Isaya 44:18 - Digo Bible

¹⁸ Taamanya chisha taaelewa, mana akazibwa matso ili asione na achili zao zikafwinikpwa asingʼarirwe.

Isaya 44:18 ပူးပေါင်းရင်းမြစ်များ

Zaburi 81:12

Kpwa hivyo nchiarichira alunge mioyo yao mifu, alunge mashauri gao enye.

Zaburi 92:6

Hiri ni dzambo ambaro mzuzu kaweza kurimanya, mjinga kaweza kurielewa.

Misemo 28:5

Atu ayi taaelewa haki, ela atu amuogophao Mwenyezi Mlungu anaielewa chikamilifu.

Isaya 1:3

Ndzau inamanya anayeifuga na punda anamanya chidau atiirwacho chakurya ni ye amfugaye, ela Aiziraeli taamanya, atu angu taaelewa.”

Isaya 26:11

Uwe Mwenyezi Mlungu ukaaunurira mkpwonoo ili uatiye adabu, ela taauona. Ariche aone vira unavyoamendza atuo na agbwirwe ni haya. Moho urioikira maaduigo nauaoche.

Isaya 27:11

Pandaze ndizouma zindavundzwa, achetu andazihala azihende kuni. Kpwa kpweli atu hano taaelewa, kpwa hivyo muumba wao kandaaonera mbazi wala kuaswamehe.

Isaya 29:10

Mana mwimwi manabii, Mwenyezi Mlungu akakutiyani roho ya usingizi. Akakufungani matso, mwi manabii na kubwiningiza vitswa vyenu, mwi aonadzi.

Isaya 44:19

Taphana aazaye wala ariye na marifwa au kungʼarirwa, aambaye, “Seemu ya nyo muhi nkaioha moho na nkaiochera mikahe, seemu yanjina nkaiochera nyama nkarya. Dze, yo seemu isereyo inaweza kukala mlungu? Nawezadze kuabudu chipande cha muhi?

Isaya 44:20

Iye nkurya ivu na moyowe uchiochengeka nikumuangamiza, asiweze kutivya rohoye au kuamba, ‘Rino ririro mkpwono wangu wa kulume si handzo?’ ”

Isaya 44:9

Osi atengezao vizuka si chitu, chisha vyo vitu viafwahiravyo tavina fwaida yoyosi, na nyo avivoyao, ni vipofu chisha taamanya, nao andatiywa waibu.

Isaya 45:20

Dzikusanyeni na mwedze phamwenga mwi atu a mataifa muriosala! Aho atsukulao vizuka vyao vya kutsonga, na kuvoya milungu isiyotivya, ni azuzu.

Isaya 56:11

Aho ni dza madiya matoni, ambago tagamvuna. Aho ni dza arisa asioelewa. Osi akagaluka na kulunga njira zao enye, na chila mmwenga anadziendzera fwaidaye mwenye.

Jeremia 10:14

Chila mutu ni mzuzu na kana amanyaro, chila mfuli wa zahabu nkutiywa waibu ni vizukavye, mana vizukavye ni vya handzo, navyo tavisoha.

Jeremia 10:8

Takuna rorosi ra kudzifundza kula kpwa milungu yao, mana milungu iyo ni mihi tu,

Jeremia 5:21

Vivi phundzani mwi azuzu na akuphupha, murio na matso ela tamuona, murio na masikiro ela tamphundza.

Jeremia 51:17

Chila mutu ni mzuzu na kana amanyaro, chila mfuli wa zahabu nkutiywa waibu ni vizukavye, mana vizukavye ni vya handzo, navyo taviphuma.

Ezekieli 12:2

“Mwanadamu, uwe unasagala na atu aasi. Atu aha ana matso ela taaona, ana masikiro ela taasikira; mana ni aasi.

Danieli 12:10

Atu anji andatsuswa, ahendwe asikale na ila na atakaswe, ela atu ayi andaenderera kuhenda uyi. Nyo atu ayi taandaelewa, ela nyo a ikima andaelewa.

Hosea 14:9

Mutu yeyesi ariye na ikima naaelewe, na hiye awezaye kutambuwa naamanye maneno gaga, mana njira za Mwenyezi Mlungu ni za haki, na enye haki andazilunga, ela aasi andakpwala agbwe mo njirani.

Mathayo 12:34

Mwi ana a nyoka! Mnawezadze kugomba manono ichikala mwi enye mu ayi? Mana mutu nkugomba gachigoodzala mwakpwe moyoni.

Johana 5:44

Mnamendza kutogolwa ni ayawenu, ela tamlonda kuphaha nguma kula kpwa Mlungu mwenye. Vyo kpweli mundaweza kunikuluphira mino?

Johana 8:43

Mwimwi tamuelewa nagokuambirani, mana tamlonda kusikira maneno gangu!

Mahendo 14:16

Wakati wa nyuma Mlungu waricha chila taifa ranjina rilunge mamboge,

Arumi 1:28

Tsona, atu hinyo arema ilimu ya kpweli kuhusu Mlungu, ndipho naye Mlungu achiaricha alunge maazo gao mai. Nao achihenda mambo ambago tagafwaha kuhendwa.

2 Petero 2:14

Atu aha achiona mchetu nkumuaza, na tamaa yao ya kuzinga taisira. Nkurusa atu ambao taadinire chiroho na chila wakati achili zao nkufikiriya kuphaha pesa. Phahi atu aha analaniwa ni Mlungu.