Isaya 38:15 - Digo Bible

¹⁵ Vivi sina ra kugomba; Iye wagomba nami, na iye mwenye akahenda higa. Siphaha usingizi tsona, kpwa sababu maisha gangu gakaodzala utsungu.

Isaya 38:15 ပူးပေါင်းရင်းမြစ်များ

1 Afalume 21:27

Ela, Ahabu ariphosikira maneno higo, wakpwanyula nguwoze, achivwala gunia na achifunga. Kala analala na magunia na kuphiya hiku na hiku na sonono.

2 Afalume 4:27

Ariphofika kpwenye mwango kpwa mutu wa Mlungu, wamgbwira magulu, naye Gehazi wamsengerera kusudi amuuse. Ela mutu wa Mlungu wamuambira; “Mriche, mana ana sonono sana, naye Mwenyezi Mlungu kakanimanyisa dzambo hiro.”

Ezira 9:10

“Haya vino huambedze Mlungu wehu bada ya gano? Mana hukaricha malagizogo

Ayubu 10:1

Ninabera maisha gangu, kulalama kpwangu ndakugomba chingʼangʼa, ndagomba utsungu wangu wosi wa moyoni.

Ayubu 21:25

Wanjina nkufwa na fundo ra moyo, wakati bado kadzangbwetata manono gogosi.

Ayubu 7:11

Kpwa hivyo sindanyamala, nindagomba dzagbwe roho yangu inarumira, nindalalamika kpwa sonono ya rohoni.

Zaburi 116:1

Nammendza Mwenyezi Mlungu, kpwa sababu anasikira chiriro changu na mavoyo gangu.

Misemo 31:6

Muphe uchi mutu ambaye ana shida nyinji mphirikire uchi mutu ambaye ana sonono ya moyo.

Isaya 38:17

Kpwa kpweli kala nateseka kpwa fwaida yangu Ukanitivya na kaburi kpwa mendzwayo kpwa kukala ukaniswamehe dambi zangu.

Johana 12:27

“Hipha sambi roho yangu inasikira utsungu, tsona simanya niambedze. Niambe, ‘Baba, niokola na higo garigo mbere yangu?’ Hata, siweza kuhenda hivyo mana nákpwedza duniani kpwa sababu ya gago.

Joshuwa 7:8

Ee! Mwenyezi Mlungu, hata simanya niambedze ichikala Aiziraeli akachimbira maadui gao!

1 Samueli 1:10

Hana kala ana sonono sana mwakpwe moyoni, achimvoya Mwenyezi Mlungu kuno anarira sana.