Isaya 45:19 - Digo Bible

¹⁹ Sigombere chisiri-siri wala kpwenye tsi ya jiza, nisingeambira chivyazi cha Jakobo, aniendze kalapho siphahikana. Mimi Mwenyezi Mlungu nagomba kpweli, ninagomba mambo ga haki.

Isaya 45:19 ပူးပေါင်းရင်းမြစ်များ

1 Nyakati 28:8

Kpwa hivyo, matsoni pha Iziraeli osi na mbere za kusanyiko ra Mwenyezi Mlungu na hivi ambavyo Mlungu anasikira, endzani kumanya shariya zosi za Mwenyezi Mlungu, Mlungu wenu na mzilunge. Hipho ndipho mundiphoweza kumiliki tsi hino nono na kuirichira ana enu bada ya mwimwi ikale urisi wao hata kare na kare.”

2 Nyakati 15:2

naye achituluka ili akakutane na Asa, achimuambira, “Uwe Asa na atu a Juda na atu a Benjamini mosi niphundzani, Mwenyezi Mlungu a phamwenga namwi napho mundakala phamwenga naye. Mchimuendza Mwenyezi Mlungu mundamphaha, ela muchimuricha naye andakurichani.

2 Nyakati 7:14

Ichikala atu angu aihwao kpwa dzina rangu andagbwa maguluni anivoye, aniendze na ariche njira zao mbii, phahi mino ndasikira kula hiko mlunguni na ndaaswamehe dambi zao na tsi yao ndaiphoza.

Ezira 8:22

Naona waibu kumvoya ye mfalume ahuphe anajeshi na farasi ahurinde na maadui mo njirani, mana kala hukamuambira mfalume kukala, “Mwenyezi Mlungu nkurinda chila mutu amkuluphiraye, ela nkuatsukirirwa osi amrichao.”

Zaburi 12:6

Ahadi za Mwenyezi Mlungu tazina ati-ati, ni swafi dza feza ichiyotsuswa na moho kano sabaa, dza feza ichiyotsuswa kano sabaa.

Zaburi 24:6

Hivyo ndivyo chirivyo chivyazi cha atu amuendzao Mlungu, atu amuendzao Mlungu wa Jakobo.

Zaburi 69:13

Ela mino nakuvoya uwe ee Mwenyezi Mlungu, kahi za wakati unaoukubali uwe, ee Mwenyezi Mlungu, kahi za mendzwayo isiyosika, nijibu uniterye kpwa uaminifuo.

Zaburi 69:32

Hinyo anaoonerwa na aone na akale na raha, nao anaomuishimu Mlungu, mioyo yao indaphaha nguvu.

Zaburi 78:34

Chila ariphoaolaga, hinyo ariosala amuendza Mlungu, atubu achimuendza Mlungu kpwa chadi.

Zaburi 9:10

Osi anaokumanya nkukukuluphira, mana uwe ee Mwenyezi Mlungu, kumricha yeyesi anayekuendza.

Misemo 1:21

inaiha phatu phenye atu anji, inatangaza kpwenye maryango ga mudzi,

Misemo 15:8

Sadaka za atu ayi ni tsukizo kpwa Mwenyezi Mlungu, ela nkufwahirwa ni mavoyo ga enye haki.

Misemo 30:5

Chila neno ra Mlungu ni ra kuaminika, Iye ni ngao kpwa hara amzorerao kudzitivya.

Misemo 8:6

Niphundzani mana nigombaro ni dzambo muhimu na mwangu mromoni munatuluka mambo ga haki.

Isaya 1:15

Ndiphounula mikono yenu kunivoya, nindalola kanda. Hata mkavoya mavoyo manji sindakuphundzani mana mikono yenu i tele milatso.

Isaya 43:12

Nátangaza, nchitivya na nchionyesa, na taphakarire na mlungu wa chijeni kahi-kahi yenu.” Mwenyezi Mlungu anaamba, “Mwimwi mu mashaidi angu, kukala mimi ndimi Mlungu.

