Isaya 19:13 - Digo Bible

¹³ Akulu a Soani akakala azuzu na atawala a Memufisi anadziphuphiza. Vilongozi a mbarize aihenda Misiri ikosere njira.

Isaya 19:13 ပူးပေါင်းရင်းမြစ်များ

Isaya 19:11

Akulu a Soani ni azuzu sana! Ashauri enye ikima a Misiri analavya ushauri wa chizuzu! Anawezadze kumuambira Farao kukala aho ni chivyazi cha atu enye ikima, na ni ana a afalume a kare?

Jeremia 2:16

Chisha atu a Memufisi na Tapanesi akakuvundza chitswa.

Jeremia 44:1

Hiri ndiro neno ambaro Mwenyezi Mlungu wamuambira Jeremia kuhusu Ayahudi osi ariokala anasagala Misiri, haswa midzi ya Migidoli, Tapanesi, Memufisi na tsi ya Pathirosi.

Jeremia 46:14

“Gasemeni ko midzi ya Misiri, yani pigani koikoi ko mudzi wa Migidoli, wa Memufisi na wa Tapanesi, ‘Dzipangeni na mdzitayarishe kudzichinga, mana nyo upanga undaolaga osi achiokuzunguluka.’

Jeremia 46:19

Funganyani mizigo yenu mkale tayari kutsamizwa kpwa lazima, mwimwi msagalao Misiri! Mana mudzi wa Memufisi undabanangbwa, ukale gandzo risiro sagala atu.

Ezekieli 30:13

“ ‘Mwenyezi Mlungu anaamba hivi: Nindabananga vyo vizuka, na kuusa kamare milungu ko Nofu. Takundakala tsona na chilongozi kula tsi ya Misiri, nindatiya wuoga tsi yosi ya Misiri.

Ezekieli 30:14

Nami ndahenda tsi ya Pathirosi ikale gandzo mudzi wa Soani niutiye moho, na nitiye adabu mudzi wa No.

Ezekieli 30:16

Misiri ndaitiya moho, Sini indagalagala kpwa maumivu. Kuta za No zindakala na myanya na mudzi wa Nofu undapigbwa ni maadui chila siku.

Hosea 9:6

Hata akatiya, asibanangbwe ni Aashuru, chisha andakusanywa ni Amisiri, na andazikpwa ko Memufisi. Vitu vyao vya feza vindalingbwa-lingbwa ni miya, miya indamera na kubwiningiza mahema gao.

Zakariya 10:4

Kahi ya atu a Juda kundatuluka vilongozi a chila aina, ambao andakala dza dziwe ra msingi, dza chigingi cha kuimisira hema na dza uha wa kupigira viha.

Isabu 24:17

Nrigoona kpwenye ruwiya tagadzangbwetimiya. Ela siku mwenga kundatsembuka mfalume dza nyenyezi, kula kpwa Jakobo, fwimbo ya utawala hiko Iziraeli. Iye andakuolagani mwimwi Amoabu, na kuangamiza atu osi a Sethi.

Arumi 1:22

Enye adzikarya kala ni alachu, ela akala azuzu.

1 Petero 2:7

Dziwe hiri ni ra mana kpwenu mwimwi munaokuluphira; ela kpwa hara asiomkuluphira, “Dziwe roremewa ni adzengi, ndipho rikakala dziwe kulu ra msingi.”

1 Samueli 14:38

Ndipho Sauli achiiha akulu osi a jeshi achiaamba, “Ndzoni hipha ili humanye hukahenda dambi yani rero.”