Isaya 31:8 - Digo Bible

⁸ Aashuru andaolagbwa ela si kpwa panga za atu. Aho andajeza kuchimbira upanga na barobaro aho andagbwirwa alazimishwe kukala atumwa.

Isaya 31:8 ပူးပေါင်းရင်းမြစ်များ

Mwandzo 49:15

Achiona phatu pha kuoya ni phanono, na yo tsi ni nono, nkuzamisa mongowe kutsukula mizigo, na kuhendeswa kazi za shokowa dza mtumwa.

2 Nyakati 32:21

Ndipho Mwenyezi Mlungu achihuma malaika ambaye wakpwendaolaga masujaa osi, akulu osi a jeshi na maofisaa osi hiko kambini kpwa mfalume wa Ashuru. Senakeribu wauya Ashuru na waibu. Naye siku ariphomenya nyumba ya mlunguwe, ana a kuavyala mwenye achimuolaga kpwa upanga.

Isaya 10:12

Mwenyezi Mlungu anaamba, ndiphomala kuhenda achigopanga kuhendera Jerusalemu na Mwango wa Sayuni, andamtiya adabu mfalume wa Ashuru kpwa vira arivyo na ngulu na kudzikarya.

Isaya 10:25

Jumwa na chisiku sindakutsukirwani, tsukizi zangu zindakuukirani ziagalukire aho ziangamize.”

Isaya 14:2

Atu anjina anji andaaterya Aiziraeli kuuya kpwenye tsi yao ariyowewa ni Mwenyezi Mlungu. Hinyo Aiziraeli andaamiliki atu hano alume kpwa achetu akale atumwa ao. Andaahala mateka atu ambao kala akaateka na andatawala atu ambao kala anaaonera

Isaya 14:25

Ndamʼbananga iye Muashuru ariye kpwenye tsi yangu na nimvyoge-vyoge dzulu ya myango yangu. Ndaausira atu angu gogolo ra Aashuru na mizigo ambayo kala akaitsukula.

Isaya 17:13

Dzagbwe atu a mataifa ganjina ananguruma dza mvumo wa madzi manji, achiademurira aho nkuchimbira kure kpwenye dza maphephe garigo mwangoni gaphepheruswavyo ni phepho na vumbi riunulwavyo dzulu ni phuto.

Isaya 21:15

Mana anachimbira upanga, anachimbira upanga uchiotuluzwa chowani, anachimbira uha uchiophindwa, anachimbira viha vikali.

Isaya 27:7

Mwenyezi Mlungu kakaitiya Iziraeli adabu kali dza arivyotiya adabu maadui gao, wala kakaaolaga anji dza arivyoolaga maadui gao.

Isaya 29:5

Ela maaduigo gandakala manji dza vumbi, hinyo atu jaili andakala dza maphephe gaphepheruswago. Gafula bila kutarajiya,

Isaya 33:1

Shaka hiro uwe uriyebananga atu angu, kala kudzangbwebanangbwa, ela vivi undabanangbwa. Shaka hiro uwe uriyesalata atu angu, kala kudzangbwesalatwa, ela vivi undasalatwa. Ndiphomala kubananga na kusalata nawe undabanangbwa na usalatwe.

Isaya 37:7

Nindamtiya roho ya wasiwasi naye andasikira ndziyendziye na auye kpwao. Chisha ndamuhenda akaolagbwe kuko kpwa upanga.’ ”

Isaya 66:16

Mana kpwa moho na upangawe, Mwenyezi Mlungu andalavya uamuli chinyume cha atu osi, nao anji ni hara ndioolagbwa ni Mwenyezi Mlungu.

Jeremia 46:10

Ela siku iyo ni siku ya Mwenyezi Mlungu, Mlungu wa majeshi ni siku ya kuriphiza chisasi avihae. Upangawe undarya hadi umvune, undanwa mlatso wao hadi ukolwe. Mana ye Mwenyezi Mlungu, Mlungu wa majeshi andalavya sadaka kuko tsi ya vurini kanda-kanda ya muho Yufurati.

Ezekieli 21:28

“Nawe mwanadamu, lavya unabii uambe, ‘Mwenyezi Mlungu anaamba hivi kuhusu Aamoni na vyo alaphizavyo Aiziraeli, amba: Upanga, upanga watuluzwa chowani kuolaga, ukanolwa ili uangamize, na kumeka dza limeme.

Hosea 1:7

Ela nindaaonera mbazi atu a Juda, nami nindaativya bila ya viha. Sindahumira maha, panga, farasi, wala anajeshi akuhumira farasi, ela kpwa nguvu zangu mimi Mwenyezi Mlungu, Mlungu wao.