Isaya 40:15 - Digo Bible

¹⁵ Lola, mataifa ganjina ni dza tone ra madzi ndani ya ndoo, ambago ni dza vumbi dzembamba kpwenye mizani. Iye nkuunula visuwa avi ni vumbi dzembamba.

Isaya 40:15 ပူးပေါင်းရင်းမြစ်များ

Mwandzo 10:5

Hinyo ndio akarengbwa a atu ariomwagikana seemu za pwani. Huno ni uvyazi wa Jafeti ariokala chila atu na tsi yao na makabila gao na mbari zao.

Zaburi 62:10

Msiadamire kuonera atu, sihendeni ngulu na mali ya wiivi, napho utajiri ukaenjerezeka msiuadamire.

Zaburi 62:9

Anadamu osi ni dza mseho, osi avyere kpwa adide, taafwaha chitu. Tsona uchiapima mkpwotse wao taufika hata kilo mwenga, osi phamwenga achipimwa mkpwotse wao taufika hata wa pumuzi.

Isaya 11:11

Siku iyo Mwenyezi Mlungu andagolosa mkpwonowe aauyize hinyo atue achache ariosala. Atu ndiosala kula Ashuru, Misiri, Pathirosi, Kushi, Elamu, Shinari, Hamathi na kula visuwani na pwani za kure.

Isaya 17:13

Dzagbwe atu a mataifa ganjina ananguruma dza mvumo wa madzi manji, achiademurira aho nkuchimbira kure kpwenye dza maphephe garigo mwangoni gaphepheruswavyo ni phepho na vumbi riunulwavyo dzulu ni phuto.

Isaya 2:22

Usimkuluphire mwanadamu, ambaye si chochosi dza pumuzi. Vino mwanadamu andakuterya na utu wani?

Isaya 29:5

Ela maaduigo gandakala manji dza vumbi, hinyo atu jaili andakala dza maphephe gaphepheruswago. Gafula bila kutarajiya,

Isaya 40:22

Iye ndiye asagalaye dzulu ya mviringo wa dunia, na nyo asagalao mumo ni dza mabandzi, iye ndiye atandazaye ko dzulu mlunguni dza paziya, na kukukudula dza hema ra kusagala atu.

Isaya 41:5

Atu a visuwani akaona na akaogopha, atu a pembe zosi za dunia andakakama, hinyo anasengera, aredza.

Isaya 59:18

Andariphiza maaduige kulengana na mahendo gao, andaatsukirirwa nyo ampingao, naye andariphiza maaduige hadi garigo pembe za dunia.

Isaya 66:19

“Nindaika ishara yangu kahi-kahi yao, chisha nindahuma anjina aho ariotiya kula mataifa gaga aphiye Tarishishi, Puli na Ludi (anajeshi ahumirao maha) na Tubali na Javani, na visuwa vya kure ambavyo tavidzangbwesikira togo zangu au kuona nguma yangu. Nao andatangaza nguma yangu kahi ya mataifa.

Jeremia 10:10

Ela ye Mwenyezi Mlungu ndiye Mlungu wa kpweli, Iye ndiye Mlungu ariye moyo na ndiye mtawala wa kare na kare. Achitsukirwa, tsi nkusumba na mataifa ganjina tagaweza kuvumirira tsukizize.

Danieli 11:18

Chisha andagalukira tsi za pwani, na nyinji andaziteka. Ela mkpwulu wa jeshi ra chijeni andakomesa ko kudzikaryakpwe na amuhende ye mfalume wa vurini auye kpwao kpwa waibu.

Danieli 4:32

Undazolwa uphiye kure na anadamu nawe undaishi na nyama a tsakani. Undarya nyasi dza ngʼombe kpwa miaka sabaa hadi umanye kukala iye Ariye Dzulu anatawala falume zosi za anadamu, na nkumupha utawala mutu amlondaye.”

Danieli 4:35

Osi asagalao duniani taaonewa dza chitu, naye nkuhenda amendzavyo kahi ya viumbe vya mlunguni na kahi ya viumbe vya duniani. Taphana awezaye kumpinga wala kumuuza, “Ukahendani?”

Zefania 2:11

Mwenyezi Mlungu andaaogofyera, mana andabananga-bananga milungu yosi kpwenye yo tsi, na atu a pwani zosi andamsujudiya kuko kpwenye tsi zao.