Isaya 6:10 - Digo Bible

¹⁰ Henda mioyo ya atu hano ikale mifu, masikiro gao gakale masito, funga matso gao, sedze akaona na matso gao, akasikira na masikiro gao akaelewa na mioyo yao, akagaluka akaphozwa.”

Isaya 6:10 ပူးပေါင်းရင်းမြစ်များ

Zaburi 119:70

Mioyo yao ni mii ela mino nahamirwa ni shariyazo.

Zaburi 17:10

Taanionera mbazi tsona anagomba maneno ga kudzikarya.

Zaburi 69:23

Matso gao nagatiwe jiza ili asione, na myongo-myongo yao naimyoke siku zosi.

Kutsama 10:27

Ela Mwenyezi Mlungu wamuhenda Farao akale na moyo mufu, na achirema kuricha Aiziraeli auke.

Kutsama 11:10

Phahi Musa na Aruni ahenda vilinje vyosi hivyo mbere za Farao, ela Mwenyezi Mlungu kala akamtiya moyo mufu, na achirema kuarichira nyo Aiziraeli atuluke kahi ya tsiiye.

Kutsama 14:17

Nindaahenda Amisiri akale na mioyo mifu hata ainjire mumo kukulungani. Hipho ndipho ndiphodziphahira nguma kpwa kushinda Farao, jeshire, magarige ga kuvwehwa ni farasi, na anajeshi akuhumira farasi.

Kutsama 7:3

Ela nindamtiya Farao moyo mufu, na hata dzagbwe nindazidisha vilinje vyangu na vituko ko tsi ya Misiri,

Misemo 16:30

Afwinyiraye mutu dzitso akapanga mai, abenyulaye mromo andahenda vii.

Muhubiri 3:3

wakati wa kuolaga na wakati wa kuphoza wakati wa kubomola na wakati wa kudzenga

Isaya 19:22

Mwenyezi Mlungu andaipiga Misiri, alafu aiphoze. Nao andagaluka kumlola iye, naye andaphundza mavoyo gao na aaphoze.

Isaya 28:13

Kpwa hivyo sambi neno ra Mwenyezi Mlungu kpwao rindakala hivi, kano henda hiri, kano henda rira, dzambo mwenga-mwenga avi hu anache. Ili aphiye akagbwe na kogo, arumire, agbwirwe ni muhambo na ahalwe mateka.

Isaya 29:10

Mana mwimwi manabii, Mwenyezi Mlungu akakutiyani roho ya usingizi. Akakufungani matso, mwi manabii na kubwiningiza vitswa vyenu, mwi aonadzi.

Isaya 29:14

Kpwa sababu iyo ndahenda tsona kazi ya kuangalaza kahi ya atu aha. Nindahenda kazi ya kuangalaza na vilinje. Ikima ya enye ikima indaangamika na kumanya kpwa atu a kpwao amanyao, kundafwitswa.”

Isaya 29:9

Angalalani na mdangane, zibani matso genu msione. Kalani avi mkalewa ela si kpwa sababu ya uchi, dedelekani, ela si kpwa sababu ya uchi.

Isaya 44:18

Taamanya chisha taaelewa, mana akazibwa matso ili asione na achili zao zikafwinikpwa asingʼarirwe.

Isaya 63:17

Kpwa utu wani we Mwenyezi Mlungu, unahuhenda huriche kulunga njirazo, na kuihenda mioyo yehu ikale mifu hata husikuogophe? Uya kpwa ajili ya atumishio, mbari za atuo mwenye.

Jeremia 17:9

Moyo una handzo kuriko vyosi, nao tauweza kulagulwa na takuna awezaye kumanya uazacho.

Jeremia 5:21

Vivi phundzani mwi azuzu na akuphupha, murio na matso ela tamuona, murio na masikiro ela tamphundza.

Jeremia 6:10

Nigombe na ani na kumkanya ani hata asikire? Lola, masikiro ni mazito, taaweza kusikira; lola, neno ra Mwenyezi Mlungu anaribera, taafwahirwa ni ro neno.

Sonono za Jeremia 3:65

Aphe mioyo mifu, na lanayo ikale dzulu yao.

Zakariya 11:15

Badaye Mwenyezi Mlungu achiniamba, “Vihale tsona vyo vitu vya mrisa mzuzu.

Zakariya 7:11

Ela arema kuphundza, na kpwa kukala ana likakado anilozera kogo na kuziba masikiro gao ili asisikire.

Mathayo 13:15

Mana mioyo yao ikakala mifu, aziba masikiro gao, akafwinya matso gao, asedze akaona na go matso gao, akasikira na go masikiro gao, akaelewa na yo mioyo yao, asedze akanigalukira, nami nikaaphoza.’

Johana 12:40

“Mlungu waahenda vipofu, nayo mioyo yao achiihenda mifu. Ndiyo mana matso gao tagaona, wala mioyo yao taiweza kuamini. Kpwa hivyo taaweza kumgalukira Mlungu, akaaphoza.”

Mahendo 28:27

Mana mioyo yao ikakala mifu, aziba masikiro gao, akafwinya matso gao, asedze akaona na go matso gao, akasikira na masikiro gao, akaelewa na yo mioyo yao, asedze akanigalukira, nami nikaaphoza.’ ”

Mahendo 3:19

Phahi tubuni na mgaluze mioyo yenu na kulola Mlungu ili akuusireni dambi zenu.

2 Akorintho 2:16

Kpwa atu anaookoka, hunanuka kungu nono irehayo uzima, ela kpwa atu anaoangamika, swiswi hunanuka lovu rireharo chifo. Ela ni ani awezaye kushiriki mambo higo? Takuna hata mmwenga!

Kumbukumbu 2:30

Ela Sihoni, mfalume wa Heshiboni, kayahuruhusu hutsupe kpwenye tsiiye. Mwenyezi Mlungu, Mlungu wenu, wamuhenda akale na moyo mufu na likakado, ili amutiye mwehu mikononi phamwenga na tsiiye dza irivyo sambi.

Kumbukumbu 29:3

Mwaona enye na matso genu majaribu makulu, ishara na vilinje arivyohenda.

Kumbukumbu 29:4

Ela hadi rero Mwenyezi Mlungu kadzangbwekuphani achili ya kuelewa, matso ga kuona, wala masikiro ga kusikira!

Kumbukumbu 31:20

Mana ndiphoaphirika kpwenye tsi, tsi yenye rutuba, dza vira nrivyoapira akare ao; nao achirya, achishiba na kukala vitibwatibwa, andagalukira milungu yanjina na kuihumikira. Andanibera na kuvundza chilagane changu.

Kumbukumbu 32:15

Ela mwi atu a Iziraeli mwanona, halafu mchimpiga teke Mwenyezi Mlungu. Mwatiya mwiri sana, muchikala vitibwatibwa na mchinyinyiha halafu mchimricha Mwenyezi Mlungu ariyekuumbani, mchibera Mwamba wa wokofu wenu.