Isaya 29:15 - Digo Bible

¹⁵ Shauri yao hinyo amfwitsao Mwenyezi Mlungu mipango yao. Hinyo ahendao mambo gao chisiri-siri na kudziamba mwao mioyoni, “Taphana ahuonaye, tsona taphana mutu ndiyehumanya.”

Isaya 29:15 ပူးပေါင်းရင်းမြစ်များ

2 Samueli 11:27

Muda wa chiriro uriphosira, Daudi wahuma mutu akamrehe, achimtiya mwakpwe nyumbani, achikala mchewe na achimuvyarira mwana. Ela dzambo hiro arirorihenda Daudi ramtsukiza Mwenyezi Mlungu.

2 Afalume 17:9

Atu a Iziraeli ahenda chisiri mambo gasigokala manono mbere za Mwenyezi Mlungu, Mlungu wao. Adzenga mwatu mwa dzulu mwakuabudu milungu ya handzo kpwenye chila mudzi, kuandzira mudzi mdide wenye mnara wa arindzi hadi midzi mikulu yenye ngome.

Ayubu 34:22

Taphana jiza au chilungulungu cha jiza, ambacho chinaweza kufwitsa atu ayi.

Zaburi 59:7

Lola, analaphiza kpweli-kpweli maneno gao avi ni panga kali enye anaona taphana anayesikira.

Zaburi 73:11

Nao nkuamba, “Mlungu andamanyadze? Dze, Ye Ariye Dzulu Kuriko Vyosi ana marifwa?”

Zaburi 83:3

Akaapangira atuo njama mbii, anashauriana vira ndivyoahenda vii hinyo unaoarinda.

Isaya 28:15

Mwimwi munadzikarya, munaamba, “Hukahenda chilagane na chifo, hukaphahana na kuzimu. Shaka kulu richitsupa, tarindahuguta, mana hukahenda handzo rikale chimbiriro rehu. Na kuchenga kukale phatu pha kudzifwitsa.”

Isaya 28:17

Nami ndahumira uamuli wa haki ikale chipimo na kuhenda haki ikale kabiro. Mvula ya mawe indausa chimbiriro renu, yani handzo na madzi gandafurika hipho phatu phenu pha kudzifwitsa.

Isaya 30:1

Mwenyezi Mlungu anaamba, “Shaka hiro kpwa hinyo anaoasi. Anahenda mipango isiyokala yangu, na kuhenda ushirika bila Roho wangu, aenjerezao dambi dzulu ya dambi.

Isaya 47:10

Ukakuluphira uyio nawe ukaamba, ‘Taphana anionaye.’ Ikima na marifwago ganakuangamiza unaphodziambira mwako moyoni, ‘Ni mimi bahi, takuna wanjina.’

Isaya 57:12

Nindatangaza mahendogo uonago ni ga haki, ela tagandakufwaha chitu.

Jeremia 23:24

Dze, mutu anaweza kudzifwitsa hata nsimuone? Dze, sigotere ko mlunguni na duniani? Mimi Mwenyezi Mlungu nkaamba.

Ezekieli 8:12

Chisha achiniamba, “Mwanadamu, ukaaona nyo atumia a Aiziraeli chivyokala anahenda pho jizani, chila mmwenga kpwenye chumbache cha vizuka? Aho anaamba, ‘Mwenyezi Mlungu kahuona, ihi tsi akairicha.’ ”

Ezekieli 8:8

Ndipho achiniamba, “Mwanadamu, enjereza kuombola yo tundu pho ukutani.” Phahi nahenda hivyo, nami nchiona mryango.

Ezekieli 9:9

Ndipho achiniamba, “Kosa ra atu a Iziraeli na Juda ni kulu sana, mana yo tsi ikaodzala aolagadzi na mudzi mzima tauhenda haki. Mana anaamba, Mwenyezi Mlungu akairicha yo tsi na kaona.

Hosea 5:2

Aasi akaenjereza kuolaga kpwao, ela osi nindaarekebisha.

Zefania 1:12

Wakati uho nindamwirika Jerusalemu na taa na niipeleleze. Nindaatiya adabu atoshekao na hali yao, hinyo aambao mwao mioyoni, ‘Mwenyezi Mlungu kandahenda rorosi nono wala iyi.’

Malaki 2:17

“Mkamremweza Mwenyezi Mlungu na higo maneno genu. Ela mwi munauza, ‘Ni maneno gani huchigomremweza nago?’ Mkamremweza kpwa kuamba, ‘Mwenyezi Mlungu anamendza ahendi a mai osi tsona anamuhamira.’ Au kpwa kuuza, ‘Ye Mlungu ahendaye haki a kuphi.’”

Johana 3:19

Na sababu ya kuamulwa kpwao ni kukala, mwanga wakpwedza duniani kula mlunguni, ela atu amendza jiza zaidi kuriko mwanga, mana mahendo gao ni mai.

1 Akorintho 4:5

Kpwa hivyo msihukumu chochosi kabila ya wakatiwe. Godzani hadi Bwana Jesu ndiphokpwedza. Iye ndiye ndeika wazi mambo gofwitswa jizani na kuika wazi nia za mioyo ya atu. Na ndipho chila mmwenga andaphaha sifwaye anayostahili kula kpwa Mlungu.

2 Akorintho 4:2

Ela hwaricha mahendo gosi ga chisiri-siri na waibu, na tahulunga mambo ga handzo wala kugaluza ukpweli wa mafundzo ga Mlungu. Badalaye hunatangaza ukpweli mbere za Mlungu, na atu amendzao ukpweli anahumanya kukala hu aaminifu.

Maono 2:23

Tsona nindaolaga afuasie. Ndipho afuasi osi a Jesu andamanya kala mimi namanya moyo na achili za chila mutu. Chila mmwenga nindamripha kulengana na mahendoge.