Isaya 66:24 - Digo Bible

²⁴ Nao andatuluka kondze, kpwendalola nyufu za atu arioasi, nazo zindakala zinariwa ni mabulu chila wakati na kuochwa ni moho ambao taufwa bii. Andakala ni utu wa kutsukiza kpwa atu osi.”

Isaya 66:24 ပူးပေါင်းရင်းမြစ်များ

Zaburi 110:6

Andaamula mataifa na zo tsi aziodzaze nyufu, na andashinda atawala a dunia yosi.

Isaya 1:28

Ela aasi na enye dambi andaangamizwa, na hinyo amrichao Mwenyezi Mlungu andaochwa.

Isaya 1:31

Ariye na mkpwotse andakala kana pephe dza mabuwa, na kaziye indakala dza tsetse ya moho, osi andaphya phamwenga, wala taphandakala na wa kuzimya moho hinyo.

Isaya 14:11

Ngumayo ikatserezwa hadi kuzimu, phamwenga na sauti za ngephephe. Mabulu gakakala chitandacho na dzulu ukabwiningizwa ni minyololo.

Isaya 24:20

Dunia inadedeleka dza mlevi, inasumba-sumba dza chibanda wakati wa phuto. Inaremererwa ni dambiye, inagbwa na taindaunuka tsona.

Isaya 26:11

Uwe Mwenyezi Mlungu ukaaunurira mkpwonoo ili uatiye adabu, ela taauona. Ariche aone vira unavyoamendza atuo na agbwirwe ni haya. Moho urioikira maaduigo nauaoche.

Isaya 34:10

Indaaka usiku na mutsi wala taindasika kutifuka mosi ta kare na kare. Edomu indakala jangbwa muda mure, chivyazi chimwenga hadi chanjina. Takuna mutu ndiyetsupa tsona kahi za tsi iyo hata kare na kare.

Isaya 34:3

Nyufu zao zindarichwa bila kuzikpwa. Zindaola na zinuke lovu. Myango indalwamiswa ni milatso yao.

Isaya 48:22

Mwenyezi Mlungu anaamba, “Takuna amani kpwa atu ayi.”

Isaya 5:25

Kpwa hivyo Mwenyezi Mlungu watsukizwa ni atue, achigolosa mkpwonowe achiapiga na kuabwaga. Myango yasumba na nyufu zao zichikala dza uchafu barabarani. Hata bada ya higa gosi, tsukizize tazidzangbwedigirika na mkpwonowe uchere goloka chinyume chao.

Isaya 51:8

Mana andariwa dza nguwo iriwavyo ni lutswa, na dza mabulu garyavyo nyoya za mangʼondzi, ela haki yangu indakala ta kare na kare, na wokofu wangu vivyazi hadi vivyazi.”

Isaya 65:15

Dzina renu rindahumika dza lana kahi za atu angu nrioatsambula. Mwenyezi Mlungu andakuolagani, ela atumishie andaapha dzina ranjina.

Isaya 66:16

Mana kpwa moho na upangawe, Mwenyezi Mlungu andalavya uamuli chinyume cha atu osi, nao anji ni hara ndioolagbwa ni Mwenyezi Mlungu.

Danieli 12:2

Atu anji ariofwa, andafufuka, anjina ainjire uzima wa kare na kare, na anjina aphahe waibu na kuberwa hata kare na kare.

Zakariya 14:12

Na hiri ndiro pigo ambaro Mwenyezi Mlungu andapiga mataifa gosi gopigana na atu a Jerusalemu: Miri yao indaola kuno aimire, matso gao gandaola ndani ya vitswa vyao na malilimi gao gandaola mwao miromoni.

Mathayo 3:12

Iye ana lungore mkpwononi, naye andapheha nganu na aitiye chitsagani. Ela maphephe andagatsupha mohoni, moho usiofwa.”

Maono 21:8

Ela phahi aoga, asiomkuluphira Mlungu, akora, aolagadzi, adiya, atsai, aabuduo vizuka, na a handzo, aho osi phatu phao ni ziya ra moho mkali wa chibiriti. Na chicho ndicho chifo cha phiri.”