Isaya 29:17 - Digo Bible

¹⁷ Bado muda mchache tu, Lebanoni indagaluzwa kukala munda wenye rutuba na munda wenye rutuba undakala tsaka.

Isaya 29:17 ပူးပေါင်းရင်းမြစ်များ

Zaburi 107:33

Iye nkugaluza myuho ikakala jangbwa, na kuumisa pula za madzi,

Zaburi 107:35

Nkugaluza jangbwa rikala visima vya madzi, na tsi kavu ikakala na pula za madzi.

Zaburi 84:6

Anaphotsupa Dete ra Baka risiro madzi, nkurihenda rikale na pula za madzi na mvula za mapema nkurihenda rikakala na vidimbwi vya madzi.

Isaya 32:15

Hali indakala hivyo hadi Roho wa Mlungu ndiphohwedzera kula dzulu mlunguni, ndipho majangbwa gandakala minda yenye rutuba, na minda yenye rutuba indakala dza tsaka.

Isaya 41:19

Nindaphanda mierezi, mishita, mihadasi na mizaituni ko jangbwani. Chisha nindaphanda miboreshi, mitidhari phamwenga na miteashuru,

Isaya 5:6

Ndauricha ukale vuwe, taundatsatsulwa wala kurimwa, undamera vikpwata na miya. Piya ndaamuru maingu gasinye mvula dzuluye.

Isaya 55:13

Badala ya mihi ya miya, kundamera misonobari, na badala ya vikpwata kundamera mihadesi. Mambo gaga gandakala kumbukumbu kpwa Mwenyezi Mlungu, na ishara ya kare na kare ambayo taindabanangbwa.”

Isaya 63:18

Atuo atakatifu amiliki phatupho phatakatifu kpwa muda mchache, ela vivi maadui gehu gakavyoga-vyoga phatupho phatakatifu.

Hosea 3:4

Mana nyo Aiziraeli andakala siku nyinji bila kukala na mfalume au chilongozi, bila sadaka, bila nguzo ya kuvoywa, bila chisibao wala chizuka.

Mika 3:12

Sambi phahi, kpwa sababu yenu, mudzi wa Sayuni undarimwa dza munda Jerusalemu indakala gandzo, na chidzango cha nyumba ya kuvoya Mlungu chindakala tsaka.”

Habakuki 2:3

Ruwiya hizi zindatimiya kpwa wakatiwe, tsona gandahendeka upesi mana sigo ga handzo. Hata gachioneka kala ganachelewa, gagodzere mana ni gatimiye, tagandachelewa.

Hagai 2:6

“Mana Mwenyezi Mlungu, Mlungu wa majeshi anaamba, ‘Bado muda mchache tu nindasumbisa tsona mlungu na dunia, bahari na tsi kavu.’

Mathayo 19:30

Ela anji ambao ni a kpwandza andakala a mwisho, na anji a mwisho andakala a kpwandza.”

Mathayo 21:43

“Kpwa hivyo nakuambirani kukala ufalume wa Mlungu undauswa kula kpwenu na uhewe atu anjina ambao andauvyarira matundage.”

Aeburania 10:37

Mana Maandiko ganaamba: “Hiye agodzwaye andakpwedza vi sambi sambi, kandakaa.