Jeremia 31:28 - Digo Bible

²⁸ Na dza nrivyokala muaminifu kukungʼolani, kukubomolani, kukubwagani, kukubanangani na kukugayisani, ndivyo ndivyokala kukuphandani na kukudzengani, Mwenyezi Mlungu anaamba.

Jeremia 31:28 ပူးပေါင်းရင်းမြစ်များ

Ayubu 29:2

“Naaza kala ni dza nirivyokala pho kare, dza siku ambazo Mlungu kala achinirinda.

Zaburi 102:16

Mwenyezi Mlungu andadzenga luphya Sayuni andatsembuka kuonyesa ngumaye.

Zaburi 147:2

Mwenyezi Mlungu ndiye adzengaye Jerusalemu, na kukusanya Aiziraeli ariokala akatsamizwa kpwa lazima.

Zaburi 69:35

Mana Mlungu andativya Sayuni na kudzenga midzi ya Juda na atumishie andasagala himo na kuimiliki.

Jeremia 1:10

Lola, ihi rero nkakupha mamlaka dzulu ya mataifa na falume, ungʼole na uvundze-vundze, ubanange na upendule, udzenge na uphande.”

Jeremia 1:12

Chisha ye Mwenyezi Mlungu achiniamba, “Uwe ukaona vinono, mana kpwa kpweli nkakusudiya kutimiza neno rangu.”

Jeremia 24:6

Nindaamanyirira ili aongokerwe na niauyize tsi ihi. Nindaadzenga nami sindaabomola, nindaaphanda wala sindaangʼola.

Jeremia 32:41

Nindahamirwa ni kuahendera manono na kuaika kahi ya tsi ihi na moyo wangu wosi na roho yangu yosi.’

Jeremia 32:42

“Mana Mwenyezi Mlungu anaamba, ‘Dza nrivyoahendera mai atu aha, ndivyo ndivyoahendera mambo manono nrigoalaga atu aha.

Jeremia 42:10

‘Mchisala tsi ihi mimi ndakudzengani, sindakuvomolani bii. Sindakungʼolani ela ndakuphandani, mana nasononeka kpwa go mashaka nrigokureherani.

Jeremia 44:27

Mana naalola ili niahende mambo mai wala si manono. Atu osi a Juda ario Misiri andaolagbwa na upanga na ndzala hata asire.

Jeremia 45:4

Ela Mwenyezi Mlungu akaniambira nikuambe hivi, ‘Lola, chila nrichodzenga ndachibomola na nrichophanda ndachingʼola, kahi za tsi yosi.

Ezekieli 19:12

Ela nyo muhi wangʼolwa kpwa tsukizi, uchibwagbwa photsi, matundage gachikutiswa ni phuto kula mlairo wa dzuwa, pandaze ndziho zichinyala, na sinare renye nguvu, richiphya na moho.

Ezekieli 36:10

Nami ndaaenjereza nyo atuo, yani atu osi a Iziraeli. Magandzo gandadzengbwa luphya na midzi indasagalwa.

Danieli 9:14

Kpwa hivyo uwe Mwenyezi Mlungu wahutiya adabu kpwa pigo uriroritayarisha, nawe wahenda hivyo mana uwe Mwenyezi Mlungu, Mlungu wehu, u wa haki ya rorosi urihendaro, ela swiswi tahuyaphundza sautiyo.

Danieli 9:25

Phahi gaga ni ugamanye na ugaelewe: Kula wakati amuri ya kudzenga luphya Jerusalemu ndiphotuluzwa hadi ndiphokpwedza ye mkpwulu ariyepakpwa mafuha, ni muda wa miaka sabaa kano sabaa. Chisha kpwa muda wa miaka mirongo sita na miiri kano sabaa, Jerusalemu indadzengbwa luphya na barabara na mitaru mikulu kuzunguluka, ela muda uho undakala wa tabu.

Amosi 9:11

Siku iyo nindauyiza tsona ufalume wa Daudi ambao ni dza nyumba iriyogbwa. Ndarekebisha myanya ya kuta zirikobomoka, na kuunula magandzoge na kuudzenga, dza urivyokala pho kare,

Amosi 9:14

Nindaauyiza atu angu Iziraeli nao andadzenga luphya magandzo ga midzi yao asagale. Andaphanda minda ya mizabibu na kunwa uchiwe, andaphanda minda na arye mavunoge.

Zakariya 8:14

“Mwenyezi Mlungu, Mlungu wa majeshi anaenderera kuamba hivi, ‘Akare enu ariphonitsukiza, nápanga kuahendera mai nami sigaluzire nia.

Zakariya 8:15

Ela vivi nikapanga kuhendera manono atu a Jerusalemu na a Juda. Kpwa hivyo msiogophe.

Mahendo 15:16

‘Badaye, mimi Mlungu, nindauya nedze nidzenge uphya nyumba ya Daudi iriyogbwa. Nindauyiza kula kpwa masazage na niudzenge uphya tsona.

Kumbukumbu 30:9

Mwenyezi Mlungu, Mlungu wenu, andakuhendani muongokerwe katika chila mndirohenda; mundakala na ana anji na ngʼombe nyinji na mavuno manji kula kpwenye minda yenu. Mana andahamirwa tsona kukuhendani muongokerwe sana dza vira arivyohamirwa ni akare enu.