Jeremia 25:30 - Digo Bible

³⁰ “Phahi tabiri maneno gaga gosi na uambire: Mwenyezi Mlungu andanguruma kula dzulu, andaruruma kula phatuphe phatakatifu, andangurumira atue kpwa nguvu, andakota kululu dza atu aminyao zabibu, andangurumira atu osi a duniani.

Jeremia 25:30 ပူးပေါင်းရင်းမြစ်များ

2 Samueli 15:25

Ndipho mfalume achimuambira Sadoki, “Uyiza hiro sanduku ra Mlungu hiko mudzini. Nchiphaha chibali kpwa Mwenyezi Mlungu andaniuyiza, nirione tsona sanduku hiri, na makaloge.

1 Afalume 9:3

Mwenyezi Mlungu wamuamba, “Nkasikira mavoyogo na chirirocho. Nami nkaitenga nyumba hino ambayo ukanidzengera na kuika dzina rangu himo hata kare na kare. Matso gangu na moyo wangu undakala himo siku zosi.

2 Nyakati 30:27

Ndipho alavyadzi-sadaka na Alawi achiima na achiavoyera atu baraka. Naye Mwenyezi Mlungu achisikira kula makaloge hiko mlunguni na achikubali mavoyo gao.

Zaburi 11:4

Mwenyezi Mlungu a ndani ya nyumba takatifu ya kuvoya Mlungu na chihiche cha utawala chi mlunguni. Iye analola anadamu osi na anachunguza gara ahendago.

Zaburi 132:14

“Phapha ndipho phatu phangu pha kuoya hata kare na kare mino ndasagala phapha mana nkaphamendza.

Zaburi 46:6

Mataifa ganjina gatsanganyikirwa, falume zikapendulwa; achinguruma, dunia inamomonyoka.

Zaburi 58:5

Ili asisikire sauti za hinyo aihao nyoka au sauti ya mgbwanga mlachu.

Zaburi 78:65

Halafu Mwenyezi Mlungu walamuka dza alaye usingizini, dza mutu jasiri achiyechangamshwa ni uchi.

Isaya 16:9

Kpwa hivyo ninaririra mizabibu ya Sibuma dza atu a Jazeri ariravyo. Midzi ya Heshiboni na Eleale munanihenda nimwagikpwe ni matsozi mana taphana njerejere za mavuno.

Isaya 33:3

Unaphonguruma mataifa ganjina nkuchimbira unaphoonyesa urivyo mkpwulu mataifa nkutsamukana.

Isaya 42:13

Mwenyezi Mlungu nkuphiya vihani dza sujaa, andaphiya na tsukizize dza mutu wa viha. Andarira na kukota kululu, andaangamiza maaduige.

Jeremia 17:12

Nyumba yenu ya kuvoya Mlungu ni dza chihi cha chifalume chenye utukufu, chiimirecho dzulu ya mwango hangu pho mwandzo.

Jeremia 25:38

Mwenyezi Mlungu andauka dza simba chiyeuka alalapho, na tsi yao indakala taina chitu kpwa sababu ya viha vya atu ayi na tsukizi za Mwenyezi Mlungu.

Jeremia 48:33

Kuhamirwa na kuhererwa kukauswa kula yo tsi ya Moabu ya vyunga vya matunda; Nikahendesa uchi usijere kula pho phatu pha kuminyira zabibu; taphana mutu aziminyaye na njerejere; dzagbwe kuna kululu, ela sizo za kuhererwa.”

Hosea 11:10

Andamlunga Mwenyezi Mlungu, iye andanguruma dza simba, na angurumapho anae andakpwedza kula mtswerero wa dzuwa kuno anakakama.

Hosea 5:14

Mana nindakala dza simba kpwa atu a Efuraimu na dza mwana simba kpwa atu a Juda. Ndaamwamula-mwamula vipande-vipande mimi mwenye, chisha niuke, nindaaguruta niphiye nao na taphana ndiyeweza kuativya.

Joeli 3:16

Mwenyezi Mlungu andanguruma kula Sayuni, mngurumowe undasikika kula Jerusalemu. Mlunguni na duniani kundasumba, ela Mwenyezi Mlungu andakala chimbiriro kpwa atue na ngome kpwa Aiziraeli.

Amosi 1:2

Amosi achiamba, “Mwenyezi Mlungu andaruruma kula Sayuni, andanguruma dza chiguruguru kula Jerusalemu; na weru wa kurisa arisa gandauma, na chirere cha mwango Karimeli chindanyala.”

Amosi 3:8

Simba achinguruma, ni ani asiyeogopha? Mwenyezi Mlungu akaamba, ni ani ambaye kandatabiri?

Zakariya 2:13

Nyamalani mbere za Mwenyezi Mlungu mwimwi mosi, mana iye aredza kula phatuphe phatakatifu.

Kumbukumbu 26:15

Lola photsi kula makalogo matakatifu hiko mlunguni, ujaliye atuo Iziraeli na tsi uriyohupha, tsi yenye rutuba dza vira urivyolaga akare ehu.’

Maono 19:15

Mwakpwe kanwani mwatuluka upanga wa kurya sana. Andauhumira kushinda mataifa gosi duniani naye andagatawala na uwezo mkpwulu. Tsona aminye uchi mufu wa tsukizi za Mlungu Mwenye Nguvu Zosi.