Jeremia 40:9 - Digo Bible

⁹ Gedalia mwana wa Ahikamu, mdzukulu wa Shafani waapira aho na vikosi vyao achiamba, “Msiogophe kuahumikira Akalidayo, sagalani mumu tsini na mumuhumikire mfalume wa Babeli na mambo genu gandakuphihiranito.

Jeremia 40:9 ပူးပေါင်းရင်းမြစ်များ

Mwandzo 49:15

Achiona phatu pha kuoya ni phanono, na yo tsi ni nono, nkuzamisa mongowe kutsukula mizigo, na kuhendeswa kazi za shokowa dza mtumwa.

2 Afalume 25:24

Gedalia waapira aho na vikosi vyao achiamba, “Msiogophe kpwa sababu ya akulu a Ababeli. Sagalani mumu tsini na mumuhumikire mfalume wa Babeli na mambo genu gandakuphihiranito.”

Zaburi 128:2

Andarya matunda ga kazi za mikonoye, andakala na raha, na mamboge gandamphihirato.

Zaburi 37:3

Mkuluphire Mwenyezi Mlungu na uhende manono, ili uishi salama kpwenye yo tsi na uongokerwe.

Jeremia 27:11

Ela taifa rorosi ndirotiya singoye kpwenye gogolo ra mfalume wa Babeli na kumuhumikira, phahi taifa riro ndariricha kpwenye yo tsi ririme na risagale mumo,’ ” Mwenyezi Mlungu anaamba.

Sonono za Jeremia 1:1

Lola, vyo mudzi urivyo wekee mudzi uriokala ukaodzala atu! Vivi ukakala dza mchetu gungu, yekala mkpwulu kahi ya mataifa! Mchetu yekala Malikia kahi ya midzi vivi akahendwa kukala mtumwa.

Sonono za Jeremia 5:9

Hunaphaha chakurya kpwa kuhatarisha maisha gehu, kpwa sababu ya upanga ko weruni.