Isaya 45:3 - Digo Bible

³ Nindakupha hazina zofwitswa jizani, na mali zirizofwitswa phatu pha siri, ili umanye kukala mimi, ndimi Mwenyezi Mlungu, Mlungu wa Iziraeli nikuihaye na dzinaro.

Isaya 45:3 ပူးပေါင်းရင်းမြစ်များ

2 Nyakati 6:17

Phahi, uwe Mwenyezi Mlungu wa Iziraeli, nakuvoya utimize higo gosi urigomlaga mtumishio Daudi.

Ezira 1:2

“Koreshi mfalume mkpwulu wa Pashia anaamba hivi, ‘Mwenyezi Mlungu, Mlungu ariye dzulu wanipha falume zosi za duniani. Naye akanilagiza nimdzengere nyumba ko Jerusalemu, mudzi urio tsi ya Juda.

Kutsama 33:12

Musa wamuamba Mwenyezi Mlungu, “Che uchiniambira, ‘Alongoze atu hano.’ Ela nalonda nimanye ichikala undakala phamwenga naswi ama undahuma mutu wanjina. Chisha uchiamba, ‘Ninakumanya vinono, yani namanya dzinaro, na unanihamira.’

Kutsama 33:17

Na Mwenyezi Mlungu achimuamba Musa, “Nindahenda chitu chicho ambacho ukachilonda, chisa ni nakumanya vinono na ninakumendza.”

Isaya 41:23

Navihumanyise mambo ndigokala badaye, naswi hundakubali kukala vyo vizuka ni milungu. Navihende manono au mai ili huangalale na huogophe.

Isaya 43:1

Ela vivi Mwenyezi Mlungu, ariyekuumba uwe Iziraeli, ariyekutengeza uwe Jakobo, anaamba hivi, “Usiogophe, mana nikakukombola, nikakuiha na dzinaro, uwe u wangu.

Isaya 48:15

Mimi nkamuiha na nikagomba naye, nindamreha, naye andaongokerwa kahi ya njiraze.

Isaya 49:1

Niphundzani mwi atu a visuwani, hegani masikiro mwi atu a mataifa ga kure. Mwenyezi Mlungu waniiha hangu ni ndanini mwa mayo na achinihadza dzina rangu kabila sidzangbwevyalwa.

Jeremia 41:8

Ela atu kumi kahi yao achimuamba Isimaili, “Usihuolage, mana huna nganu, shayiri, mafuha na asali ambayo hukaifwitsa ko mindani.” Phahi aho achiaricha kaaolagire.

Jeremia 50:26

Ndzoni kula chila uphande muivamie, vugulani vitsagavye. Muikeni phamwenga dza ndulu ya mtsere na mumuangamize tsetsetse, msisaze chochosi.

Jeremia 50:37

Upanga naukale chinyume cha farasie na chinyume cha magarige ga kuvwehwa ni farasi, na nyo anajeshi a chijeni ario nao, ili akale dza achetu. Upanga ukale chinyume cha hazinaze zosi, ili zihalwe zewe!

Jeremia 51:13

Uwe ukalaye kanda-kanda ya madzi manji, ambaye u tajiri, mwishoo ukafika, wakati wa kufwako ukafika.

Jeremia 51:53

Hata dzagbwe Babeli inaweza kupanda hadi mlunguni; dzagbwe inaweza kuhenda ngomeze kukala imara nindaihumira abanangi, mimi Mwenyezi Mlungu nkaamba.