Isaya 34:5 - Digo Bible

⁵ Bada ya upanga wa Mwenyezi Mlungu kuhenda alondavyo hiko dzulu mlunguni, undatserera hadi Edomu, taifa ambaro Mwenyezi Mlungu akapanga kuriangamiza tsetsetse.

Isaya 34:5 ပူးပေါင်းရင်းမြစ်များ

Zaburi 137:7

Ee Mwenyezi Mlungu usiyale vira Aedomu arivyohenda siku Jerusalemu iriphohalwa mateka, hinyo aamba, “Ibomoleni, ibomoleni hata misingiye!”

Zaburi 17:13

Unuka Mwenyezi Mlungu! Pingana nao uashinde! Nitivya na atu ayi kpwa upangao.

Isaya 21:11

Ruwiya kuhusu Duma. Kuna mutu ananiririra ko Seiri, anaamba, “We mrindzi, ni usiku wa saa ngaphi? We mrindzi bado masaa mangaphi kuche?”

Isaya 24:6

Ndiyo mana dunia ikalaniwa, na hinyo aisagalao anagaya kpwa makosa gao. Ndiyo mana atu aisagalao dunia akafwa achiosala ni achache tu.

Isaya 43:28

Kpwa hivyo, nindaahenda akulu a phatu phatakatifu akale najisi, na nindamuhenda Iziraeli aangamizwe, na Jakobo, afyorerwe.”

Isaya 63:1

Ni ani yuno edzaye kula Edomu alaye Bosira, ambaye mavwazige gana mabara ga kundu? Ni ani yuno achiyevwala mavwazi ga nguma, anyendekaye kpwa nguvu? “Ni mimi nigombaye haki, mwenye nguvu za kutivya.”

Isaya 65:12

ndakuhendani muolagbwe kpwa upanga, namwi mosi mundatsindzwa, kpwa kukala nákuihani ela tamuihikire, nágomba ela tamuniphundzire. Mwahenda mai phangu matsoni, na mchitsambula mambo gasigonihamira.”

Jeremia 46:10

Ela siku iyo ni siku ya Mwenyezi Mlungu, Mlungu wa majeshi ni siku ya kuriphiza chisasi avihae. Upangawe undarya hadi umvune, undanwa mlatso wao hadi ukolwe. Mana ye Mwenyezi Mlungu, Mlungu wa majeshi andalavya sadaka kuko tsi ya vurini kanda-kanda ya muho Yufurati.

Jeremia 47:6

Munarira ‘upanga wa Mwenyezi Mlungu vino undaoya rini? Uya mwako chowani, ukahurire na kunyamala!’

Ezekieli 32:29

“Atu a Edomu akuko, mfalumewe na akulu ao osi azikpwa phamwenga na hara arioolagbwa na upanga dzagbwe kala ana mkpwotse. Alala phamwenga na hara asiotiywa tsatsani, atsererao mbirani.

Ezekieli 35:1

Mwenyezi Mlungu wagomba nami achiamba,

Ezekieli 35:15

Dza urivyohererwa wakati Iziraeli iriphohendwa wekee bila atu, ndivyo ndivyokuhendera uwe. Uwe undakala wekee, uwe mwango Seiri na tsi yosi ya Edomu. Phahi atu andamanya kukala mimi, ndimi Mwenyezi Mlungu.’ ”

Ezekieli 35:8

Myangoyo ndaiodzaza atu arioolagbwa. Aho arioolagbwa na upanga andagbwa mo mwako vidzangoni, madeteni na mwako vidzuhoni.

Ezekieli 36:5

Kpwa hivyo, Mwenyezi Mlungu anaamba hivi: Kpwa wivu wangu munji nagomba chinyume cha mataifa ganjina na chinyume cha Edomu yosi, ahenda tsi yangu ikale yao kpwa kuhererwa na chibero mwao mioyoni ili seemuze za marisa azihale zewe.’

Zefania 1:7

Nyamalani mbere za Mwenyezi Mlungu, kpwa kukala siku ya Mwenyezi Mlungu i phephi. Mwenyezi Mlungu akatayarisha sadaka na arioaalika akaatakasa.

Zefania 2:12

Mwenyezi Mlungu anaamba, “Piya mwimwi atu a Kushi mundaolagbwa na upanga wangu.”

Malaki 1:4

Aedomu ambao ndio mbari ya Esau anaamba, “Dzagbwe hwapigbwa na midzi yehu ichibomolwa, hundauya tsona hwedze hugadzenge luphya higo magandzo gehu.” Ela hiye Mwenyezi Mlungu, Mlungu wa majeshi anaamba, “Hata akadzenga tsona, chisha mino ndabomola hadi iyo tsi yao iihwe ‘tsi ya uyi’ na hinyo enye, aihwe ‘atu arioreyerwa ni Mwenyezi Mlungu hata kare na kare.’

Mathayo 25:41

“Chisha nindaambira hara ario uphande wa kumotso, ‘Ukani mbere zangu mwimwi muriolaniwa! Phiyani moho wa kare na kare uriotengezerwa Shetani na malaikae.

1 Akorintho 16:22

Mutu yeyesi asiyemmendza Bwana Jesu, naalaniwe. Bwana wehu, nakuvoya wedze!

Agalatia 3:10

Atu osi akuluphirao Shariya ana lana, mana Maandiko ganaamba, “Mutu yeyesi ambaye kandalunga na kuhenda chila chitu choandikpwa ndani ya Chitabu cha Shariya, ana lana!”

Kumbukumbu 32:14

Mlungu waapha siagi na maziya kula kpwa mbuzi na mangʼondzi, marunya ga ana ngʼondzi na maturume, na mbuzi kula Bashani. Waapha mtsere nono kabisa na achinwa uchi mnono wa zabibu.

2 Petero 2:14

Atu aha achiona mchetu nkumuaza, na tamaa yao ya kuzinga taisira. Nkurusa atu ambao taadinire chiroho na chila wakati achili zao nkufikiriya kuphaha pesa. Phahi atu aha analaniwa ni Mlungu.

Maono 1:16

Tsona kala ana nyenyezi sabaa mkpwono wa kulume. Mwakpwe mromoni kala mchituluka upanga wa kurya sana, chisha wa maso kosi-kosi. Usowe kala unangʼala dza viratu dzuwa kali.