Isaya 40:26 - Digo Bible

²⁶ Unulani matso genu mlole ko dzulu, ni ani ariyeumba zo nyenyezi mzionazo? Iye azilongozaye dza jeshi na kuzimanya isabuye, aziihaye zosi, chila mwenga na dzinare. Kpwa kukala ana nguvu nyinji, na uwezo mkpwulu, taphana hata mwenga isiyokalapho.

Isaya 40:26 ပူးပေါင်းရင်းမြစ်များ

Mwandzo 1:14

Mlungu achiamba, “Nakukale na mianga ko mlunguni iganye mutsi na usiku ionyese ishara ya minga, siku na miaka,

Mwandzo 1:16

Mlungu achitengeza mianga miiri mikulu. Dzuwa riale mutsi na mwezi uale usiku, na chisha achitengeza nyenyezi.

Zaburi 102:25

Pho kare, uwe waika misingi ya dunia, na ko mlunguni ni kazi ya mikonoyo.

Zaburi 119:91

Viumbe vyosi vi phapha rero kpwa shariyayo, mana vitu vyosi vinakuhumikira uwe.

Zaburi 121:1

Naunula matso gangu kulola vidzangoni. Ndipho nchidziuza msada wangu undalaphi?

Zaburi 19:1

Ko mlunguni kunatangaza utukufu wa Mlungu na dzulu kunaonyesa kazi ya mikonoye.

Zaburi 66:3

Muambireni Mlungu, “Mahendogo ni ga ajabu sana! Uwezoo ni mkpwulu chiasi cha kuhenda maaduigo gadzikundze kpwa wuoga.

Isaya 34:16

Endzani kpwenye chitabu cha Mwenyezi Mlungu mundaona phatu phakaandikpwa hivi, “Taphana hata mmwenga wa hinya ndiyekosa kukalapho, chila mmwenga andakala na myawe. Mana Mwenyezi Mlungu akaamuru ikale hivyo, na akaakusanya kpwa uwezo wa Rohowe.”

Isaya 42:5

Mwenyezi Mlungu, ariyeumba mlunguni na achikutandaza, ariyetandaza tsi na mavunoge, aaphaye pumuzi atu a tsi, aaphaye uhai aho aishio mumo ndiye aambaye hivi:

Isaya 44:24

Mwenyezi Mlungu mkombolio, ariyekuumba ndanini mwa mayoo, anaamba hivi, “Mimi, ndimi Mwenyezi Mlungu niriyeumba vitu vyosi, ni ani ariyekala phamwenga nami nriphohenda hivyo? mimi machiyangu ndimi niriyetandaza mlunguni na tsi.

Isaya 45:12

Ni mimi nriyeumba dunia na nchimuumba mwanadamu dzuluye. Mikono yangu ndiyo iriyotandaza ko mlunguni, na nchilagiza kukale nyenyezi ko mlunguni.

Isaya 45:7

Mimi ndiye niumbaye mwanga na jiza, ndimi nirehaye kuongokerwa na mashaka. Mimi, ndimi Mwenyezi Mlungu nigahendaye gaga gosi.

Isaya 48:12

Niphundza uwe, Jakobo, Niphundza uwe Iziraeli nriyekuiha! Mimi ndimi iye, mimi ndimi wa kpwandza na ndimi wa mwisho.

Isaya 48:13

Mkpwono wangu ndio urioika msingi wa dunia, na mkpwono wangu wa kulume uchitandaza ko mlunguni, ninaphoziamurisha nyenyezi, nkudzikusanya phamwenga.

Isaya 51:6

Unulani matso genu mlole mlunguni, na mlole dunia mana mlunguni kundatsamuka dza mosi, tsi indatsakala dza nguwo, na aho asagalao mumo andafwa dza maindzi. Ela wokofu wangu undakala wa kare na kare, na haki yangu taindasira bii.

Isaya 66:2

Vitu vivi vyosi navitengeza na mkpwono wangu, navyo vichikala,” Mwenyezi Mlungu anaamba. Nkuhamirwa ni hara adzitserezao na kutubu, aniogophao na kunitii.

Kumbukumbu 4:19

Dzimanyirireni ndipholola mlunguni na kuona dzuwa, mwezi, nyenyezi na vitu vyosi, sedze mkaaza kuviabudu na kuvihumikira. Vitu hivyo Mwenyezi Mlungu, Mlunguo akavirichira atu anjina osi duniani.