32 Nakuririra uwe mizabibu wa Sibuma kuriko nrivyoririra Jazeri! Panda zenu zinakula hadi pwani, zinafika hadi bahari ya Jazeri, Ye mʼbanangio akagbwa iye akagbwerera matundago maivu ga vuri na tini.
Mimi nindasala Mizipa nkuwakilisheni mbere za Akalidayo ndiohutsolokera. Ela mwimwi siyani uchi wa zabibu, mvune matunda ga wakati wa vuri, mtengeze mafuha ga zaituni, mgatiye miyoni na msagale kpwenye midzi mriyoihala.”
Dzitserezeni, richani ko kudziunula kpwenu, na msagale photsi vumbini, mwi msagalao mudzi wa Diboni! Mana ye mʼbanangi wa Moabu akafika kukuvamiani na kubananga midzi yenu yenye ngome.
Ye mʼbanangi andakpwedza chila mudzi, taphana mudzi ndiotiya; chila chitu mo madeteni chindabanangbwa na tsi za kugbwa zindabanangbwa, dza Mwenyezi Mlungu arivyogomba.