Isaya 59:15 - Digo Bible

¹⁵ Kpweli taipho na iye arichaye uyi anakala muindzwa. Mwenyezi Mlungu waona kala takuna uamuli wa haki, vivyo taviyamuhamira.

Isaya 59:15 ပူးပေါင်းရင်းမြစ်များ

Mwandzo 38:10

Gaga arigogahenda kala ni mai matsoni pha Mwenyezi Mlungu, naye piya achimuolaga.

2 Samueli 11:27

Muda wa chiriro uriphosira, Daudi wahuma mutu akamrehe, achimtiya mwakpwe nyumbani, achikala mchewe na achimuvyarira mwana. Ela dzambo hiro arirorihenda Daudi ramtsukiza Mwenyezi Mlungu.

2 Afalume 9:11

Jehu ariphouya kpwa atumishi a bwanawe, mmwenga wao wamuuza, “Kuna shida yoyosi? Hiyu mutu wa koma analondani?” Jehu waajibu achiamba, “Si munammanya hiyu mutu na go gakpwe agombago?”

2 Nyakati 21:7

ela phahi Mwenyezi Mlungu kayalonda kubananga nyumba ya Daudi, kpwa sababu ya chilagane arichokala akachiika naye. Daudi kala waahidiwa kukala andahewa taa phamwenga na chivyaziche hata kare na kare.

Zaburi 5:9

Anagobisha sigo ga kpweli, maazo gao ni ga kuangamiza atu. Miro zao ni dza mbira za wazi, anahumira ndimi zao kugomba handzo.

Isaya 1:21

Lola vira ambavyo mudzi uriokala muaminifu uchivyokala dza malaya. Uho ambao kala u tele aamuli a haki, na ariosagala mumo kala ni enye haki, ela vivi ni aolagadzi!

Isaya 10:2

ili kualafya achiya haki zao na kuonera atu angu kufuta magungu vitu vyao, na kuiyira anachiya.

Isaya 29:21

Hinyo ni hara amuhendao mutu kukala mkosa na kumhehera mkosadzi hinyo nkumlafya haki mutu asiye makosa kpwa maneno ga handzo.

Isaya 32:7

Njira za mutu wa handzo ni mbii. Anapanga hila, ili aangamize achiya na agayi, kpwa kulavya ushaidi wa handzo hata napho enye analalamikira haki.

Isaya 46:12

Niphundzani mwi atu a likakado, mwimwi murio kure na kuhenda haki.

Isaya 48:1

Phundzani higa mwi atu a nyumba ya Jakobo, mwimwi muihwao na dzina ra Iziraeli, na mwimwi murio a chivyazi cha Juda. Mwimwi muapao kpwa dzina ra Mwenyezi Mlungu na kumhadza Mlungu wa Iziraeli, ela si kpwa kulunga kpweli wala haki.

Isaya 5:23

Atu arichirao enye makosa kpwa sababu ya kuhongbwa na kumlafya haki asiyekosa!

Isaya 59:4

Taphana ashitakiye kpwa haki, na taphana adziheheraye kpwa kugomba kpweli. Mnakuluphira maneno mahuphu na kugomba handzo, na kupanga njama mbii za kuhenda uyi.

Isaya 65:12

ndakuhendani muolagbwe kpwa upanga, namwi mosi mundatsindzwa, kpwa kukala nákuihani ela tamuihikire, nágomba ela tamuniphundzire. Mwahenda mai phangu matsoni, na mchitsambula mambo gasigonihamira.”

Isaya 66:4

Phahi, nami ndaarehera mapigo, ndaarehera go agaogophago. Mana nriphoiha, taphana ariyeihika, nriphogomba, taphana mutu ariyephundza. Ahenda mai phangu matsoni, go gasigonifwahira ndigo arigotsambula kugahenda.”

Jeremia 29:26

Mwenyezi Mlungu mwenye akakutsambula ukale mlavyadzi-sadaka badala ya Jehoyada, ukale muimirizi wa nyumba ya Mwenyezi Mlungu. Chila anayedzihenda wa koma na kulavya unabii undamfunga magongo maguluni na silisili singoni.

Jeremia 7:28

Nawe undaambira, ‘Riri ni taifa ambaro tarimphundzire Mwenyezi Mlungu wala kukubali kurekebishwa, kpweli yaangamika nayo taimo tsona mwao kanwani.

Sonono za Jeremia 3:36

na kufungbwa wakati taana makosa, ikale Mwenyezi Mlungu kaona gosi higo?

Hosea 9:7

Siku za kutiywa adabu zikatimu, siku za kuvuna urichophanda ikafika. Aiziraeli naagamanye gago. Nabii munamuona ni mzuzu, na mutu alongozwaye ni roho munamuamba ana koma. Kpwa sababu ya dambi zenu nyinji mkummena sana.

Amosi 5:10

Mwimwi nkummena aamuli aaminifu mo kotini, na nkutsukirirwa mashaidi agombao kpweli.

Mika 7:2

Atu aaminifu kpwa Mlungu akauswa kpwenye tsi. Takuna hata mmwenga achiyesala wa hinyo ahendao garigo sawa. Atu osi anagodza kpwa hamu aphahe nafwasi ya kuolaga, chila mmwenga anaindza myawe na nyavu.

Mariko 3:21

Atu a kpwao kaya ariphosikira, aphiya kpwendamuhala mana atu kala anaamba, “Ana koma!”

Johana 10:20

Anji agomba achiamba, “Mutu hiyu ana pepho, chisha ana koma. Mnamphundza wani?”

Johana 8:52

Phahi hara atu achimuamba, “Kpwa kpweli hivi sambi hukakumanya kala una pepho! Ichikala Burahimu mwenye wafwa na manabii piya nago gachifwa, kpwadze unaamba ndiyelunga mafundzogo kandafwa bii?

Mahendo 26:24

Kufika hipho Fesito wampigira kululu Paulo na achimuamba, “Paulo una koma? Kusomako kunji kpwakutiya koma!”

Mahendo 9:1

Wakati hinyo-hinyo, hiko Jerusalemu Sauli wazidi kutisha kuolaga afuasi a Jesu. Waphiya kpwa mlavyadzi-sadaka mkpwulu,

Mahendo 9:23

Bada ya masiku kutsapa, vilongozi a Chiyahudi ahenda njama ya kumuolaga Sauli,

Arumi 8:36

Higo nchigogomba ganagbwa sawa na Maandiko gaambavyo: “Kpwa ajiliyo hunaolagbwa chila siku kpwa kukuhumikira. Hunahendwa dza mangʼondzi ganagophirikpwa gakatsindzwe.”

2 Akorintho 5:13

Ichikala atu anahuona kama hu atu a koma si chitu kpwehu, mana hunamhumikira Mlungu. Na ichikala atu anahuona kama hu atu azima, phahi ni kpwa fwaida yenu.