Isaya 54:17 - Digo Bible

¹⁷ Chila silaha ndiyotengezwa kukupigira, taindafwanikiwa, na chila mutu ndiyeunuka kukushitaki, undamuamula. Uhu ndio urisi wa atumishi a Mwenyezi Mlungu na haki yao ilayo kpwangu,” Mwenyezi Mlungu anaamba.

Isaya 54:17 ပူးပေါင်းရင်းမြစ်များ

Ayubu 1:11

Ela golosa mkpwonoo na ugute vyosi arivyonavyo, naye andakukufuru chingʼangʼa.”

Ayubu 2:5

Ela golosa mkpwonoo, ugute mwiriwe, naye andakukufuru chingʼangʼa.”

Ayubu 42:7

Bada ya Mwenyezi Mlungu kumuambira Ayubu maneno higa, achimuamba Elifazi kula Temani, “Uwe na nyo asenao airi mkanitsukiza, mana tamkagomba ukpweli kunihusu, dza mtumishi wangu Ayubu.

Zaburi 32:6

Kpwa hivyo chila ariye muaminifu naakuvoye wakati unaphahikana, tabu ziunukapho dza mafuriko, tazindamfikira.

Zaburi 61:5

Mana uwe, ee Mlungu, ukasikira naziri zangu, uwe ukanipha urisi wa nyo akuogophao.

Zaburi 71:16

Nindakpwedza nitangaze mahendo makulu ga Mwenyezi Mlungu, nindagomba kukala uwe macheyo ndiwe mwenye haki.

Zaburi 71:19

Na haki uriyo nayo, ee Mlungu, inafika mlunguni. Uwe ukahenda mambo makulu, ee Mlungu, ni ani ariye dza uwe?

Isaya 17:12

Phundzani mngurumo wa atu anji, anavuma dza bahari! Atu a mataifa anarira, anavuma dza madzi manji.

Isaya 26:2

Vugulani maryango ili taifa ra enye haki na ario aaminifu rimenye.

Isaya 29:8

Dza mutu ariye na ndzala alohavyo anarya, ela achivumbuluka ana ndzala au mutu mwenye chiru alohavyo ananwa madzi, ela achivumbuluka ni mnyonje na achere na chiruye. Hivyo ndivyo ndivyokala unji wa atu anjina ndiopigana na atu a mwango wa Sayuni.

Isaya 3:10

Aambire hinyo enye haki kukala mambo gao gandaaphihirato, mana andarya matunda ga mahendo gao.

Isaya 40:2

Gombani na atu a Jerusalemu kpwa upole, atangazireni kukala mateso gao gakasira, na dambi zao zikaswamehewa. Mwenyezi Mlungu waatiya adabu kano mbiri kpwa sababu ya dambi zao zosi.”

Isaya 41:11

Osi ariokutsukirirwa andagbwirwa ni waibu na kuhenda wasiwasi, ashindanao nawe andaangamika nao andakala si chitu.

Isaya 46:13

Mimi nareha haki yangu phephi, nayo taikure na wokofu wangu taundachelewa. Nindauokola mudzi wa Sayuni, kpwa sababu ya Iziraeli, nguma yangu.”

Isaya 50:8

Iye aniphaye haki yangu a phephi. Ni ani ndiyenishitaki? Adui wangu ni ani? Naadzituluze mbere hugbwirane.

Isaya 50:9

Lola, Mwenyezi Mlungu ndiye aniteryaye. Ni ani ndiyeniamba nina makosa? Lola, aho osi andariwa dza nguwo iriwavyo ni lutswa.

Isaya 51:5

Haki yangu i phephi, wokofu wangu u njirani, nami nindatawala makabila ga atu, visuwa vinanigodzera, navyo vindakuluphira nguvu zangu.

Isaya 54:15

Mutu yeyesi ndiye kushambuliya, andakala si mimi chiyehenda gago, na yeyesi ndiye kushambuliya, undamturya.

Isaya 54:16

Mimi ndimi nriyeumba mfula vyuma, akusanyiraye moho wa makala, na kutengeza silaha za chila aina, piya nchimuumba mʼbanangi ahumiraye silaha kubananga.

Isaya 58:14

Muchihenda vivyo mundaphaha furaha kahi za Mwenyezi Mlungu, nami ndakuunulani phatu pharipho dzulu kahi za tsi, nindakuhendani murye urisi wa mkare wenu Jakobo,” Mwenyezi Mlungu anaamba.