Isaya 44:8

Msiogophe wala msihende wasiwasi, kpwani siyakuambirani pho kare na kugatangaza? Mwimwi mu mashaidi angu! Dze, kuna Mlungu wanjina badala yangu? Kpwa kpweli simanya Mwamba wanjina.”

Isaya 45:23

Naapa kpwa dzina rangu, neno riri ratuluka mwangu kanwani kahi za haki naro tarindagbwa photsi, chila mutu andachita mavwindi mbere zangu, na chila lilimi rindaapa kpwa dzina rangu.

Isaya 45:25

Chivyazi chosi cha Iziraeli chindakala cha enye haki nao andamtogola Mwenyezi Mlungu.”

Isaya 48:16

Nisengererani musikize maneno gaga kula mwandzo sigombere chisiri-siri, kula wakati gariphohendeka nákala phapho.” Na vivi Mwenyezi Mlungu na Rohowe akanihuma.

Isaya 63:1

Ni ani yuno edzaye kula Edomu alaye Bosira, ambaye mavwazige gana mabara ga kundu? Ni ani yuno achiyevwala mavwazi ga nguma, anyendekaye kpwa nguvu? “Ni mimi nigombaye haki, mwenye nguvu za kutivya.”

Isaya 65:9

Nindaareha atu a chivyazi cha Jakobo, a mbari ya Juda, atu angu nrioatsambula, arisi tsi ihi ya myango yangu, nao andakala atumishi angu.

Isaya 8:19

Atu andakuambirani mkauze ushauri koma na atsai agombao dza kurira kpwa nyama a mapha na kugomba pokopoko. Dze, si atu analondwa auze ushauri Mlungu wao? Kpwa utu wani atu ario moyo auze mikoma ushauri?

Jeremia 2:31

Phahi mwimwi a chivyazi chichi, rigbwireni neno ra Mwenyezi Mlungu. Dze, mino nkakala weru kpwa Iziraeli? Ama tsi ya chilungulungu cha jiza? Kpwa utu wani atu angu anaamba, ‘Swiswi u huru; swiswi tahundauya kpwako tsona?’

Amosi 5:4

Kpwa mana Mwenyezi Mlungu anaambira atu a Iziraeli, “Niendzani namwi mundakala moyo.

Johana 18:20

Jesu achimuamba, “Chila wakati kala nchifundza atu chingʼangʼa masinagogini na ndani ya Nyumba ya Kuvoya Mlungu, ambako Ayahudi osi nkukusanyika. Nami siyagomba chochosi chisiri.

Johana 7:26

Hiyu anafundza chingʼangʼa na taphana hata chilongozi mmwenga agombaye chochosi kumuhusu. Nyo vilongozi akale taamanya kukala hiyu ndiye Yetsambulwa ni Mlungu Kuokola Atu?

Johana 7:28

Phahi Jesu ariphokala acherefundza himo Nyumba ya Kuvoya Mlungu, wagomba achiamba, “Mnanimanya na hata kura nilako. Mimi sedzere kpwa uwezo wangu! Ela iye yenihuma ni wa kpweli, namwi tamummanya.

Kumbukumbu 29:29

“Mambo ga siri ni ga Mwenyezi Mlungu, Mlungu wehu, ela gara ambago gakaikpwa wazi ni gehu na ana ehu hata kare na kare, ili hugbwire maneno gosi ga shariya hino.”

Kumbukumbu 32:4

Iye ndiye Mwamba, kazize ni kamilifu, njiraze zosi ni za haki. Iye ni Mlungu muaminifu asiyekala na kosa, Iye anahenda mambo ga sawa na ga haki.

Jakobo 4:3

Na hata mchivoya piya tamphaha, kpwa sababu tamuvoya na nia nono, tsona munavoya vitu ambavyo ni vya kukustareheshani mwi enye.