Isaya 43:17 - Digo Bible

¹⁷ yeangamiza magari ga kuvwehwa ni farasi, farasi na majeshi genye uwezo, gachigbwa na tagawezere kuunuka tsona, gachiangamika na kuzimwa dza utambi:

Isaya 43:17 ပူးပေါင်းရင်းမြစ်များ

Zaburi 118:12

Ganizunguluka dza nyuchi ela gachiphya mara mwenga dza moho wa miya, kpwa dzina ra Mwenyezi Mlungu nchigaangamiza.

Kutsama 15:19

Aiziraeli avyoga tsi kavu pho kahi-kahi ya bahari hata achivuka. Ela farasi a Farao, magarige ga kuvwehwa ni farasi na aphirikie, ariphokala kahi-kahi ya bahari, Mwenyezi Mlungu wauyiza madzi ga bahari gachiabwiningiza.

Kutsama 15:4

Magari ga kuvwehwa ni farasi ga Farao na anajeshie akaahosa baharini. Akulu a jeshi a kumanyikana vihani akafwa madzi Bahari ya Shamu.

Isaya 1:31

Ariye na mkpwotse andakala kana pephe dza mabuwa, na kaziye indakala dza tsetse ya moho, osi andaphya phamwenga, wala taphandakala na wa kuzimya moho hinyo.

Jeremia 51:21

Kuhumira uwe, nkuvundza-vundza farasi na mpandadzi-farasi, na kpwa uwe, nkuvundza-vundza magari ga kuvwehwa ni farasi na nyo agaphirikao.

Ezekieli 38:4

Ndakugaluza na nkutiye viloo vya ndzeya, nami ndakulongoza utuluke na jeshiro rosi, farasi na aphirikie osi ariovwala chijeshi, borori kulu ra anajeshi, kuno osi akagbwira ngao kulu na ndide na ni hodari kpwa kuhumira panga.

Mathayo 12:20

Mwandzi uchiochetuka, kandauvundza. Na taa itakayo kufwa, kandaizimya, naye andaenderera vivyo hadi ndiphohenda haki itawale;

Aamuli 4:16

Ela Baraka achizorera ro jeshi na magari ga kuvwehwa ni farasi hadi Haroshethi-Hagoimu, naye achiaolaga anajeshi osi a Sisera kpwa upanga, napho taphayasala hata mutu mmwenga.