Isaya 60:21

Atuo osi andakala enye haki, nao andairisi tsi hata kare na kare. Aho ni mitse ambayo náiphanda mwenye, ni kazi ya mikono yangu, ili ionyese nguma yangu.

Isaya 61:10

Nindahamirwa sana kahi za Mwenyezi Mlungu, roho yangu indashangiliya kahi ya Mlungu wangu, mana akanibwiningiza vwazi ra wokofu, akanivwika vwazi ra haki, dza viratu bwana harusi adzipambavyo na chiremba chinono dza cha mlavyadzi-sadaka, dza bibi harusi adzipambavyo na vitu vya samani.

Jeremia 23:6

Wakati wa kutawalwakpwe, tsi ya Juda indativywa na Iziraeli indakala salama. Mfalume iye andaihwa, ‘Mwenyezi Mlungu ndiye haki yehu.’

Danieli 3:26

Phahi Nebukadineza achisengera pho phenye mryango wa chumba cha moho mkali achiiha, “Shediraka, Meshaki na Abedinego, atumishi a Mlungu Ariye Dzulu Zaidi, tulukani mo mohoni mwedze kondze,” nao achituluka.

Danieli 6:20

Ariphofika phephi, wamuiha Danieli kuno ana wasiwasi achiamba, “Ee Danieli, mtumishi wa Mlungu ariye moyo, dze, ye Mlunguo umuhumikiraye siku zosi akaweza kukutivya na nyo simba?”

Mathayo 16:18

Nami nakuamba, nindakuiha Petero. Atu ndionikuluphira, nindaahenda akale atu angu, nawe undakala ndiwe dziwe ra msingi. Na hata nguvu za kuzimu tazindaweza kurivundza kanisa rangu.

Arumi 10:4

Mana Jesu watimiza kazi za Shariya, ili yeyesi ndiyemkuluphira ahendwe kukala ana haki bila ya kulunga Shariya.

Arumi 3:22

Kumkuluphira Jesu Muokoli ndiko kumuhendako Mlungu akakubali atu kukala na haki. Nkuhenda hivyo kpwa atu osi amukuluphirao, wala kaonera mutu yeyesi.

Arumi 8:1

Sambi phahi kpwa vira Mlungu wakuunganishani na Jesu Muokoli, kakulavyani makosa tse.

1 Akorintho 1:30

Wakuunganishani na Jesu Muokoli, naye wahupha marifwa ga Mlungu mwenye. Jesu anahuhenda hukale na haki, na kpwa sababuye hwakombolwa na huchitengbwa kpwa kazi ya Mlungu.

2 Akorintho 5:21

Jesu kayahenda dambi hata chidide! Ela Mlungu wamuhenda avi kala ana dambi, ili kpwa kuungana naye ariphofwa huphahe kukala na haki ya Mlungu.

Afilipi 3:9

na nigbwirane naye ngingingi. Sina haki yangu mwenye kpwa kulunga Shariya, ela nina haki kpwa kumkuluphira Jesu. Mana Mlungu anaapha haki atu amukuluphirao.

Joshuwa 24:10

Ela siyamphundza Balaamu, kpwa hivyo iye achikujaliyani nami nchikutivyani kula mikononi mwa Balaki.

2 Petero 1:1

Baruwa hino ila kpwangu mimi Simoni, ambaye dzina ranjina ni Petero. Mimi ni mtumishi na mtume wa Jesu Masihi. Nakuandikirani mwimwi mosi munaomkuluphira Jesu dza hurivyo swiswi, na kuluphiro rehu ni ra mana kpwa sababu Jesu, Mlungu na Muokoli wehu, ni wa haki.

Maono 12:10

Chisha nchisikira sauti kulu kula mlunguni yoamba, “Vivi wokofu, nguvu, ufalume wa Mlungu wehu na mamlaka ga Masihiwe gakafika. Kpwa sababu hiye Shetani ariyekala mbere za Mlungu kushitaki atumishi ayawehu usiku na mutsi vivi sambi wazolwa hiko mlunguni.

1 Samueli 23:17

Achimuamba, “Usiogophe kpwa mana ye baba kandakuphaha. Uwe undakala mfalume wa Iziraeli nami ndakala mwanatsinio. Hata ye baba anamanya gago.”