Isaya 49:19 - Digo Bible

¹⁹ Dzagbwe wabanangbwa na kuhendwa gandzo, undaodzala atu hadi ukale kutosha, na nyo ariokubananga andakala kure.

Isaya 49:19 ပူးပေါင်းရင်းမြစ်များ

Zaburi 124:3

phahi angehumiza wakati huchere moyo, wakati kala akahutsukirirwa,

Misemo 1:12

Hundaamiza azima-azima dza kuzimu, tsona wakati achere moyo, andakala dza vira atsererao kuzimu.

Isaya 1:7

Tsi yenu ikasala bila chitu midzi yenu ikatiywa moho. Minda yenu inahalwa na kubanangbwa ni ajeni kuno enye munalola.

Isaya 3:8

Mana Jerusalemu inadedeleka na Juda ikagbwa, maneno gao na mahendo gao ga chinyume na Mwenyezi Mlungu, ganabera nguma ya Mlungu.

Isaya 49:17

Anao aredza upesi na aho ariokubananga na kukuhenda gandzo, andauka akuriche.

Isaya 49:8

Mwenyezi Mlungu anaamba hivi, “Wakati wangu uriokubalika uchifika ndakujibu, siku ya wokofu, nindakuterya. Nindakuikato nami ndakuhenda ukale chilagane cha atu aha, ili kuyiuyizato yo tsi yobanangbwa na kuauyizira enye.

Isaya 5:6

Ndauricha ukale vuwe, taundatsatsulwa wala kurimwa, undamera vikpwata na miya. Piya ndaamuru maingu gasinye mvula dzuluye.

Isaya 51:3

Mana Mwenyezi Mlungu andaphoza marenda mudzi wa Sayuni, na chila phatu phokala gandzo, na andahenda weru wa mudzi hinyo ukale dza bustani ya Edeni, na jangbware rikale dza munda wa Mwenyezi Mlungu. Atu a himo andahererwa na kuhamirwa, sauti za shukurani na kuimba zindasikirwa kula mumo.

Isaya 54:3

Mana undaenea uphande wa kulume na wa kumotso. Chivyazicho chindahala mataifa ganjina na atu andasagala kpwenye midzi iriyokala magandzo.

Jeremia 30:16

Kpwa hivyo osi akuryao andariwa na avihao osi andahalwa mateka. Ahalao zewe vituvyo, vyao navyo vindahalwa na nyo akuindzao nindaaindza.

Jeremia 51:33

Mana Mwenyezi Mlungu, Mlungu wa majeshi, Mlungu wa Iziraeli, anaamba, Ye msichana wa Babeli ni dza phatu pha kuwagira wakati phana kuvyogbwa-vyogbwa, wakati wa kuvunwakpwe ukafika.”

Jeremia 51:44

Nindamtiya adabu Beli ko Babeli, nimuhendese ahaphike vyo arivyomiza. Go mataifa ganjina tagandamlunga tsona. Kuta za Babeli zikagbwa.

Ezekieli 36:3

Phahi lavya unabii uambe, ‘Mwenyezi Mlungu anaamba hivi: Kpwa kukala amuhenda mkale wekee bila atu na kuazulumu chila uphande, ili mkale mali ya mataifa ganjina na mkale atu a kugombwa vii na kuocherwa ngulu,

Zakariya 10:10

Nindaauyiza kpwao kula tsi ya Misiri, na niakusanye kula Ashuru. Nindaareha tsi ya Giliadi na tsi ya myango ya Lebanoni mana tsi yao indakala ikaodzala taina nafwasi.

Zakariya 2:11

Siku iyo atu a tsi nyinji andakpwedza kpwa Mwenyezi Mlungu, nao andakala ni atue. Naye andasagala kahi yenu, namwi mundamanya kukala Mwenyezi Mlungu, Mlungu wa majeshi ndiye ariyenihuma.

Zakariya 2:4

achimuamba, “Phiya mairo kpwa yuya barobaro ariye na mkpwowa wa kupimira ukamuambire, ‘Jerusalemu indakala mudzi usiozungulusirwa ukuta mana undakala unasagala atu anji na mifugo minji.

Zakariya 2:8

Mana Mwenyezi Mlungu, Mlungu wa majeshi anaamba kukala iye wanihuma kpwa go mataifa ganjina garigohala zewe vitu vyenu, ili aphahe nguma. Mana iye anaamba, “Yeyesi anayekugutani mwimwi, anaguta tembe ya dzitso rangu.