Isaya 30:14 - Digo Bible

¹⁴ Na kuvundzikakpwe kundakala dza nyungu ya ulongo, ichiyovundzwa kusudi isisale seemu ichiyotivywa. Phasisale hata chidzaya cha kutsukurira moho, au cha kuhekera madzi chisimani.”

Isaya 30:14 ပူးပေါင်းရင်းမြစ်များ

Ayubu 27:22

Nkumpiga bila ya mbazi, wakati anajeza kuchimbira nguvuze.

Zaburi 2:9

Undaavundza na fwimbo ya chuma na kuatisa-tisa dza nyungu.’ ”

Zaburi 31:12

Chila mmwenga akaniyala, avi nafwa. Nkakala dza nyungu yovundzika.

Misemo 6:15

Kpwa ajili ya higo, mai gandamphaha gafula, mara mwenga andalumizwa vibaya na kandaphola.

Isaya 27:11

Pandaze ndizouma zindavundzwa, achetu andazihala azihende kuni. Kpwa kpweli atu hano taaelewa, kpwa hivyo muumba wao kandaaonera mbazi wala kuaswamehe.

Isaya 30:26

Alafu Mwenyezi Mlungu andaafunga bendeji atue ariolumizwa na kuphoza vironda arivyosababisha. Mwezi undaala na mwanga munji avi ni dzuwa, na dzuwa rindalavya mwanga munji kano sabaa zaidi ya kawaida. Indakala avi ni mwanga wa siku sabaa kpwa siku mwenga.

Isaya 47:14

Lola, andakala dza mibuwa ichiyouma, nao andaochwa ni moho, taandaweza kudziokola na ruche ra moho, mana uho taundakala moho wa kuoha.

Isaya 65:7

Ndakuriphizani makosa genu phamwenga na makosa ga akare enu,” Mwenyezi Mlungu anaamba. “Kpwa kukala mwafukiza uvumba myangoni chisha mchinikufuru ko vidzangoni, ndakuriphizani kulengana na mahendo genu ga kare.”

Jeremia 13:14

Nami ndaafyakatsira enye kpwa enye, ano baba na ana ao. Mwenyezi Mlungu anaamba, Sindaaonera mbazi, sindaaricha wala kuaonera huruma chiasi cha kukala nisiaolage.” ’ ”

Jeremia 48:38

Dzulu za nyumba zosi za Moabu na mihalani takuna utu wanjina isiphokala chiriro. Mana Moabu nkaivundza dza mwiyo ambao tautundzwa ni yeyesi, Mwenyezi Mlungu anaamba.

Sonono za Jeremia 4:2

Nyo ana a Sayuni ariokala na nguma, ariokala a samani sawa na zahabu swafi, vivi anaaharira dza nyungu za ulongo zisizo na samani kazi ya mfinyangi.

Ezekieli 24:14

“ ‘Mimi Mwenyezi Mlungu nkaamba, na wakati ukafika wa kutimiza, sindalola nyuma, sindaonera mutu mbazi, sindajuta. Mundahukumiwa kulengana na tabiya zenu na mahendo genu, Mwenyezi Mlungu anaamba.’ ”

Ezekieli 5:11

Kpwa sababu hiyo, Mwenyezi Mlungu anaamba kpwa kpweli dza niishivyo, nindakuangamiza wala sindakuonera mbazi, kpwa kukala ukanajisi phatu phangu phatakatifu na vituvyo vya kutsukiza na mahendogo ga kutsukiza.

Ezekieli 7:4

Sindakuonera mbazi wala kukusaza, ela ndakutiya adabu kpwa tabiyazo na mahendogo ga kutsukiza. Nawe undamanya kukala mimi, ndimi Mwenyezi Mlungu.

Ezekieli 7:9

Sindakuonerani mbazi wala kukusazani. Nindakutiyani adabu kulengana na mahendo genu na mambo genu ga kutsukiza. Namwi mundamanya kukala mimi, ndimi Mwenyezi Mlungu, nipigaye.

Ezekieli 8:18

Kpwa hivyo nindaatiya adabu na tsukizi, sindaaonera mbazi wala kuaricha atiye. Hata achikota kululu mwangu masikironi, sindaaphundza bii.”

Ezekieli 9:10

Nami sindaasaza wala kuaonera mbazi, ela go arigohenda ndaahika enye.”

Luka 4:2

hiko Jesu wakala siku mirongo mine kuno anajezwa ni Shetani. Siku zosi hizo kayarya chitu, badaye wasikira ndzala.

Arumi 11:21

Mana ichikala Mlungu kayaaonera mbazi Ayahudi kama zira panda za asili, hata uwe kandakuonera mbazi.

Arumi 8:32

Mlungu kayamfwitsa mwanawe mwenye, ela wamlavya afwe kpwa ajili yehu hosi. Phahi, ichikala wahupha mwanawe mwenye, vivyo hivyo andahujaliya mambo manji manono.

Kumbukumbu 29:20

Mwenyezi Mlungu kandaswamehe mutu hiye, na tsukizize na wivuwe vindamuakira mutu hiye. Lana zosi zoandikpwa kpwenye chitabu hichi zindamphaha, naye Mwenyezi Mlungu andafuta tsetsetse dzina ra mutu hiye duniani.

Maono 2:27

Andaatawala na usiru kuachapa fwimbo na kuavundza-vundza dza nyungu. Andaphaha uwezo dza viratu mimi nrivyohewa uwezo ni Baba.