Ni ani yuya edzaye kula weruni, achiyegadzamira wendewe? Phapho kolo ya mtofaa nakulamusa, phapho ambapho mayoo wakala na utsungu wa kudzivugula, phapho ambapho mayoo wakuvyala.
Mwenyezi Mlungu, Mtakatifu wa Iziraeli anaamba, “Mundativywa ichikala mundatubu makosa genu na kuhurira. Kuhurira na kukuluphira ndiyo nguvu yenu,” ela tamyakubali.
Nyamalani mnisikize mwi atu a visuwani, atu a mataifa ni adzitiye nguvu nyiphya, aricheni asengere edze agombe, na hukusanyikeni phamwenga phapho phatu pha uamuli.
Wakala dza kozi anayetsamula chidzumbache, na kuuruka phephi na vidzanavye. Chisha achiandzula maphage ili kuvigbwira, na kuvitsukula dzulu ya maphage.
Hangu wakati uho hadi rero nchere na mkpwotse dza yo siku ambayo Musa wanihuma. Hata vivi nina mkpwotse wa kuweza kupigana viha au kuhenda kazi yanjina yoyosi.
Ela Mlungu wamupha yuya mchetu mapha mairi dza ga dzikozi, ili aurukire kuphiya ko weruni kpwatu ambako Mlungu kala akamtengezera, akakale kure na dzoka. Kuko kala andatundzwa kpwa zo siku elufu mwenga magana mairi na mirongo sita.