25 Ndimi niikaye wazi handzo ra manabii a handzo, na kuahenda apigi a mburuga aonekane azuzu, nigaluzaye marifwa ga enye ikima na kugahenda gakale uzuzu.
Naye Ahithofeli ariphoona kukala mashaurige tagakalungbwa, wapanda pundawe achiuka, achiphiya kpwakpwe kaya hiko kpwao mudzini. Bada ya kuika sawa mambo ga mwakpwe nyumbani, wadzisongola na achizikpwa phao vikurani.
Na siku iyo viha vyazidi kukala vikali, naye mfalume wa Iziraeli achidzisika-sika ndani ya garire ra kuvwehwa ni farasi, kulola nyo Aaramu hadi dziloni. Dzuwa ririphokala rinatswa achifwa.
Kpwa sababu iyo ndahenda tsona kazi ya kuangalaza kahi ya atu aha. Nindahenda kazi ya kuangalaza na vilinje. Ikima ya enye ikima indaangamika na kumanya kpwa atu a kpwao amanyao, kundafwitswa.”
Ela kuhusu Edomu, Mwenyezi Mlungu, Mlungu wa majeshi anaamba, “Dze takuna ikima ko Temani? Dze, nyo enye ikima akaangamikpwa ni ushauri? Dze, ikima ikaaukira tsetsetse?
Nindaalewesa vilongozie na atue enye ikima, maliwalie, akulue a jeshi na anajeshie; andalala tsetsetse na taandalamuka, mfalume anaamba, ambaye dzinare ni Mwenyezi Mlungu, Mlungu wa majeshi.”
Phahi utu wowosi arioauza, ikale ni ikima au kumanya mambo, iye waaona kukala anafwaha kano kumi kushinda aganga na apigi a mburuga osi ariokala kpwenye ufalumewe wosi.
Siku za kutiywa adabu zikatimu, siku za kuvuna urichophanda ikafika. Aiziraeli naagamanye gago. Nabii munamuona ni mzuzu, na mutu alongozwaye ni roho munamuamba ana koma. Kpwa sababu ya dambi zenu nyinji mkummena sana.
Kuvoya vizuka kpwaapha atu maneno ga handzo, na apigi a mburuga aona ruwiya za kuchenga. Alavyao mana ya ndoso, agomba ga handzo, aho nkuaphoza atu mioyo bure. Kpwa hivyo nyo atu anadengereka dza mangʼondzi, anagaya kpwa kukosa mrisa.