Isaya 58:10 - Digo Bible

¹⁰ mchidzilavya kurisa mutu mwenye ndzala, na kutosheleza mahitaji ga mutu agayiswaye, mwanga wenu undangʼala jizani na gunjugunju yenu indakala dza dzuwa ra mutsi.

Isaya 58:10 ပူးပေါင်းရင်းမြစ်များ

Ayubu 11:17

Nago maishago gandangʼala kuriko mwanga wa mutsi, na jizare rikale dza ligundzu.

Ayubu 31:31

kalapho atu a mwangu nyumbani taadzangbweamba, ‘Ni ani ambaye kadzangbwerya chakurya cha Ayubu hata akamvuna?’

Zaburi 112:4

Hata kuchikala na jiza chisha mwanga undamungʼarira mutu ahendaye sawa, Mwenyezi Mlungu ana mbazi, huruma na haki.

Zaburi 37:6

Andahenda hakiyo ingʼale dza mwanga wa ligundzu na uamulio wa haki dza dzuwa ra lihosini.

Zaburi 41:1

Baha mutu amanyiriraye mchiya, mana Mwenyezi Mlungu andamuokola wakati wa tabu.

Misemo 14:31

Atu aonerao achiya anamlaphiza Muumba wao, ela atu aoteryao achiya anamuishimu Mlungu.

Misemo 28:27

Mutu alavyaye kpwa achiya kandaphungukirwa, ela mutu aremaye kulavya andalaniwa vyenye.

Isaya 29:18

Wakati hinyo masito andaweza kusikira maneno ga hicho chitabu na matso ga vipofu gandaona kahi za upofu na jiza.

Isaya 42:16

Nindaalongoza vipofu kpwenye njira ambazo taadzangbwezitsupira. Nindagaluza jiza rikale mwanga mbere zao, na kuhenda tsi iriyo magome-magome ikale sawa-sawa. Higa ndigo mambo ndigogahenda nami sindaaricha.

Isaya 60:2

Lola, jiza rindaifwinika dunia na chilungulungu cha jiza chindaafwinika makabila ga atu, ela Mwenyezi Mlungu andakutsembukira uwe na ngumaye indaonekana dzuluyo.

Ezekieli 18:16

Iye kaonera mutu, kahala mzamana wala kafuta atu mali zao kpwa nguvu, ela nkuapha chakuryache atu ahirikao, nkuapha nguwo ario chitsaha,

Zakariya 14:7

Kundakala mutsi kpwenderera (Siku iyo inamanywa ni Mwenyezi Mlungu). Takundakala na mutsi wala usiku kama kawaida mana hata dziloni kundakala na mwanga.

Zakariya 6:15

“Na atu ario kure andakpwedza akuteryeni kudzenga luphya yo nyumba ya kuvoya Mwenyezi Mlungu, namwi mundamanya kukala Mwenyezi Mlungu, Mlungu wa majeshi akanihuma kpwenu. Mambo gaga gandakala ichikala mundakala na chadi cha kugbwira gosi ambago Mwenyezi Mlungu, Mlungu wenu anakuambirani.”

Luka 18:22

Jesu ariphosikira hivyo, wamuamba, “Bado kuna chitu chimwenga ambacho unatakiwa uchihende. Kaguze malizo zosi na pesaze ukaaphe achiya, nawe undakala na akiba hiko mlunguni. Chisha ndzo unilunge.”

Kumbukumbu 15:4

“Taphana hata mmwenga ndiyekala mchiya kahi yenu mana kpwenye yo tsi ambayo Mwenyezi Mlungu, Mlungu wenu anakuphani ikale yenu andakujaliyani sana,