki aho niatiye koma. Ela nindamanyirira atu a Juda na nihose matso ga farasi a maadui gao.

Maono 19:18

Ndzoni mwedze murye nyama za afalume, za akulu a viha, za atu a mkpwotse, nyama za farasi na apandadzi-farasi, nyama za atu osi, atumwa na ario huru, asiokala na vyeo na ario na vyeo.”