Jeremia 33:15 - Digo Bible

¹⁵ Siku zizo na wakati uho nindahenda Panda yenye haki itsephule kula chivyazi cha Daudi, naye andahenda haki na garigo sawa kpwenye yo tsi.

Jeremia 33:15 ပူးပေါင်းရင်းမြစ်များ

Zaburi 45:4

Kahi ya ngumayo, sengera mbere ili uphahe ushindi; enderera kuhehera kpweli, upole na haki, na mkpwonoo wa kulume naukuhendere makulu.

Zaburi 45:7

Uwe unamendza gara garigo manono, na kuzira gosi garigo mai. Kpwa hivyo Mlungu, Mlunguo, akakumwagira mafuha, ga kukuhenda uhamirwe kpwa kukuhenda mkpwulu kuriko ayao osi.

Isaya 4:2

Siku iyo tsi ya Mwenyezi Mlungu indakala na rutuba na yenye nguma na mavunoge gandakala nguma ya Aiziraeli ariotiya nao andagaonera ngulu.

Isaya 42:21

Vyamuhamira Mwenyezi Mlungu kuihenda shariyaye ikale kulu, na ya kuishimika kpwa ajili ya hakiye.

Isaya 53:2

Mana iye mtumishi wakula dza mutse mtsanga, na dza muzi kahi ya tsi kavu. Iye kana umbo au unono, ili huchimlola hummendze.

Isaya 9:7

Uwezo wa utawalawe taundakala na mwisho, amaniye indaenderera hadi kare na kare. Andatawala kula Jerusalemu dza mfalume Daudi, na auhende ufalumewe ukale na nguvu. Siku zosi andatawala na kpweli na haki kula sambi hata kare na kare. Mwenyezi Mlungu, Mlungu wa majeshi andahakikisha higa gakahendeka.

Jeremia 17:25

phahi afalume na ana a afalume anaomlunga mfalume Daudi katika utawala, phamwenga na atu a Juda na asagalao Jerusalemu, andainjira kutsupira maryango ga mudzi hinyu kuno akapanda farasi na magari ga kuvwehwa ni farasi. Nao mudzi uhu undasagala atu siku zosi.

Jeremia 30:9

Ela andahumikira Mwenyezi Mlungu, Mlungu wao na mfalume wa chivyazi cha Daudi ambaye Mlungu andaatsamburira.”

Jeremia 50:7

Osi ariogaona agavamia achigarya, na maadui gao aamba, ‘Tahuna makosa, mana gamuhendera dambi Mwenyezi Mlungu, ambaye ndiye makalo gao, ye Mwenyezi Mlungu ambaye ndiye kuluphiro ra akare ao.’

Zakariya 3:8

Phahi phundza uwe Joshuwa, mlavyadzi-sadaka mkpwulu na ayao asagalao mberezo, mana aho ni ishara ya mambo manono gedzago. Mimi nindareha mtumishi wangu aihwaye Panda.

Maono 19:11

Hebu niphundzani! Náona mlunguni kuchifwenuka, nahenda hivi, nchiona farasi mwereru. Mutu yekala akapanda farasi anaihwa “Wa Haki na Wa Kpweli.” Naye nkuhukumu na kupigana viha kpwa ajili ya haki.