Isaya 33:14 - Digo Bible

¹⁴ Enye dambi ario mwango Sayuni anakakama kpwa wuoga, nao anauza, “Hundasagaladze phatu pharipho na moho mkali, moho usioricha kuaka?”

Isaya 33:14 ပူးပေါင်းရင်းမြစ်များ

Ayubu 18:11

Vitisho vindamtiya wuoga chila uphande, navyo vindamzoresa lunyolunyo.

Zaburi 11:6

Iye andamwagira atu ayi makala ga moho na chibiriti avi ni mvula, andaatiya adabu na phuto ra dzoho kali.

Zaburi 21:9

Hipho ndiphotsembuka andaangamiza dza moho mkali. Mwenyezi Mlungu andaangamiza kpwa tsukizize na moho undaocha tsetsetse!

Zaburi 50:3

Mlungu aredza na kakala zii, mbereze kuna moho mkali na phuto kali rikamzunguluka.

Zaburi 53:5

Aho andainjirwa ni wuoga ambao taadzangbweuona! Mana Mlungu andatsamula mifupha ya asiomendza Mlungu, andatiywa waibu mana Mlungu andaarema.

Misemo 28:1

Atu ayi nkuchimbira dzagbwe taazoreswa, ela enye haki ni jasiri dza simba.

Isaya 1:28

Ela aasi na enye dambi andaangamizwa, na hinyo amrichao Mwenyezi Mlungu andaochwa.

Isaya 10:16

Kpwa vira Ashuru ikadzikarya, Mwenyezi Mlungu, Mlungu wa majeshi andaatiya ukongo masujaa aho ario na miri aonde sana na kundahenda moho ndioangamiza mfalume, jeshire na mali yao yosi.

Isaya 10:6

Nkaahuma akapige atu asiomendza Mlungu, akashambuliye atu anitsukizao, ahale zewe na kutsukula vitu, na naavyoge-vyoge barabarani dza matope.”

Isaya 29:13

Mwenyezi Mlungu anaamba, “Atu hano ananisengerera na kuniishimu kpwa kanwa zao ela mioyo yao i kure nami. Ibada zao zinalongozwa ni malagizo arigofundzwa ni anadamu.

Isaya 29:6

Mwenyezi Mlungu, Mlungu wa majeshi andakpwedza na chiguruguru, msumbo wa dunia na hoyo dzinji na chikulukulu, phuto na moho uochao.

Isaya 32:11

Kakamani mwi achetu enye raha, kakamani na wuoga mwimwi msagalao raha msitarehe. Vulani nguwo zenu mvwale magunia.

Isaya 34:9

Vidzuho vya Edomu vindagaluzwa kukala lami na mtsangawe kugaluzwa kukala chibiriti, alafu tsi yosi indakala lami iakayo.

Isaya 47:14

Lola, andakala dza mibuwa ichiyouma, nao andaochwa ni moho, taandaweza kudziokola na ruche ra moho, mana uho taundakala moho wa kuoha.

Isaya 5:24

Kpwa hivyo dza viratu moho uochavyo mibuwa mifu na nyasi zouma ziphyavyo na moho, mizi yao indaola na maruwa gao gandaphepheruswa dza vumbi. Mana akarema shariya ya Mwenyezi Mlungu, Mlungu wa majeshi na kubera neno ra Mtakatifu wa Iziraeli.

Isaya 66:24

Nao andatuluka kondze, kpwendalola nyufu za atu arioasi, nazo zindakala zinariwa ni mabulu chila wakati na kuochwa ni moho ambao taufwa bii. Andakala ni utu wa kutsukiza kpwa atu osi.”

Isaya 7:2

Mfalume Ahazi wa chivyazi cha Daudi ariphoasikira kukala Shamu ikaungana na Iziraeli, iye na atue agbwirwa ni wuoga, achikakama dza mihi ya tsakani isumbiswavyo ni phepho.

Isaya 9:17

Kpwa hivyo Mwenyezi Mlungu kahamirwa ni barobaro aho wala kaaonera mbazi anachiya na magungu, mana osi taamendze Mlungu na akakala ayi, osi anagomba mai. Na bado Mlungu akatsukirwa na mkpwonowe u tayari kuatiya adabu.

Isaya 9:18

Hakika uyi unaaka dza moho, unaocha vikpwata na miya, nkutiya moho tsaka rikaaka na kulavya mosi mziho uphiyao dzulu mlunguni.

Isaya 9:19

Tsukizi za Mwenyezi Mlungu, Mlungu wa majeshi zinaocha tsi na atu anakala avi ni kuni za hinyo moho. Atu anagalukirana enye kpwa enye

Amosi 9:10

Enye dambi osi kahi za atu angu andaolagbwa na upanga aho ambao nkuamba, ‘Takuna mai ndigohuphaha.’

Nahumu 1:6

Ni ani awezaye kushindana na tsukizize? Ni ani awezaye kuvumirira usiruwe? Nkumwaga tsukizize kali dza moho, na nkuhenda myamba ikaahuka vipande-vipande.

Malaki 3:2

Ela ni ani awezaye kuvumirira iyo siku ya kpwedzakpwe? Au siku ndiphotuluka, ni ani awezaye kuima mbereze? Mana iye phahi ni dza viratu moho wa kueza vyuma, au sabuni iriyo na nguvu ya mfuli wa nguwo.

Mathayo 18:8

Na mkpwonoo ama chigulucho chichikuhenda uhende dambi, chikate uchitsuphe. Ni baha kuinjira uzima wa kare na kare na mkpwono mmwenga au chigulu chimwenga, kuriko kukala na mikonoyo na magulugo mairi na kutsuphiwa mohoni, moho uakao ta kare na kare.

Mathayo 22:12

Phahi achimuuza, ‘Msena wangu, ukainjiradze muno bila nguwo ya arusi?’ Ela yuya mutu kayagomba chitu.

Mathayo 24:51

andamtiya adabu kali sana, na andamuika kundi mwenga na anafiki, ambako atu andarira na kusaga meno.”

Mathayo 25:41

“Chisha nindaambira hara ario uphande wa kumotso, ‘Ukani mbere zangu mwimwi muriolaniwa! Phiyani moho wa kare na kare uriotengezerwa Shetani na malaikae.

Mathayo 25:46

Alafu atu ayi andainjira mateso ga kare na kare, ela hara a haki andainjira uzima wa kare na kare.”

Kumbukumbu 4:24

mana Mwenyezi Mlungu, Mlungu wenu, ni dza moho uochao tsetsetse. Iye ni Mlungu mwenye wivu.

2 Athesalonike 1:8

Andakpwedza na jimbijimbi ra moho, edze atiye adabu hara asioogopha Mlungu, na atu aremao habari nono kuhusu Bwana wehu Jesu Muokoli.

Aeburania 12:29

Mana Mlungu wehu ni dza moho uochao tsetsetse!

Maono 14:10

andatiywa adabu ni Mlungu. Adabu iyo indakala kali dza uchi mufu ambao taukabiganywa, na Mlungu mwenye andaajerera ndani ya chikombe cha tsukizize aunwe. Mlungu andaatiya hinyo atu ndani ya moho mkali sana wa chibiriti, ili ateswe mbere za malaika atakatifu na mbere za Mwana ngʼondzi.

Maono 20:10

Ye Shetani ariyeachenga watsuphiwa ziya ra moho mkali sana wa chibiriti, phatu phariphotsuphwa ro dzinyama na ye nabii wa handzo. Nao kuko andateswa usiku na mutsi, hata kare na kare.