Isaya 31:4 - Digo Bible

⁴ Mwenyezi Mlungu, waniamba, “Ndanguruma na kukushambuliya dza simba asiyeogopha. Asiyetishirwa ni sauti ya guphuphu ra arisa anaorinda mangʼondzi. Hivyo ndivyo mimi Mwenyezi Mlungu, Mlungu wa majeshi ndivyotserera na kupigana kpwenye mwango Sayuni.

Isaya 31:4 ပူးပေါင်းရင်းမြစ်များ

2 Nyakati 20:15

Naye achiamba, “Phundzani mwimwi mosi msagalao Juda na Jerusalemu, na uwe mfalume Jehoshafati, Mwenyezi Mlungu anaamba hivi, ‘Msiogophe wala msitishike kpwa ajili ya hiri jeshi kulu kpwa mana viha sivyo vyenu ela ni vya Mlungu.

Kutsama 14:14

Mwimwi hurirani tu na Mwenyezi Mlungu andakupigirani viha.”

Kutsama 14:25

Wahendesa magurudumo ga magari gao ga kuvwehwa ni farasi gagame, ichiahendesa aphiye kpwa shida sana. Amisiri achiamba, “Nahuchimbireni mana Mwenyezi Mlungu anaahehera nyo Aiziraeli chinyume cha Amisiri.”

Isaya 10:16

Kpwa vira Ashuru ikadzikarya, Mwenyezi Mlungu, Mlungu wa majeshi andaatiya ukongo masujaa aho ario na miri aonde sana na kundahenda moho ndioangamiza mfalume, jeshire na mali yao yosi.

Isaya 12:6

Kotani kululu na muimbe kpwa kuhererwa mwimwi atu a Sayuni, mana Mtakatifu wa Iziraeli ni mkpwulu kahi yenu.”

Isaya 30:30

Mwenyezi Mlungu andakala msiru. Sautiye kulu ya kuogofya indasikirika na mkpwonowe undakala tayari kupiga. Usiruwe undakala dza moho uochao tsetsetse, uchilungirwa ni chiguruguru na phuto.

Isaya 30:32

Chila pigo ndiropiga Mwenyezi Mlungu kuhumira ndataye ya kutiira adabu kundasikirwa sauti za tamburini na za ngephephe.

Isaya 42:13

Mwenyezi Mlungu nkuphiya vihani dza sujaa, andaphiya na tsukizize dza mutu wa viha. Andarira na kukota kululu, andaangamiza maaduige.

Jeremia 50:44

“Lola, dza simba aambukaye kula weru wa Joridani kuvamia chaa imara cha mangʼondzi, nindaazola atu a Babeli kula kahi ya tsi yao. Chisha ye chilongozi ndiyemtsambula ndiye ndiyetawala tsi. Mana ni ani ariye dza mimi? Ni ani awezaye kulumbana na mimi? Ni mrisa yuphi awezaye kunipinga?

Hosea 11:10

Andamlunga Mwenyezi Mlungu, iye andanguruma dza simba, na angurumapho anae andakpwedza kula mtswerero wa dzuwa kuno anakakama.

Amosi 3:8

Simba achinguruma, ni ani asiyeogopha? Mwenyezi Mlungu akaamba, ni ani ambaye kandatabiri?

Zakariya 12:8

Siku iyo Mwenyezi Mlungu andaarinda atu a Jerusalemu ili nyo asio mkpwotse kahi yao akale dza Daudi. Atu a chivyazi cha Daudi andaalongoza avi ni Mlungu mwenye, au avi ni malaika wa Mwenyezi Mlungu.

Zakariya 14:3

Chisha Mwenyezi Mlungu andatuluka akapigane na atu a tsi zanjina zizo dza ahendavyo wakati wa viha.

Zakariya 2:5

Kpwa mana mimi mwenye, nindakala ukuta wa moho kuzunguluka nyo mudzi wosi, mimi Mwenyezi Mlungu nkaamba. Nami nindakala utukufu mo mudzini.’ ”

Zakariya 9:15

Mwenyezi Mlungu, Mlungu wa majeshi andaarinda, nao andaturya maadui gao kpwa kuhumira mawe ga tero. Aho andakota kululu mo vihani avi akalewa uchi wa zabibu, nao andakala tele dza bakuli richingirwaro mlatso wa nyama chiyelaviwa sadaka, na kulwama dza pembe za phatu pha kulavira sadaka.

Zakariya 9:8

Chisha nindachita kambi kuzunguluka nyumba yangu niirinde, ili majeshi ga maadui gangu gasitsupe na phapho, kusikale na mutu wa kuaonera tsona atu angu, mana nkaona mwenye go mateso ga atu angu.

Maono 10:3

achiiha na kululu avi ni simba anaye nguruma. Yuya malaika ariphoiha, chiguruguru chajibu kpwa kubanda kano sabaa.

Maono 5:5

Ndipho mmwenga wa hara atumia achiniamba, “Usirire! Hebu lola! Simba wa Mbari ya Juda, na ambaye ni chivyazi chikulu cha Mfalume Daudi, washinda. Kpwa hivyo anaweza kugandula ukaka mwatu sabaa mwa hicho chitabu na kuchifwenula.”