Isaya 46:7 - Digo Bible

⁷ Nkuchipiga tsuritsuri akachitsukula achachiimisa phatuphe. Pho ndiphoikpwa tachiweza kuuka, na hata mutu akachiririra tachiweza kumjibu, wala kumtivya na tabuze.

Isaya 46:7 ပူးပေါင်းရင်းမြစ်များ

1 Afalume 18:26

Hinyo manabii ahala ndzau yao ariyohewa, achiitayarisha, chisha achiandza kumvoya Baali kula ligundzu hadi saa sita za mutsi kuno anaamba, “Baali, husikire!” Ela taphayatuluka sauti yoyosi, wala takuna ariyeajibu. Atina-tina kuno anavwina kuzunguluka pho phatu pha kulavira sadaka ariphophatengeza.

1 Afalume 18:29

Aenderera hivyo mutsi wosi hadi wakati wa kulavya sadaka ya dziloni. Ela takuyakala na sauti wala ariyeajibu wala ariyeajali.

1 Afalume 18:40

Alafu Elija waambira, “Agbwireni manabii osi a Baali. Musiriche hata mmwenga wao achimbire!” Phahi, atu aagbwira osi, naye Elija achiaphirika hiko muho Kishoni, achiaolaga.

Isaya 37:38

Siku mwenga wakati Senakeribu ariphokala anaabudu ndani ya nyumba ya Nisiroki mlunguwe, anae airi, Adirameleki na Sharezeri amuolaga kpwa upanga, halafu achimbira achiphiya tsi ya Ararati. Halafu mwanawe Esarihadoni achitawala badalaye.

Isaya 40:20

Ariye mchiya asiyeweza kuhumira feza au zahabu nkutsambula muhi ambao tawuola, na kuendza fundi mangungu akatengezerwa chizuka cha kutsonga, ambacho chikadiniswato na chichiimiswa tachigbwa.

Isaya 41:28

Ela nriphounula matso kahi za yo milungu, sionere hata mmwenga awezaye kulavya ushauri, wala ambaye nchimuuza swali anaweza kunijibu.

Isaya 41:29

Lola, milungu yosi ni bure, kazi yao si chitu, vizuka vyao ni dza phepho tu.”

Isaya 41:7

Fundi wa kutsonga anamtiya moyo mfuli wa zahabu na iye alainishaye vyuma na nyundo anamtiya moyo iye apigaye fulawe, na kuitogola kazi ya kugbwizanya kpwa kuamba, “Ni kazi nono.” Nao nkuchiimisa phatuphe na kuchikota misumari ndindindi ili chisisumbe.

Isaya 44:12

Mfula vyuma nkuhala chuma, chisha akahumira makala kutengeza chizuka kpwa kuhumira nyundo. Iye nkuchitengeza kpwa nguvu za mkpwonowe, naye nkusikira ndzala na akakala mnyonje na asiphonwa madzi nkufwa purungire.

Isaya 45:20

Dzikusanyeni na mwedze phamwenga mwi atu a mataifa muriosala! Aho atsukulao vizuka vyao vya kutsonga, na kuvoya milungu isiyotivya, ni azuzu.

Isaya 46:1

“Beli na Nebo, milungu ya Babeli ikazama, vizuka vyao vi dzulu ya nyama na ngʼombe. Vizuka hivyo kala mchiphiya navyo hiku na hiko, vikakala mzigo, vinaremerera nyama achioremwa.

Isaya 47:15

Hivyo ndivyo ndivyokala atu uriohenda nao kazi, hara muriohenda nao bishara hangu wanacheo, osi andakuchimbira, taphandakala na mutu wa kukutivya.”

Jeremia 10:5

Vizuka vyao ni dza dzogofyo kpwenye munda wa madzungu, vinyemere zii, chisha vihenda tsukulwa, mana taviweza kunyendeka. Msiviogophe mana taviweza kukuhenderani mambo mai wala kuhenda utu wowosi mnono.”

Jeremia 11:12

Chisha nyo atu a midzi ya Juda na Jerusalemu andaphiya akairirire yo milungu aifukizirayo uvumba, ela taindaativya ndiphophahwa ni go mashaka.

Jeremia 2:28

Kpwani yo milungu yenu mriyoitengeza enye i kuphi? Iricheni iunuke napho inaweza kukutivyani wakati wa shida! Mana dza vyo midzi yenu irivyo minji ndivyo milungu yenu, mwimwi atu a Juda.

Danieli 3:1

Mfalume Nebukadineza watengeza chizuka cha zahabu chokala na chimo cha mita mirongo miiri na sabaa, na upana wa mita tahu. Achichiimisa tsi ya kugbwa ya Dura, iriyo jimbo ra Babeli.

Jona 1:5

Hinyo mabaharia achimenywa ni wuoga sana, chila mutu achiandza kumririra mlunguwe. Achiandza kuhala mizigo na kuitsupha madzini ili iyo meli iphunguke uziho. Wakati hinyo Jona kala akatserera hiko chumba cha ndani cha tsini kabisa cha iyo meli, arere.

1 Akorintho 12:2

Mnamanya phokala tamdzangbwemanya Mlungu, mwalongozwa makosa kpwa kuabudu vizuka ambavyo tavina uhai wala uwezo wa kugomba.

1 Samueli 5:3

Atu a mudzi wa Ashidodi, aripholamuka chiti siku ya phiriye, akuta chizuka cha Dagoni chikagbwa photsi chimabumabu, mbere za sanduku ra Mwenyezi Mlungu. Achichihala achichiimisa tsona phatuphe.