Isaya 59:12 - Digo Bible

¹² Mana makosa gehu ni manji mberezo, chisha dambi zehu zinatuluza ushaidi kuuhusu, kpwa kukala huna makosa, na uyi wehu hunaumanya.

Isaya 59:12 ပူးပေါင်းရင်းမြစ်များ

Ezira 9:13

“Gaga gachigohuphaha ni kpwa sababu ya mahendo gehu mai na makosa gehu, alafu Mlungu wehu, adabu uriyohupha ni ndide kulengana na go makosa gehu garivyofwaha kutiywa adabu, chisha ukahusaza.

Ezira 9:6

Návoya nchiamba, “Ee Mlungu wangu, nina haya kuunula uso wangu mberezo, mana uyi wehu ni munji hadi ukahutsupa vitswa na makosa gehu gakazidi hadi gakafika hiko dzulu mlunguni.

Nehemia 9:33

Kahi ya gosi garigohuphaha uwe u wa haki mana wahenda uaminifu, ela swino huchihenda mai.

Zaburi 51:3

Mana namanya makosa gangu, na dambi zangu nazitambukira chila wakati.

Isaya 1:4

Shaka hiro, ro taifa renye dambi, atu ario tele uyi, atu ahendao makosa, atu amendzao kuhenda uyi! Akamricha Mwenyezi Mlungu akamʼbera Mtakatifu wa Iziraeli na kumlozera kogo.

Isaya 3:9

Nyuso zao zinashuhudiya chinyume chao, mana anahenda dambi chingʼangʼa bila kufwitsa dza Sodoma. Shaka hiro! Mana akadzirehera enye uyi.

Isaya 58:1

“Piga kululu, usiriche. Piga kululu dza tarumbeta. Atangazire atu angu makosa gao, na uambire atu a nyumba ya Jakobo dambi zao.

Isaya 64:4

Mana hangu kare, takuna ariyeona Mlungu wanjina isiphokala uwe, uhendaye mambo kpwa sababu ya aratu akugodzerao.

Jeremia 14:7

Dzagbwe dambi zehu zinashuhudiya uyi, huterye ee Mwenyezi Mlungu, kpwa ishima ya dzinaro. Mana uyi wehu ukazidi hukakuhendera dambi.

Jeremia 3:2

Unula usoo ulole mizuka ko myangoni! Kuna phatu ambapho kudzangbwedzinajisi kpwa kuabudu vizuka? Wasagala kanda-kanda za njira kugodzera azembeo dza Mwarabu atangaye-tangaye ko jangbwani. Tsi ukaitiya najisi kpwa umalayao na mahendogo mai.

Ezekieli 5:6

Ela kpwa sababu ya uyiwe, nyo mudzi ukarema shariya zangu na malagizo gangu na kuenda mai kuriko mataifa ganjina. Yani ukakahala shariya zangu na kulunga malagizo gangu.

Ezekieli 7:16

Na nyo ndiotiya andachimbirira myangoni, ambako andarira dza njiya a deteni; chila mmwenga andakala anasononekera dambize.

Ezekieli 7:23

“Tayarishani silisili kpwa kukala tsi i tele uolagadzi na mudzi ukaodzala fujo.

Hosea 4:2

Kazi yenu ni kulani, kuchenga, kuolaga, kuiya na kuzinga. Atu ahendao mambo chimabavu, hipha na hipha anaolaga ayawao.

Hosea 5:5

Kudzikarya kpwa Aiziraeli ni ushaidi kukala ana makosa, Aiziraeli na Aefuraimu andakpwala dambi zao, na atu a Juda andakpwala phamwenga nao.

Hosea 7:10

Na kudzikarya kpwa Aiziraeli ni ushaidi chinyume chao, ela phamwenga na gago, taamuuyira Mwenyezi Mlungu, Mlungu wao, wala kumuendza.

Habakuki 1:4

Kpwa sababu iyo shariya taina nguvu tsona na haki tailungbwa. Ayi akaaturya ario na haki, kpwa hivyo haki taihendeka.

Isabu 32:23

“Ela ichikala tamundahenda hivyo mundakala munahenda dambi mbere za Mwenyezi Mlungu; namwi mmanye hakika mundatiywa adabu.