Isaya 60:22 - Digo Bible

²² Iye ariye mdide andakala atu elufu mwenga ariye mdide andakala taifa kulu renye nguvu. Mimi, ndimi Mwenyezi Mlungu nami ndagatimiza kpwa wakatiwe.

Isaya 60:22 ပူးပေါင်းရင်းမြစ်များ

Isaya 10:22

Dzagbwe Aiziraeli ni anji dza mtsanga wa pwani, ni nyo ndiosala ndio ndiouya. Kuangamizwa kpwenu kukapangbwa na kundahendeka kpwa haki.

Isaya 5:19

Aho anaamba, “Naahende wangbwi ye Mlungu, naahende kaziye upesi huione. Nagakale go arigopanga hiye Mtakatifu wa Iziraeli, nagedze hugaone!”

Isaya 51:2

Mloleni sowe yenu Burahimu, na Sara, ariyekuvyalani. Kpwa mana nriphomuiha, kala amacheye, nami nchimjaliya na nchimuhenda akale taifa ra atu anji.

Isaya 66:8

Ni ani ariyesikira utu dza huno? Ni ani ariyeona mambo dza gano? Dze, tsi inaweza kuvyalwa kpwa siku mwenga? Au taifa kuvyalwa gafula? Ela Sayuni iriphogbwirwa ni utsungu tu, yavyala anae mara mwenga.

Danieli 2:35

Chisha cho chuma, nyo ulongo, shaba, feza na zahabu, vyosi vyavundzika vipande-vipande chivyamwenga, na vichikala dza wiswa wa phatu pha kuwagira wakati wa kazikazi. Phuto richedza richiuphepherusa nao tauyaonekana tsona. Ela ro dziwe kulu ro banda cho chizuka, ragaluka mwango mkpwulu na richiodzaza dunia yosi.

Danieli 2:44

Na wakati uho wa afalume aho Mlungu wa mlunguni andaandzisha ufalume ambao taundavundzwa, wala taundarichirwa atu anjina. Ufalume uho undavundza-vundza falume zizi zosi nao undakala ta kare na kare.

Mika 4:7

Aho ni dza viswere ario kure na kpwao, ela ndakala na mwandzo muphya na nyo ariosala, nao andakala taifa kulu. Mwenyezi Mlungu andaatawala kula mwango Sayuni hangu wakati uho hata kare na kare.

Habakuki 2:3

Ruwiya hizi zindatimiya kpwa wakatiwe, tsona gandahendeka upesi mana sigo ga handzo. Hata gachioneka kala ganachelewa, gagodzere mana ni gatimiye, tagandachelewa.

Luka 18:7

Phahi, Mlungu andaahendera haki atu oatsambula akale atue, amririrao na kumvoya usiku na mutsi. Na wala kandakaa kuaterya.

Mahendo 2:41

Phahi, atu osi ariokubali maneno ga Petero abatizwa, na siku iyo kundi ra afuasi a Jesu raenjerezeka atu kama elufu tahu.

Mahendo 5:14

Ela ariomkuluphira Jesu na kukala afuasie azidi kuenjerezeka sana, alume kpwa achetu.

Aeburania 10:36

Mana ra muhimu sana ni mvumirire ili mtimize mendzwa ya Mlungu, namwi mundaphokera chira aricholaga.

2 Petero 3:8

Ela enehu, msione kukala Mlungu anafikiriya dza vivyo mwimwi. Mana kpwa Mlungu siku mwenga ni sawa na miaka elufu mwenga, na miaka elufu mwenga ni sawa na siku mwenga.

Maono 7:9

Bada ya hivyo, nátsupha matso nahenda hivi, nchiona umati mkpwulu wa atu ambao kala tauolangika, atu a tsi zosi na chila kabila dunia ndzima, aimire mbere za chihi cha chifalume na ye Mwana ngʼondzi. Nao kala akavwala kandzu nyereru na kala akagbwira makandza ga mitende.